എന്റെ എല്ലാ പ്രിയ വായനക്കാര്‍ക്കും പുണ്യ മാസ്സമായ റമദാനിലെ പത്താം നാളിലേക്ക് സ്വാഗതം. രണ്ടു മൂന്ന് ദിവസം എന്റെ ചിന്തകളുമായി നിങ്ങളുടെ അടുത്ത് വരാന്‍ സാധിച്ചില്ല. ഒരു സുഹൃത്തിന്റെ അകാലത്തിലുള്ള വിയോഗവും മറ്റു ചില മാനസ്സിക സംഘര്‍ഷങ്ങളും കാരണം എഴുത്തില്‍ ശ്രദ്ധ ചെലുത്താന്‍ പറ്റിയില്ല. ചിറയിന്‍കീഴ്‌ അന്‍സാര്‍ എന്ന ആ സുഹൃത്തിന്റെ ആത്മാവിന് നിത്യശാന്തി നേര്‍ന്നു കൊണ്ട് ഇന്നത്തെ ചിന്തകളിലേക്ക് കടക്കട്ടെ. അറിയാത്തവര്‍ക്ക് പോലും ഉപകാരം ചെയ്യാന്‍ ഒരു മടിയും ഇല്ലാതെ സമയം കണ്ടെത്തിയിരുന്ന ഒരു നല്ല മനുഷ്യന്‍. അദ്ധേഹത്തിന്റെ മരണ വിവരം അറിഞ്ഞ ഒരു സാധാരണക്കാരനായ സുഹൃത്ത്‌ എന്നോട് പറഞ്ഞത് - ഒരിക്കല്‍ അബു ദാബിയിലെ എംബസ്സിയില്‍ എന്തോ കാര്യത്തിനു പോയ സമയത്ത് ശ്രീ അന്‍സാര്‍ കാണുകയും സഹായിക്കുകയും ചെയ്ത കഥയാണ്. ഓരോരോ ഉത്തരവാധിത്വങ്ങളില്‍ ഇരിക്കുന്നവര്‍ അവരുടെ മേഘലയിലും അതില്‍ നിന്ന് പുറത്തു തന്നാല്‍ ആവുന്ന മറ്റു മേഘലകളിലും തങ്ങളുടെ കഴിവുകളും സഹായഹസ്തങ്ങളും പരോപകാരപ്രദമായി വിനിയോഗിക്കുന്നതിന്റെ ഉദാത്തമായ ഉദാഹരണം.
ഈശ്വരന് എല്ലാ മനുഷ്യരിലും നല്ല മനസ്സുകളും നല്ല ചിന്തകളും വളര്‍ത്തുവാന്‍ ഇടവരുത്തട്ടെ എന്ന് പ്രാര്‍ത്ഥിച്ചു കൊണ്ട് ഇന്നത്തെ ചിന്തകള്‍ ഇവിടെ ചുരുക്കുന്നു.
സസ്നേഹം
രമേശ്‌ മേനോന്‍
31082009
Posts
