Athaani

Ramesh Menon's Clicks and Writes

2010-08-14T14:55:00.001+04:00

Dear Readers,

Due to time constraints, I have streamlined all my blogs to one common point.

Kindly therefore bookmark and visit,

http://www.clicksandwrites.blogspot.com/

Regards,

Ramesh Menon

കഥകളി - നിരന്തര സാഥനയുടെയും അഭിനിവേശത്തിന്റെയും കല - കലാനിലയം ഗോപി ആശാന്‍

2010-07-01T07:54:00.019+04:00

കഥകളി - നിരന്തര സാഥനയുടെയും അഭിനിവേശത്തിന്റെയും കല - കലാനിലയം ഗോപി ആശാന്‍

ഇരിങ്ങാലക്കുട ഉണ്ണായി വാര്യര്‍ സ്മാരക കലനിലയത്തിലെ സീനിയര്‍ പ്രൊഫസര്‍ കലാനിലയം ഗോപി ആശാനും സംഘവും കല അബുദാബിയുടെ ആഭിമുഖ്യത്തില്‍ നടത്തിയ കേരളീയം 2010 എന്ന പരിപാടിയില്‍ ലവണാസുരവധം കഥകളി അവതരിപ്പിക്കുയണ്ടായി. ഇത് നാലാം തവണയാണ് കല അബുദാബി കഥകളി യു എ യില്‍ അവതരിപ്പിക്കുന്നത്‌. അബുദാബി ഇന്ത്യ സോഷ്യല്‍ സെന്ററില്‍ വച്ച് നടന്ന പരിപാടിയില്‍ ഒരു വന്‍ ജനാവലി തന്നെ പങ്കെടുത്തിരുന്നു. ഈ വരവിനോടനുബന്ധിച്ചു തിരനോട്ടം ദുബായ് ഒരു കഥകളിപദ കച്ചേരിയും ചര്‍ച്ചയും ദുബായില്‍ നടത്തുകയുണ്ടായി. അബുദാബി മലയാളി സമാജത്തിലും കഥകളി ആസ്വാധന ക്ലാസും ചര്‍ച്ചയും നടന്നു. ഈ മൂന്ന് പരിപാടികളും പങ്കെടുത്ത കാണികളുടെ സംഖ്യാ ബലവും അതില്‍ പങ്കെടുത്തു കലാകരന്മാരോട് അവര്‍ നല്‍കിയ സ്നേഹാധാരങ്ങളും യുറോപ്യന്‍ രാജ്യങ്ങളില്‍ ഉണ്ണായി വാര്യര്‍ കലാനിലയം ട്രൂപിന്റെ കൂടെ പര്യടനം നടത്തിയിട്ടുള്ള ഗോപി ആശാന്റെ ആദ്യത്തെ ഗള്‍ഫ്‌ സന്ദര്‍ശനം ഒരു വിജയമായി എന്ന് തീര്‍ത്തും സൂചിപ്പിക്കാം.

അബുധാബിയില്‍ നിന്ന് നാട്ടിലേക്ക് മടങ്ങുന്നതിനു മുന്‍പ് ഗോപി ആശാനും അദ്ധേഹത്തിന്റെ ശിഷ്യന്മാരില്‍ പ്രധാനിയും തിരുവനന്തപുരം റിജിയണല്‍ കാന്‍സര്‍ സെന്റര്‍ ഹോസ്പിറ്റലിലെ ഡോക്ടറുമായ രാജീവുമായി ഏതാനും നിമിഷങ്ങളില്‍ ഒതുങ്ങി നിന്ന ഒരു കൂടികാഴ്ചക്കും സൌഹൃദ സംഭാഷണത്തിനും എനിക്ക് അവസ്സരം കിട്ടി. ആ അസുലഭ നിമിഷങ്ങളില്‍ നിന്നും ഏതാനും ഭാഗങ്ങള്‍:

RM: നമസ്കാരം ഗോപി ആശാന്‍, എന്റെ കോളേജ് വിദ്യാഭ്യാസ കാലത്തിനു ശേഷം പ്രവസ്സ ജീവിതം തുടങ്ങിയതിനു പിന്നീട് ആശാനെയും ആശാന്റെ കളിയും കാണാന്‍ കിട്ടുന്ന ആദ്യ അവസ്സരമാണിത്. വളരെ അധികം സന്തോഷം തോന്നുന്നു. ആശാന്റെ സംഘത്തില്‍ ഉള്ളവരെ പറ്റി ഒന്ന് വിവരിക്കാമോ?

KG: സംഗത്തില്‍ പത്തു പേരാണ് ഉള്ളത്. പ്രധാന വേഷം (ഹനുമാന്‍) ഞാന്‍ കെട്ടുന്നു. സീതയായി കലാനിലയം വിനോദ് കുമാര്‍, കുശന്‍ ആയി കാവ്യ പുഷ്പാങ്കതന്‍, ലവനായി ഐശ്വര്യാ ഗോപി, സംഗീതം കലാനിലയം രാജീവന്‍, കലാനിലയം ബാബു, ചെണ്ട കലാമണ്ഡലം ശിവദാസ്‌, മദ്ധളം കലാനിലയം പ്രകാശന്‍, ചുട്ടി ജനാര്‍ദ്ദനന്‍ എന്നിവര്‍ കൈകാര്യം ചെയ്യുന്നു. ഡോക്ടര്‍ രാജീവ്‌ ഞങ്ങളുടെ അവതാരകന്‍ ആയി കൂടെ ഉണ്ട്.

RM: ആശാന്റെ കഥകളി വിദ്യാഭ്യാസ്സത്തെ പറ്റി ഏതാനും വാക്കുകള്‍

KG: ഞാന്‍ 1971 മുതല്‍ കഥകളി കലനിലയത്തില്‍ പഠിക്കുകയും തുടര്‍ന്ന് അവിടെ തന്നെ ഡിപ്ലോമയും, ബിരുദാനന്തര പഠനവും നടത്തിയതിനു ശേഷം അവിടെ അധ്യാപകനായി ചേര്‍ന്നു. മുടങ്ങാതെ ഇന്നും തുടര്‍ന്ന് പോകുന്ന അഭ്യാസ്സവും കഥകളി എന്ന കലയോടുള്ള എന്റെ അടങ്ങാത്ത ആധാരവും അഭിനിവേശവും കൊണ്ട് ഞാന്‍ ഇന്ന് ആ കലാലയത്തിലെ ഒരു മുതിര്‍ന്ന അധ്യാപകനായി വേഷം വിഭാഗത്തിന്റെ തലവനായി ജോലി നോക്കുന്നു.

RM: താങ്കളുടെ ഗുരുക്കള്‍?

KG: പള്ളിപ്പുറം ഗോപലന്‍ നായര്‍, സദനം കൃഷ്ണന്‍കുട്ടി, കലാമണ്ഡലം കുട്ടന്‍, കലാനിലയം രാഘവന്‍, കലാനിലയം ഗോപലകൃഷ്ണന്‍ എന്നിവരായിരുന്നു എന്റെ ഗുരുനാഥന്മാര്‍. ചിട്ടയായ അഭ്യാസ്സവും, ഗുരുകുല വാസ സമ്പ്രദായവും കഠിനമായ പരിശീലന ക്രമങ്ങളും എന്നെ ഒരു നല്ല ശിഷ്യനും പിന്നീട് ഒരു നല്ല ഗുരുനാഥനും ആക്കി മാറ്റാന്‍ നിമിത്തമായി. ഉപരി പഠനം പദ്മഭൂഷന്‍ കലാമണ്ഡലം രാമന്‍കുട്ടി നായരുടെ കീഴില്‍ കലാമണ്ഡലം ആസ്ഥാനം ആയിട്ടായിരുന്നു.

RM: ആശാന്റെ പ്രധാന വേഷങ്ങള്‍ ഏതൊക്കെയാണ്?

KG :ഇതിനോടകം കഥകളിയിലെ ഒട്ടുമിക്ക പ്രധാന വേഷങ്ങള്‍ കെട്ടി ആടാന്‍ കഴിഞ്ഞു എന്നുള്ളത് വളരെ സന്തോഷം ഉള്ള കാര്യമാണ്. എന്റെ അസ്വാധകര്‍ക്ക് വീണ്ടും വീണ്ടും കാണണം എന്നുള്ള വേഷങ്ങള്‍ ഹനുമാന്‍, കീചകന്‍, ദുര്യോധനന്‍ പരശുരാമന്‍, ബ്രാഹ്മണന്‍, ഭീമന്‍, അര്‍ജുനന്‍ എന്നിവയാണ്.

RM: താങ്കള്‍ക്ക് ലഭിച്ചിട്ടുള്ള പുരസ്കാരങ്ങള്‍ ?

KG: 2003 ഇല്‍, കേരള കലാമണ്ഡലം വക കഥകളിക്കു ഉള്ള സമഗ്ര സേവനത്തിനുള്ള പ്രത്യേക പുരസ്കാരം ലഭിക്കുകയുണ്ടായി. കൂടാതെ, തനിമ ഇരിങ്ങാലക്കുടയുടെ വക പുരസ്കാരവും ലഭിച്ചിട്ടുണ്ട്. മറ്റു ഒട്ടനവധി ചെറിയ പുരസ്കാരങ്ങളും ആദരവുകളും വേറെ.

RM: താങ്കള്‍ എന്ന് മുതല്‍ ആണ് കഥകളി അഭ്യസിപ്പിക്കാന്‍ തുടങ്ങിയത്? പ്രധാന ശിഷ്യര്‍?

KG: 1980 മുതല്‍ കഥകളി പഠിപ്പിക്കാന്‍ തുടങ്ങി. ആദ്യത്തെ ശിഷ്യന്‍ പ്രഭാകരന്‍ എന്ന ഒരു വിദ്ധ്യാര്‍ത്തി ആയിരുന്നു. ഇതോടകം 200 ഇല്‍ അധികം പ്രതിഭകളെ വളര്‍ത്തിയെടുക്കാന്‍ എനിക്ക് കഴിഞ്ഞതില്‍ വളരെ അധികം ചാരിധാര്‍ത്ഥ്യം ഉണ്ട്. ജയന്തി, Dr. രാജീവ്‌, വിനോദ് വാര്യര്‍ എന്നിവര്‍ അവരില്‍ ചിലര്‍. ചിട്ടയായ അഭ്യാസ രീതികളും ശിഷ്യരോടുള്ള താല്‍പര്യവും അവരെ എന്നും കലയില്‍ മുന്നില്‍ തന്നെ നില്ക്കാന്‍ പര്യപ്തമാക്കുന്ന വിധത്തില്‍ വളര്‍ത്തിയെടുക്കാന്‍ കഴിയുന്നു.

Dr. R: ആശാന്റെ പഠിപ്പിക്കുന്ന രീതിയെ പറ്റി, ഇതിനിടയില്‍ ഞാന്‍ ഒന്ന് പറഞ്ഞു കൊള്ളട്ടെ. പൂര്‍ണ അര്‍പ്പണ മനോഭാവവും, സമര്‍പ്പണവും കൂടി ചിട്ടയും നിഷ്ഠയും കൂടിയ അദ്ധേഹത്തിന്റെ അധ്യായന രീതി എന്നും ശിഷ്യര്‍ക്ക് ആത്മ വിശ്വാസ്സവും ദൈര്യവും ക്രിയാല്‍മകതയും നല്‍കുന്നു. എത്ര കാലം കഴിഞ്ഞാലും ആ പാഠങ്ങള്‍ മനസ്സില്‍ ഉള്ളില്‍ നിറഞ്ഞു നില്‍ക്കും. ഒരു പ്രത്യക്ഷ ഉദാഹരണം ഈ സന്ദര്‍ശന വേളയില്‍ ദുബായില്‍ നടന്ന ശില്പശാലയില്‍ ഗോപി ആശാന്റെ ശിഷ്യനും ഇവിടെ ദുബായില്‍ ജോലി ഉള്ള കൃഷ്ണന്‍ ഉണ്ണി അവതരിപ്പിച്ച ചൊല്ലിയാട്ടം ഏറെ പ്രശംസ പിടിച്ചു പറ്റി. ചുരുങ്ങിയ സമയത്തിനുള്ളില്‍ ആണ് അദ്ദേഹം അതിനു തയ്യാര്‍ എടുത്തതും അവതരിപ്പിച്ചതും എങ്കിലും ആശാന്റെ ശിക്ഷണത്തില്‍ പഠിച്ച പാഠങ്ങള്‍ കാലങ്ങള്‍ കഴിഞ്ഞിട്ടും മറക്കാതെ നില്‍ക്കുന്നുണ്ടായിരുന്നു അദ്ധേഹത്തിന്റെ ഉള്ളില്‍.

RM: താങ്കള്‍ ഇപ്പോള്‍ ഉണ്ണായി വാര്യര്‍ കലനിലയത്തില്‍ എന്ത് ചെയ്യുന്നു? കഥകളിയുടെ ഇന്നത്തെ അവസ്ഥയെ പറ്റിയും കഥകളി പഠനത്തെ പറ്റിയും എന്തെകിലും ?

KG: ഞാന്‍ ഇപ്പോള്‍ ഉണ്ണായി വാര്യര്‍ കലനിലയത്തില്‍ വേഷം വിഭാഗത്തിന്റെ തലവന്‍ ആയി പ്രവര്‍ത്തിക്കുന്നു. ഒരു കഥകളി വിദ്ധ്യാര്‍ത്തി ചുരുങ്ങിയത് രണ്ടു വര്ഷം എങ്കിലും നിരന്തരമായി അഭ്യസ്സിച്ചാല്‍ മാത്രമേ കഥകളി അരങ്ങേറ്റം നടത്താന്‍ പറ്റുകയുള്ളു. മറ്റു കലകള്‍ അങ്ങനെ അല്ല. മുന്‍പ് ഒക്കെ കാലത്ത് മൂന്നു മണിക്ക് എണീറ്റ്‌ കണ്ണ് സാധകവും ഉഴിച്ചിലും ഒക്കെ നിര്‍ബന്ധം ആയിരുന്നു. ഇന്ന് പലരും അതൊന്നും ചെയ്യുന്നില്ല. അതെ പോലെ പണ്ട് കളി ഒരു രാത്രി മുഴുവനും ഉള്ള അവതരണ രീതി ആയിരുന്നു. ഇന്ന് പോയി പോയി അത് മൂന്നും നാലും മണിക്കൂറിനുള്ളില്‍ ഒതുങ്ങി ഒരു സംഷിപ്ത രൂപം മാത്രമായി ചുരുങ്ങി ഇരിക്കുന്നു. അത് കൊണ്ട് തന്നെ പദവും മേളവും ആട്ടവും വിസ്താരങ്ങള്‍ എല്ലാം തന്നെ വളരെ അധികം ഇല്ലാതായി കഴിഞ്ഞു. കുട്ടികളും മാതാപിതാക്കളും ഏറ്റവും എളുപ്പം പഠിച്ചു എടുത്തു അവതരിപ്പിക്കാവുന്ന വിദ്യകള്‍ പഠിക്കാന്‍ താല്‍പ്പര്യം കാണിക്കുന്നു.

Dr. R: ഇന്നത്തെ ഗുരുക്കന്മാരില്‍ ചുരുക്കം ചിലര്‍ മാത്രമേ പഴയ സമ്പ്രദായങ്ങള്‍ തുടര്‍ന്ന് വരുന്നുള്ളൂ. അവരില്‍ ഒരാള്‍ ആണ് ഗോപി ആശാന്‍. കണ്ണ് സാധകവും, ഉഴിചില്ലും എല്ലാം അദ്ദേഹത്തിന് നിര്‍ബന്ധം. കൂടാതെ, സമയം നോക്കാതെ ഉള്ള പഠിപ്പിക്കലും. വെറുതെ അല്ല അദ്ധേഹത്തിന്റെ ശിഷ്യര്‍ എല്ലാവരും കളിയില്‍ പുരോഗതി പ്രാപിക്കുന്നത്. ഇതിനോടകം അദ്ധേഹത്തിന്റെ 10 ശിഷ്യര്‍ക്ക് കേന്ദ്ര സ്കോളര്‍ഷിപ്‌ കിട്ടിയിട്ടുണ്ട്. അത് കിട്ടാന്‍ ഉള്ള എല്ലാ മാര്‍ഗ നിര്‍ദേശങ്ങളും തയ്യാറെടുപ്പുകളും എല്ലാം ആശാന്‍ മുന്നിട് വന്നു ഒപ്പം നിന്ന് ചെയ്തു കൊടുത്തത് കൊണ്ട് അവരെല്ലാം ഇന്ന് ആ സൌഭാഗ്യങ്ങള്‍ അനുഭവിക്കുന്നു.

RM: കഥകളിയില്‍ എന്തെകിലും നൂതനമായ ആവിഷ്കാരങ്ങള്‍ താങ്കളുടെ നേതൃത്വത്തില്‍ ചെയ്തിട്ടുണ്ടോ?

KG: ഉണ്ണായി വാര്യര്‍ സ്മാരക കലാനിലയത്തിന്റെ നൂതന രീതികളുടെ ഭാഗമായി വന്ദേമാതരം, അഷ്ടപദി എന്നിവ കഥകളി രൂപത്തില്‍ ആക്കിയിട്ടുണ്ട്. കൂടാതെ, മറ്റു ഭാഷ സാഹിത്യങ്ങളില്‍ നിന്ന് മാക്ബത്ത്, ഹാംലെറ്റ്, മെര്‍ച്ചന്റ് ഓഫ് വെനിസ്സു, എന്നിവയും കഥകളി രൂപത്തിലാക്കി ഇന്ത്യയിലും വിദേശത്തും ഇപ്പോള്‍ അവതരിപ്പിക്കുന്നുണ്ട്. അവയ്ക്ക് എല്ലാം നല്ല സ്വീകരണം ആണ് ലഭിക്കുന്നത്.

RM: താങ്കളുടെ കുടുംബം?

KG: ഭാര്യ ജയശ്രീ, നല്ല ഒരു ഭരതനാട്ട്യം, ഓട്ടംതുള്ളല്‍, കഥകളി നര്‍ത്തകി ആണ്. ഇപ്പോള്‍ ബാങ്കില്‍ ജോലി ചെയ്യുന്നു. ഏക മകള്‍ ഐശ്വര്യാ ഗോപി. ഇപ്പോള്‍ സിവില്‍ എഞ്ചിനീയറിംഗ് പഠനത്തിനു ചേര്‍ന്നു. കഥകളിയില്‍ എന്റെ തന്നെ ശിഷ്യ ആണ്. വളര്‍ന്നു വരുന്ന ഒരു കലാകരി എന്ന് പറയാം.

RM: താങ്കളുടെ ആരാധകരോട് എന്തെങ്കിലും പ്രത്യേകിച്ച് പറയാന്‍ ഉണ്ടോ?

KG: കഥകളി എന്ന കല എന്നും നില നില്‍ക്കണം എങ്കില്‍ അതില്‍ ജനങ്ങള്‍ക്ക്‌ താല്‍പര്യവും അതിനോട് പഠിക്കാന്‍ വരുന്നവര്‍ക്ക് അര്‍പ്പണ മനോഭാവവും വേണം. അവരുടെ സന്ഘ്യാ ബലം ഇപ്പോള്‍ കുറഞ്ഞു വരുന്നു. ആ പ്രവണത മാറിയെ തീരു. തിരനോട്ടം ദുബായ്, കല അബുദാബി എന്നീ സങ്കടനകള്‍ ഈ മേഖലയില്‍ സ്ലാഘനീയമായ പ്രവര്‍ത്തികള്‍ ആണ് ചെയ്യുന്നത്. ഗള്‍ഫ്‌ രാജ്യങ്ങളിലും പുറത്തും ഇങ്ങനെ ഉള്ള പ്രത്യേകിച്ചും തിരനോട്ടം ദുബായിയുടെ ആഭിമുഘ്യത്തില്‍ നടത്തുന്ന കഥകളി ആസ്വാധന അവതരണ പരിപാടികള്‍. . ഇനിയും കഥകളി കലാകാരന്മാര്‍ക്ക് കൂടുതല്‍ അവസ്സരം നല്‍കുകയും കഥകളി, കേളി, തായമ്പക എന്നിങ്ങനെയുള്ള കേരളത്തിന്റെ തനതു കലാ രൂപങ്ങള്‍ പ്രദര്‍ശിപ്പിക്കാന്‍ ഉള്ള അവസ്സരങ്ങള്‍ കൂടുതല്‍ ആയി ലഭ്യമാക്കുകയും ചെയ്യണം എന്ന അഭ്യര്‍ത്ഥന ഉണ്ട്.

കലാനിലയം ഗോപി ആശാനും ഡോക്ടര്‍ രാജീവുമായുള്ള എന്റെ കൂടികാഴ്ച അവിസ്മരണീയം ആയിരുന്നു. വായനക്കാര്‍ക്ക് കലാനിലയം ഗോപി അശാനുമായി ബന്ധപ്പെടണം എന്ന് ആഗ്രഹം ഉണ്ടെങ്കില്‍ താഴെ കാണുന്ന വിലാസ്സത്തില്‍ ബന്ധപ്പെടാം:

Kalanilayam Gopi
Sreevalsam
Sangameswara Avenue
West Nada
Irinjakalkuda
Thrissur Dist, Kerala, India
Tel: 0944 767 3382 , 0480 2828382
E-mail: gopisreevalsam@rediffmail.com

രമേശ്‌ മേനോന്‍
29 June 2010.

ടാലെന്റ്റ്‌ ഷെയര്‍ ഫാന്‍ ആകൂ

2010-06-10T12:44:00.000+04:00

Become a Fan of Team 1 Talent Share and show it on your profile

Team1Talentshare

Promote your Page too

ഇല്ലായ്മകള്‍ മറികടന്നു ഭവ്യയുടെ നേട്ടം

2010-05-31T15:43:00.002+04:00

ഇല്ലായ്മകള്‍ മറികടന്നു ഭവ്യയുടെ നേട്ടം

ചെറുമകന്റെ ടീ വി ഭ്രാന്തിനു മുത്തച്ഛന്റെ പക്ഷി ചികിത്സ

2010-05-31T15:23:00.002+04:00

ചെറുമകന്റെ ടീ വി ഭ്രാന്തിനു മുത്തച്ഛന്റെ പക്ഷി ചികിത്സ

നിങ്ങള്‍ ഫോട്ടോഗ്രഫിയില്‍ താല്പര്യം ഉള്ള വ്യക്തി ആണോ?

2010-03-17T11:14:00.004+04:00

നിങ്ങള്‍ ഫോട്ടോഗ്രഫിയില്‍ താല്പര്യം ഉള്ള വ്യക്തി ആണോ?

എങ്കില്‍ ഇതാ നിങ്ങള്ക്ക് നിങ്ങള്‍ എടുത്ത ഫോട്ടോസ് യഥേഷ്ടം പോസ്റ്റ്‌ ചെയ്യുവാന്‍ ഒരിടം. ഫേസ് ബുക്കില്‍ ഉള്ള Passionate Photographers ഗ്രൂപ്പില്‍ ചേര്‍ന്ന്, നിങ്ങള്‍ എടുത്ത നാലോ അഞ്ചോ പടങ്ങള്‍ യഥാവിധി പ്രദര്ശിപ്പിക്കൂ. ലോകത്തിന്റെ നാനാ ഭാഗങ്ങളില്‍ നിന്നുള്ള അംഗങ്ങള്‍ നിങ്ങളുടെ ഫോട്ടോഗ്രഫി കഴിവുകള്‍ കണ്ടു ആസ്വദിച്ചു വിലയിരുത്തും.

നിങ്ങള്‍ ക്ലിക്ക് ചെയ്യുന്ന ഓരോ ചിത്രങ്ങളും ചരിത്രത്തിന്റെ ഭാഗമാണെന്ന മുദ്രാവാക്യവുമായി മുന്നോട്ടു പോകുന്ന Passionate Photographers ഗ്രൂപ്പില്‍ പ്രശസ്തരയാ പല ഫോട്ടോഗ്രാഫര്‍മാറും സ്ഥിരമായി അവര്‍ എടുത്ത ചിത്രങ്ങള്‍ പ്രദര്‍ശിപ്പിക്കാറുണ്ട്. എന്തിനു മടിച്ചു നില്‍ക്കുന്നു, അവിടെ ചേര്‍ന്ന് നിങ്ങള്‍ എടുത്ത ചിത്രങ്ങളും യദേഷ്ടം പ്രദര്ശിപ്പിക്കൂ.

http://www.facebook.com/group.php?gid=108518287970

രമേശ്‌ മേനോന്‍
അബുദാബി

എവിടെ നമ്മുടെ സാംസ്‌കാരിക അനുഭാവികള്‍

2010-03-16T13:34:00.002+04:00

എവിടെ നമ്മുടെ സാംസ്‌കാരിക അനുഭാവികള്‍

തിലകന്‍, അഴിക്കോട്, അമ്മ പ്രശ്നങ്ങള്‍ക്ക് ശേഷം മലയാളം ടീവി ചാനെലുകള്‍ കുട്ടികള്‍ ഉള്ള സമയത്ത് വളരെ പേടിച്ചു മാത്രമേ നോക്കാറുള്ളൂ. എന്താണ് കാണുക, എങ്ങനെയാണ് അവര്‍ കാണിക്കുക, എന്താണ് പറയുക എന്നത് ഒരു പിടിയും ഇല്ലാത്ത അവസ്ഥ. കൂടെ IPL വന്നതോട് കൂടി ശ്രദ്ധ അധിലേക്കായി. അങ്ങനെ ഇരിക്കുമ്പോള്‍ ഇന്നലെ വെറുതെ ഒന്ന് മാറ്റി നോക്കിയപ്പോള്‍ അമൃത ടീവി കാണുവാന്‍ ഇടയായി. പഴയകാല സിനിമ നടി കോഴിക്കോട് ശാന്തദേവിയുമായുള്ള ഒരു നല്ല അഭിമുഖം അമൃതാ ടീവിയില്‍ നടക്കുന്നു. ആരോടും പരിഭവമില്ലാതെ ഹൃദയസ്പര്‍ശിയായ ആ അഭിമുഖം കണ്ട ആരെയും ഒരു നിമിഷം മാതൃത്വത്തിന്റെ വേദനകളെയും, പ്രാധന്യങ്ങളെയും, ഉത്തരവാധിത്വങ്ങളെയും, ലാഭ ചിന്തകളില്ലാത്ത നിരന്തര കര്തവ്യ നിരതയെയും പറ്റി ചിന്തിപ്പിചിരിക്കും. പലവട്ടം ആരോടോന്നില്ലാതെ അവര്‍ അതിലൂടെ തന്റെ ജീവിതത്തിലെ ദുഃഖങ്ങള്‍ യാന്ത്രികമെന്നോണം വെളിപ്പെടുത്തുകയുണ്ടായി. കൂടെ ഏതെങ്കിലും കരുണയുള്ള സംവിധായകര്‍, നിര്‍മാതാക്കള്‍, സഹപ്രവര്‍ത്തകര്‍ എന്നിവരോട് തന്നാലാവുന്ന ഭാഷയില്‍ തനിക്കാവുന്ന ഏതെങ്കിലും ഒരു റോളിനായി, ജീവിത പ്രശ്നങ്ങളെ തരണം ചെയ്യാന്‍ വേണ്ടി അവര്‍ യാജിക്കുകയുണ്ടായി. അത് കണ്ടപ്പോള്‍, ഓര്‍ത്തുപോയി, ഈ സാംസ്‌കാരിക പ്രവര്‍ത്തകര്‍ - അഴിക്കോട് അടക്കം ഉള്ളവര്‍ ആ മാതാവിന്റെ ദുഃഖം കാണുകയോ, കേള്‍ക്കുകയോ, അവര്‍ക്ക് വേണ്ടി ഒരു വാക് ശുപാര്‍ശയോ, പ്രസംഗമോ ചെയ്തിരുന്നെങ്കില്‍ എന്ന്. ഉണ്ടാവില്ല, എന്ന് തന്നെ മുന്‍ വിധിയോടെ പറയാം. അതല്ല, ഉണ്ടായെങ്കില്‍, അവര്‍ക്ക് ഒരു താങ്ങായി എന്ന് ആശ്വസിക്കാം.

രമേശ്‌ മേനോന്‍
അബുദാബി
16.03.2010

Chinthakal

2010-03-12T16:38:00.001+04:00

Gulf Manorama | Gulf News | My Creatives

ഇനി എന്ത് - തള്ളയോ തന്തയോ ?

2010-03-02T11:41:00.002+04:00

ഭസസ്

2010-02-10T12:57:00.003+04:00

ഭസസ്

ഇമെയില്‍ രാജാക്കളായ ഗൂഗിള്‍ അവതരിപ്പിക്കുന്നു ഭസസ് .
അടുത്ത ഏതാനും ദിവസ്സങ്ങളില്‍ ഇതിന്റെ പൂര്‍ണ രൂപം വ്യക്തമാവും. ഗൂഗിള്‍ ഈമെയിലില്‍ നിന്ന് തന്നെ ഇന്റെര്‍നെറ്റിലെ കൂട്ടായ്മകളുടെ ഒരു പുതിയ പ്രസ്ഥാനവും രൂപവും കേട്ടിപ്പെടുത്താന്‍ ഉള്ള ഒരു അവസ്സരം ആയിരിക്കും ഇത്. ഫേസ് ബുക്ക്‌ എന്നാ നിലവിലുള്ള ജേതാക്കളുമായി ഒരു മത്സര പോരാട്ടത്തിനു ഒരുങ്ങുകയാണ് ഗൂഗിള്‍.

കൂടുതല്‍ വിവരങ്ങള്‍ക്ക് ഈ ലിങ്ക് സന്ദര്‍ശിക്കുക

http://www.google.com/buzz

10 Feb 2010

സി എസ് സുനില്‍ ചികിത്സ സഹായ നിധി

2010-02-07T08:12:00.001+04:00

സി എസ് സുനില്‍ ചികിത്സ സഹായ നിധി

ലാല്‍ സലാം സഘാക്കളെ. കാത്തിരിക്കുന്നു നല്ല ബ്ലോഗുകള്‍ക്കായി

2010-01-12T14:35:00.002+04:00

കോളേജു അലുംനികളുടെ പ്രസക്തി

2009-12-21T13:08:00.001+04:00

കോളേജു അലുംനികളുടെ പ്രസക്തി

പൈലറ്റ് വാഹനങ്ങളുടെ സാരഥികളുടെ ജീവന് വിലയില്ലേ?

2009-11-25T13:02:00.003+04:00

ഈ വാര്‍ത്ത മാതൃഭുമിയില്‍ വായിക്കാന്‍ ഇവിടെ സന്ദര്‍ശിക്കുക

പമ്പാ നദിയില്‍ ഒക്സിജെന്‍ അളവ് കുറഞ്ഞു വരുന്നു

2009-11-24T12:21:00.001+04:00

പമ്പാ നദിയില്‍ ഒക്സിജെന്‍ അളവ് കുറഞ്ഞു വരുന്നു

കമ്പോഡിയയില്‍ ഫോട്ടോഗ്രഫി ശില്പശാലയിലേക്ക് മലയാളി കലാകാരിയും

2009-11-18T09:10:00.002+04:00

കമ്പോഡിയയില്‍ ഫോട്ടോഗ്രഫി ശില്പശാലയിലേക്ക് മലയാളി കലാകാരിയും

ഇവരുടെ ഫോട്ടോ ബ്ലോഗ്‌ സന്ദര്‍ശിക്കുക

http://jyothykarat.blogspot.com/

ഇരിങ്ങാലക്കുട പോലീസ്‌ സ്‌റ്റേഷന്‍ കേരളത്തിനു മാതൃകയാകുന്നു

2009-11-14T11:16:00.002+04:00

ഇരിങ്ങാലക്കുട പോലീസ്‌ സ്‌റ്റേഷന്‍ കേരളത്തിനു മാതൃകയാകുന്നു
Author : - സ്വന്തം ലേഖകന്‍ www.irinjalakuda.com

ജനമൈത്രി പോലീസ്‌ സുരക്ഷാ പദ്ധതിയില്‍ ഏറെ ശ്രദ്ധിക്കപ്പെട്ട ഇരിങ്ങാലക്കുട കുറ്റാന്വേഷണ ത്തിന്റെ കാര്യത്തിലും മാതൃകയാകുന്നു. വിവാദമായ മറിയം കൊലക്കേസുമടക്കം നിരവധി കേസ്സുകളില്‍ തുമ്പുണ്ടാക്കുന്നതിന്‌ കഴിഞ്ഞ ഇരിങ്ങാലക്കുട പോലീസ്‌ കഴിഞ്ഞ ദിവസമാണ്‌ അന്തര്‍സംസ്ഥാന മാലപൊട്ടിക്കല്‍ സംഘത്തെ അറസ്റ്റ്‌ ചെയ്‌തത്‌. ഇരിങ്ങാലക്കുട ഡി.വൈ.എസ്‌.പി. പി.കെ.രഞ്ചന്‍, സി.ഐ. ഫേമസ്‌ വര്‍ഗ്ഗീസ്‌, എസ്‌.ഐ. പ്രേമാനന്ദകൃഷ്‌ണന്‍ എന്നിവരുടെ നേതൃത്വത്തിലാണ്‌ ഇരിങ്ങാലക്കുട പോലീസ്‌ പ്രവര്‍ത്തിച്ച്‌ വരുന്നത്‌. ജനമൈത്രി സുരക്ഷാ പദ്ധതിവന്നതിനുശേഷം ഇരിങ്ങാലക്കുടയില്‍ മോഷണങ്ങള്‍ റിപ്പോര്‍ട്ട്‌ ചെയ്‌തിട്ടില്ല എന്നത്‌ തന്നെ പോലീസിന്റെ സ്‌തുത്യര്‍ഹ സേവനത്തിന്റെ തെളിവാണ്‌. റോഡ്‌ സുരക്ഷയുടെയും മദ്യപിച്ച്‌ വണ്ടയോടിക്കുന്നവരെ നിയന്ത്രിക്കുന്നതിലും നല്ല മുന്നേറ്റം നടത്തിയ ഇരിങഅങാലക്കുട പോലീസിന്‌ കഴിഞ്ഞിട്ടുണ്ട്‌. സംസ്ഥാനത്തെ മാതൃകാപോലീസ്‌ സ്‌റ്റേഷന്‍ ഇരിങ്ങാലക്കുടയാണെന്ന്‌ നിസംശയം പറയാം.

ആനകള്‍ക്കായി ഒരു ബ്ലോഗ്‌

2009-11-12T07:43:00.002+04:00

ആനകള്‍ക്കായി ഒരു ബ്ലോഗ്‌
Author : - സ്വന്തം ലേഖകന്‍ www.irinjalakuda.com

കണ്ടതും കേട്ടതും കുത്തിക്കുറിക്കാന്‍ മാത്രമല്ല, കണ്ടാല്‍ തന്നെ 'വമ്പനായ' ആനകളെ കാണാനും ഇനി ബ്ലോഗ്‌ തുറക്കാം. ആനകളുടെ യഥാര്‍ത്ഥ ജീവിതം വരച്ചുകാട്ടുന്ന കുറെയധികം കാര്‍ട്ടൂണുകള്‍ ഉള്‍പ്പെടുത്തി കേരള കാര്‍ട്ടൂണ്‍ അക്കാദമിയാണ്‌ ഈ 'ആന ബ്ലോഗ്‌' ഒരുക്കിയിരിക്കുന്നത്‌. കാര്‍ട്ടൂണിസ്‌റ്റ്‌ ശങ്കര്‍, അബു എന്നിവരുടെ 1920 മുതലുള്ള നൂറോളം ആന കാര്‍ട്ടൂണുകള്‍ ബ്ലോഗില്‍ ഉള്‍പ്പെടുത്തിയിട്ടുണ്ട്‌. അതോടൊപ്പം അമേരിക്ക, ഇറാന്‍, ആഫ്രിക്ക എന്നിവിടങ്ങളില്‍ നിന്നുള്ള കാര്‍ട്ടൂണിസ്റ്റുകളുടെ വിവിധ വലിപ്പത്തിലും ഭാവത്തിലുമുള്ള കാര്‍ട്ടൂണുകളും ബ്ലോഗില്‍ ഇടം തേടിയിട്ടുണ്ട്‌. ബ്ലോഗിലെ 50% കാര്‍ട്ടൂണുകളും വിദേശ കാര്‍ട്ടൂണിസ്‌റ്റുകളുടേതാണെന്ന്‌ കേരള കാര്‍ട്ടൂണ്‍ അക്കാദമി സെക്രട്ടറി സുധീര്‍നാഥ്‌ പറഞ്ഞു. ശക്തിയുടെ പ്രതീകമായി ആനയെ ചിത്രീകരിക്കുന്ന ബ്രിട്ടീഷ്‌ കാര്‍ട്ടൂണുകള്‍, മദംപൊട്ടിയ ആന, നെറ്റിപ്പട്ടം കെട്ടി തലയെടുപ്പോടെ നില്‍ക്കുന്ന ഗജവീരന്‍, ചതുപ്പില്‍ വീണ്‌ പ്രാണനായി കേഴുന്ന ആന തുടങ്ങി ആനയുമായി ബന്ധപ്പെട്ട ഓരോ ചെറുസംഭവം പോലും ഈ ബ്ലോഗില്‍ കാര്‍ട്ടൂണായി തെളിഞ്ഞിട്ടുണ്ട്‌. കൂടാതെ മഹാത്മഗാന്ധിയെ ആനയായി ചിത്രീകരിക്കുന്ന അബുവിന്റെ കാര്‍ട്ടൂണ്‍, ജയലളിത, മായാവതി എന്നിവരെ ആനയിലൂടെ വരച്ചു കാട്ടുന്ന കാര്‍ട്ടൂണ്‍ എന്നിവയും ബ്ലോഗിലുണ്ട്‌. അതോടൊപ്പം 'ആന മെലിഞ്ഞാല്‍ തൊഴുത്തില്‍ കെട്ടുമോ ?' തുടങ്ങിയ ആനപഴഞ്ചൊല്ലുകളെ അടിസ്ഥാനമാക്കി വരച്ച കാര്‍ട്ടൂണുകളും കുറവല്ല. തൃശൂരില്‍ നടക്കുന്ന 'ആനവര' കാര്‍ട്ടൂണ്‍ പ്രദര്‍ശനത്തിന്‌ മുന്നോടിയായാണ്‌ ബ്ലോഗ്‌ തുറന്നിരിക്കുന്നത്‌. 'http://elephantcartoons.blogspot.com ' എന്നതാണ്‌ ആനബ്ലോഗിന്റെ വിലാസം. തിങ്കളാഴ്‌ച കേരള കാര്‍ട്ടൂണ്‍ അക്കാദമി കൊച്ചി ഹെഡ്‌ക്വാര്‍ട്ടേഴ്‌സില്‍ നടന്ന ചടങ്ങില്‍ നാഷണല്‍ കാര്‍ട്ടൂണിസ്‌റ്റ്‌ അസോസിയേഷന്‍ ചെയര്‍മാന്‍ എം.എം.മോനായി എം.എല്‍.എയാണ്‌ ബ്ലോഗ്‌ ഉദ്‌ഘാടനം ചെയ്‌തത്‌. കാര്‍ട്ടൂണ്‍ അക്കാദമി ചെയര്‍മാന്‍ പ്രസന്നന്‍, സെക്രട്ടറി സുധീര്‍നാഥ്‌, കാര്‍ട്ടൂണിസ്റ്റ്‌ സഞ്‌ജീവ്‌ ബാലകൃഷ്‌ണന്‍ എന്നിവരും പങ്കെടുത്തു.

ഇനി ആശ്രയം ആ കൊച്ചു കരങ്ങള്‍

2009-11-11T15:51:00.002+04:00

ഇനി ആശ്രയം ആ കൊച്ചു കരങ്ങള്‍

കേരളത്തെ വെള്ളത്തില്‍ മുക്കാന്‍ ശക്തമായ നീക്കം

2009-11-10T16:25:00.002+04:00

കേരളത്തെ വെള്ളത്തില്‍ മുക്കാന്‍ ശക്തമായ നീക്കം

അടൂര്‍ സാറിന്റെ നാവു പൊന്നാവട്ടെ

2009-11-08T11:58:00.001+04:00

അടൂര്‍ സാറിന്റെ നാവു പൊന്നാവട്ടെ

ഡോക്ടര്‍ ആദിമൂര്‍ത്തിയുടെ സൈക്കിള്‍ യാത്ര

2009-11-04T11:18:00.003+04:00

ഡോക്ടര്‍ ആദിമൂര്‍ത്തിയുടെ സൈക്കിള്‍ യാത്ര

ഈ ലേഖനത്തിന് മാതൃഭുമിയോട് കടപ്പാട്

ഓണ്‍ലൈനിലൂടെ മൃദംഗം പഠിച്ച്‌ അരങ്ങേറ്റം

2009-10-29T13:30:00.002+04:00

ഓണ്‍ലൈനിലൂടെ മൃദംഗം പഠിച്ച്‌ അരങ്ങേറ്റം

ഓണ്‍ലൈനിലൂടെ മൃദംഗം പഠിച്ച്‌ അരങ്ങേറ്റം
Author : - സ്വന്തം ലേഖകന്‍ www.irinjalakuda.com

ഓണ്‍ലൈനിലൂടെ മൃദംഗം പഠിച്ച 10വയസ്സുകാരന്റെ അരങ്ങേറ്റം അമേരിക്കയിലെ പെന്‍സില്‍വാനിയയില്‍ നടന്നു. അമേരിക്കയില്‍ സ്ഥിരം താമസക്കാരായ ശ്രീദേവിയുടെയും അരവിന്ദന്റെയും മകന്‍ അഖിലാണ്‌ അമേരിക്കയിലെ ഭാരതീയ ടെമ്പിള്‍ എന്ന ക്ഷേത്രത്തില്‍ അരങ്ങേറ്റം നടത്തിയത്‌. ഇരിങ്ങാലക്കുട കൊരമ്പ്‌ മൃദംഗകളരിയുടെ വെബ്‌സൈറ്റിലൂടെയാണ്‌ 5-ാംക്ലാസ്സ്‌ വിദ്യാര്‍ത്ഥിയായ അഖില്‍ ഓണ്‍ലൈന്‍ മൃദംഗ പഠനം നടത്തുന്നത്‌.

കവിതയുടെ നാദം

2009-10-28T17:10:00.001+04:00

കവിതയുടെ നാദം

വോട്ടവകാശത്തിനായി ഒരുലക്ഷം പേരുടെ ഒപ്പു ശേഖരിക്കും

2009-10-28T15:35:00.001+04:00

വോട്ടവകാശത്തിനായി ഒരുലക്ഷം പേരുടെ ഒപ്പു ശേഖരിക്കും

മനാമ: വോട്ടവകാശത്തിനായി ബഹ്‌റൈനില്‍നിന്ന് ഒരുലക്ഷം പേരുടെ ഒപ്പുശേഖരിക്കുമെന്ന് പ്രവാസികള്‍ക്ക് വോട്ടവകാശം വേണമെന്ന ആവശ്യവുമായി കേരള ഹൈക്കോടതിയില്‍ ഹര്‍ജി നല്‍കിയ ബഹ്‌റൈന്‍ മലയാളി. വോട്ടവകാശം നിഷേധിക്കുന്നതിലൂടെ പ്രവാസികളുടെ പൗരാവകാശം നിഷേധിക്കുകയാണ് ചെയ്യുന്നതെന്നും വോട്ടവകാശം നേടിയെടുക്കുന്നതിനായി കേന്ദ്രമന്ത്രിമാരുമായി ബന്ധപ്പെട്ട് രേഖകള്‍ നല്‍കുമെന്നും കോഴിക്കോട് നന്തി സ്വദേശിയും ബഹ്‌റൈനിലെ ഒരു സ്വകാര്യ സ്ഥാപനത്തിലെ ജീവനക്കാരനുമായ ഷിഹാസ്ബാബു പറഞ്ഞു. തിരഞ്ഞെടുപ്പ് കമ്മീഷനുമായി ആലോചിച്ച് താമസിയാതെ ഒരു തീരുമാനമുണ്ടാകുമെന്ന് കഴിഞ്ഞ ദിവസം ഹൈക്കോടതി അറിയിച്ച സാഹചര്യത്തിലാണ് ഒപ്പുശേഖരണം നടത്താന്‍ തീരുമാനിച്ചത്.

ഇത് സംബന്ധിച്ച ബില്‍ പാര്‍ലമെന്റില്‍ അവതരിപ്പിക്കാനാകുമെന്നാണ് പ്രതീക്ഷയെന്ന് കേന്ദ്രസര്‍ക്കാര്‍ അറിയിച്ചതിന്റെ വെളിച്ചത്തിലാണ് ചീഫ്ജസ്റ്റിസ് എസ്.ആര്‍. ബന്നൂര്‍മഠ്, ജസ്റ്റിസ് എ.കെ.ബഷീര്‍ എന്നിവരുള്‍പ്പെട്ട ഡിവിഷന്‍ബെഞ്ച് പ്രതികരിച്ചത്. അഡ്വക്കേറ്റ് കാളീശ്വരന്‍ മുഖേനയാണ് ബാബു കേസ് ഫയല്‍ ചെയ്തിട്ടുള്ളത്.

ജനപ്രാതിനിധ്യനിയമത്തിലെ 19, 20 വകുപ്പുകള്‍ പ്രകാരം ഇന്ത്യയില്‍ താമസിക്കുന്ന ഇന്ത്യന്‍ പൗരന്മാര്‍ക്ക് മാത്രമാണ് വോട്ടവകാശം അനുവദിച്ചിരിക്കുന്നത്. അതേസമയം ഇന്ത്യന്‍ പൗരത്വമുള്ള എല്ലാവരും ഇന്ത്യക്കാരാണെന്നും എല്ലാവര്‍ക്കും വോട്ടവകാശം വേണമെന്നുമാണ് ബാബു ആവശ്യപ്പെടുന്നത്.

കക്കു കക്കാലില്‍

അമ്മ മെമ്പര്‍മാര്‍ക്ക് ഇത് ഒരു ഐ ഓപ്പണര്‍

2009-10-28T10:36:00.001+04:00

അമ്മ മെമ്പര്‍മാര്‍ക്ക് ഇത് ഒരു ഐ ഓപ്പണര്‍

കേരള കാര്‍ട്ടൂണ്‍ അക്കാദമി: Entry’s Inviting to the ‘Cartoonist Shankaran Kutty Memorial Book Cover Award.

2009-10-27T11:58:00.000+04:00

കേരള കാര്‍ട്ടൂണ്‍ അക്കാദമി: Entry’s Inviting to the ‘Cartoonist Shankaran Kutty Memorial Book Cover Award.

തൃപ്പുത്തരിക്ക് നിവേദ്യമൊരുക്കാന്‍ തണ്ടികയെത്തി

2009-10-27T08:13:00.002+04:00

തൃപ്പുത്തരിക്ക് നിവേദ്യമൊരുക്കാന്‍ തണ്ടികയെത്തി
Author : - സ്വന്തം ലേഖകന്‍ www.irinjalakuda.com

കൂടല്‍മാണിക്യം ക്ഷേത്രത്തിലെ തണ്ടിക വരവിന്‌ തിങ്കളാഴ്ച വൈകിട്ട്‌ പള്ളിവേട്ട ആല്‍ത്തറയ്‌ക്കല്‍ വമ്പിച്ച സ്വീകരണം നല്‍കി. ചൊവ്വാഴ്ച നടക്കുന്ന പുത്തരി നിവേദ്യത്തിനുള്ള സാധനങ്ങളാണ് ചാലക്കുടി പോട്ട പ്രവൃത്തികച്ചേരിയില്‍ നിന്നും തണ്ടിലേറ്റി ഇരിങ്ങാലക്കുടയിലേക്ക് കൊണ്ട് വന്നത്. സദ്യക്കാവശ്യമായ അരി, പഴവര്‍ഗങ്ങള്‍, പച്ചക്കറികള്‍ എന്നിവയാണ് തണ്ടികയിലുള്ളത്. ഉച്ചക്ക്‌ ഒരു മണിക്ക്‌ പുറപ്പെട്ട തണ്ടിക വരവ്‌ വൈകീട്ട് അഞ്ചു മണിയോടെ ആല്‍ത്തറയിലെത്തി. അവിടെ നിന്നും വാദ്യമേളങ്ങളോടെ ക്ഷേത്രത്തിലേക്ക്‌ ആനയിച്ചു. ക്ഷേത്രത്തില്‍ ചൊവാഴ്ച തൃപ്പുത്തരിയും, ബുധനാഴ്ച മുക്കുടിയും നടക്കും.

ഡോ.കെ.രാധാകൃഷ്ണന്‍ ഐ.എസ്.ആര്‍.ഒ ചെയര്‍മാന്‍

2009-10-26T11:34:00.001+04:00

ഡോ.കെ.രാധാകൃഷ്ണന്‍ ഐ.എസ്.ആര്‍.ഒ ചെയര്‍മാന്‍

കൂടല്‍മാണിക്യം - തണ്ടികവരവ്‌, തൃപ്പുത്തരി, മുക്കുടി 26 മുതല്‍

2009-10-20T12:39:00.003+04:00

കൂടല്‍മാണിക്യം - തണ്ടികവരവ്‌, തൃപ്പുത്തരി, മുക്കുടി 26 മുതല്‍

Author : - സ്വന്തം ലേഖകന്‍ www.irinjalakuda.com

കൂടല്‍മാണിക്യം ക്ഷേത്രത്തിലെ തണ്ടികവരവ്‌, തൃപ്പുത്തരി, മുക്കുടി ആഘോഷങ്ങള്‍ ഒക്ടോബര്‍ 26,27,28 തിയ്യതികളില്‍ നടക്കും. 29ന്‌ ഉച്ചക്ക്‌ 12ന്‌ ചാലക്കുടി പോട്ടയില്‍നിന്ന്‌ തണ്ടികവരവ്‌ ആരംഭിക്കും. വൈകീട്ട്‌ 5ന്‌ ഠാണാവില്‍നിന്ന്‌ ക്ഷേത്രത്തിലേക്ക്‌ സ്വീകരിക്കും. 27ന്‌ രാവിലെ 7.30ന്‌ പുത്തിരിനിവേദ്യ ചടങ്ങുകള്‍ തുടങ്ങും. 11.15ന്‌ തൃപ്പുത്തിരിപൂജ, സദ്യ, 28ന്‌ രാവിലെ 6ന്‌ മുക്കുടി നിവേദ്യം, 7ന്‌ മുക്കുടി വിതരണവും നടക്കും.

ശ്രീ കുട്ടന്റെ സരസ്വതി വായില്‍ നിന്ന് കയ്യിലേക്കും പന്തിലെക്കും മാറ്റാന്‍ എന്താ ഒരു വഴി....

2009-10-15T12:28:00.001+04:00

ശ്രീ കുട്ടന്റെ സരസ്വതി വായില്‍ നിന്ന് കയ്യിലേക്കും പന്തിലെക്കും മാറ്റാന്‍ എന്താ ഒരു വഴി....

സംസ്ഥാന അദ്ധ്യാപക അവാര്‍ഡ്‌ നേടിയ ടി.എല്‍.കുഞ്ഞുവറീത്‌ മാസ്റ്റര്‍ക്ക്‌ സ്വീകരണം നല്‍കി

2009-10-13T12:07:00.003+04:00

സംസ്ഥാന അദ്ധ്യാപക അവാര്‍ഡ്‌ നേടിയ ടി.എല്‍.കുഞ്ഞുവറീത്‌ മാസ്റ്റര്‍ക്ക്‌ സ്വീകരണം നല്‍കി
www.irinjalakuda.com

സംസ്ഥാന അദ്ധ്യാപക അവാര്‍ഡ്‌ നേടിയ ആനന്ദപുരം ശ്രീകൃഷ്‌ണ ഹൈസ്‌കൂള്‍ അദ്ധ്യാപകന്‍ ടി.എല്‍.കുഞ്ഞുവറീത്‌ മാസ്റ്റര്‍ക്ക്‌ സ്‌കൂളില്‍ സ്വീകരണം നല്‍കി. സ്‌കൂളിന്റെ മാനേജ്‌മെന്റ്‌, പി.ടി.എ., സ്റ്റാഫ്‌, വിദ്യാര്‍ത്ഥികള്‍ എന്നിവരുടെ സംയുക്താഭിമുഖ്യത്തിലാണ്‌ സ്വീകരണം നല്‍കിയത്‌. സ്‌കൂള്‍ അങ്കണത്തില്‍ ചേര്‍ന്ന സ്വീകരണ സമ്മേളനം ഇരിങ്ങാലക്കുട എം.എല്‍.എ. അഡ്വ.തോമസ്‌ ഉണ്ണിയാടന്‍ ഉദ്‌ഘാടനം ചെയ്‌തു. മുരിയാട്‌ ഗ്രാമപഞ്ചായത്ത്‌ പ്രസിഡണ്ട്‌ ലത ചന്ദ്രന്‍ അദ്ധ്യക്ഷത വഹിച്ച ചടങ്ങില്‍ തൃശൂര്‍ സെന്റ്‌ തോമസ്‌ കോളേജ്‌ പ്രിന്‍സിപ്പാള്‍ റവ.ഡോ.ഫാ.ദേവസ്സി പന്തല്ലൂക്കാരന്‍ മുഖ്യപ്രഭാഷണം നടത്തി. ഇരിങ്ങാലക്കുട ജില്ലാ വിദ്യാഭ്യാസ ഓഫീസര്‍ എം.എന്‍. ലതിക ഉപഹാരം സമര്‍പ്പണം നടത്തി. സ്‌കൂള്‍ മാനേജര്‍ ലീല അന്തര്‍ജനം സമ്മാനങ്ങള്‍ വിതരണം ചെയ്‌തു. ഗ്രാമപഞ്ചായത്ത്‌ അഗം ലത രവീന്ദ്രന്‍, പി.ടി.എ. പ്രസിഡണ്ട്‌ ഫ്രാന്‍സിസ്‌ എ.ഇല്ലിക്കല്‍, മാനേജ്‌മെന്റ്‌ പ്രതിനിധി എ.എന്‍.നീലകണ്‌ഠന്‍ നമ്പൂതിരി, സ്റ്റാഫ്‌ പ്രതിനിധി ബി.ബിജു, സ്‌കൂള്‍ ലീഡര്‍ ദില്‍രൂപ്‌ ദിലീപ്‌ എന്നിവര്‍ ആശംസകളര്‍പ്പിച്ച്‌ സംസാരിച്ചു. ഡെപ്യൂട്ടി ഹെഡ്‌മിസ്‌ട്രസ്‌ എം.സുനന്ദ സ്വാഗതവും സ്റ്റാഫ്‌ സെക്രട്ടറി എന്‍.പി. റാഫേല്‍ നന്ദിയും പറഞ്ഞു.

ബാലന്മാര്‍ക്കരിയോ ഒരു അമ്മയുടെ വിഷമം?

2009-10-12T10:37:00.003+04:00

ബാലന്മാര്‍ക്കരിയോ ഒരു അമ്മയുടെ വിഷമം?

നഷ്ടപ്പെട്ട കൂട്ടുകാരിയില്‍ നിന്ന് മരിക്കാത്ത സന്ദേശങ്ങളിലേക്ക്‌

2009-10-12T09:11:00.001+04:00

നഷ്ടപ്പെട്ട കൂട്ടുകാരിയില്‍ നിന്ന് മരിക്കാത്ത സന്ദേശങ്ങളിലേക്ക്‌

Posted on: 12 Oct 2009 വി.എസ്. ശ്യാംലാല്‍ www.mathrubhumi.com

തിരുവനന്തപുരം: പ്രിയപ്പെട്ടവര്‍ക്ക് വിശേഷ അവസരങ്ങളില്‍ ആശംസാ സന്ദേശം മുടങ്ങാതെ അയയ്ക്കാന്‍ അടുത്ത 100 വര്‍ഷം ഒരു വ്യക്തിക്കു കഴിയുമോ? അയാള്‍ ജീവിച്ചിരിപ്പുണ്ടെങ്കിലും ഇല്ലെങ്കിലും ഇനി അതു സാധിക്കും. അതിനായി ഒരു വെബ്‌സൈറ്റ് നിലവില്‍ വന്നുകഴിഞ്ഞു. പ്രണയത്തിനിടയില്‍ എന്നെന്നേയ്ക്കുമായി ജീവിതം വിട്ടുപോയ കൂട്ടുകാരിയില്‍ നിന്നാണ് ഇതിന്റെ തുടക്കം.
തൃശ്ശൂര്‍ മാടക്കത്തറ സ്വദേശിയായ ബിജു ജോര്‍ജ് എന്ന 29 കാരനാണ് സന്ദേശങ്ങള്‍ക്ക് അമരത്വം പകരുന്ന www.ojocard.com എന്ന വെബ്‌സൈറ്റിന്റെ ശില്പി. ആത്മാക്കളുമായി സംവദിക്കുന്നതിന് ഓജോ ബോര്‍ഡ് പ്രയോജനപ്പെടുത്താനാവും എന്നൊരു വിശ്വാസമുണ്ട്. മരിച്ചു പോയവരുടെ പേരില്‍ പോലും ആശംസാസന്ദേശങ്ങള്‍ അയയ്ക്കുന്ന വെബ്‌സൈറ്റിന്റെ പേര് അതിനാല്‍ ഓജോ കാര്‍ഡ് ആയി.
അഞ്ചു വര്‍ഷങ്ങള്‍ക്കു മുമ്പ് ബിജുവിന്റെ മൊബൈല്‍ ഫോണില്‍ ലഭിച്ച ഒരു റോങ് കോളില്‍ നിന്നായിരുന്നു സംഭവങ്ങളുടെ തുടക്കം. ഒരു പെണ്‍കുട്ടിയായിരുന്നു മറുഭാഗത്ത്. സംസാരം പരിചയമായി, സൗഹൃദമായി - വീട്ടുകാരുടെ അറിവോടെ തന്നെ. അറിയാതെ അതു പ്രണയവുമായി.

ഇതിനിടെ പെണ്‍കുട്ടിക്ക് വീട്ടുകാര്‍ കല്യാണാലോചനകള്‍ തുടങ്ങിയിരുന്നു. ഓരോന്നു പറഞ്ഞ് അവള്‍ അത് മുടക്കി. കാരണമറിയാന്‍ പെണ്‍കുട്ടിയുടെ വീട്ടുകാര്‍ ബിജുവിനെ ചുമതലപ്പെടുത്തി. കാര്യമാരാഞ്ഞ അദ്ദേഹത്തോട് അവള്‍ തന്റെ പ്രണയം തുറന്നുപറഞ്ഞു. അവളോട് ബിജുവിനും പ്രണയം തോന്നിയിരുന്നുവെങ്കിലും സ്ഥിരവരുമാനമില്ലാത്തത് അദ്ദേഹത്തെ പിന്നോട്ടുവലിച്ചു. ബിജുവിന്റെ പ്രേരണപ്രകാരം പെണ്‍കുട്ടി വിവാഹത്തിനു തയ്യാറായി. നല്ലൊരു കുടുംബജീവിതം പരസ്പരം ആശംസിച്ച് അവര്‍ പിരിഞ്ഞു. ഇടയ്ക്കുള്ള ഓരോ മിസ്ഡ് കോളിലും ക്രിസ്മസ്, പുതുവത്സരം, ജന്മദിനം തുടങ്ങിയ വേളകളില്‍ മുടക്കമില്ലാതെ കൈമാറുന്ന ആശംസാ സന്ദേശങ്ങളിലുമായി പിന്നീട് ബന്ധം ഒതുങ്ങി. ഇടയ്ക്ക് ആ പെണ്‍കുട്ടിയുടെ വിവാഹക്ഷണക്കത്തും ബിജുവിനു ലഭിച്ചു, വിവാഹത്തിനു വരരുത് എന്ന കുറിപ്പുമായി.

പെണ്‍കുട്ടിയുടെ വിവാഹം കഴിഞ്ഞ് കുറച്ചു നാളുകള്‍ക്കു ശേഷം അവളുടെ കോളുകള്‍ വീണ്ടും ബിജുവിന്റെ ഫോണിലേക്കു വന്നുതുടങ്ങി. ക്രമേണ വിളി വരാതായി. മാസങ്ങള്‍ക്കുശേഷം ഒരു ജോലി നേടി ആദ്യ ശമ്പളം ലഭിച്ചപ്പോള്‍ പെണ്‍കുട്ടിയെയും കുടുംബത്തെയും സന്ദര്‍ശിക്കാന്‍ ബിജു തീരുമാനിച്ചു. അവളുടെ നമ്പരില്‍ വിളിച്ചപ്പോള്‍ നിലവിലില്ലെന്നായിരുന്നു മറുപടി. പിന്നീട് വീട്ടിലേക്കു വിളിച്ചു. അമ്മ നല്‍കിയ മറുപടി ബിജുവിനെ ഞെട്ടിച്ചു. ദുരിതപൂര്‍ണമായ ഹ്രസ്വകാല ദാമ്പത്യത്തിനൊടുവില്‍ കൂട്ടുകാരി ആത്മഹത്യ ചെയ്തു.
ആശംസിക്കാന്‍ ആരുമില്ലാതെ ബിജുവിന്റെ ജന്മദിനം കടന്നു പോയി. ആ വേദനയില്‍നിന്നാണ് ഓജോകാര്‍ഡ് എന്ന ആശയം. ബിജുവിന്റെ സുഹൃത്തുക്കളായ തൃശ്ശൂര്‍ മാടക്കത്തറയിലെ സന്തോഷ് കീറ്റിക്കല്‍, രഞ്ജിത്ത്, സന്തോഷ് ചെമ്മണ്ട, വെള്ളാനിക്കര സ്വദേശി ജയകുമാര്‍ എന്നിവര്‍ ഒപ്പം ചേര്‍ന്നു. ദുബായിലെ ഒരു സ്ഥാപനമാണ് ഇപ്പോള്‍ www.ojocard.com തയ്യാറാക്കിയിരിക്കുന്നത്. തങ്ങളുടെ സംരംഭത്തിന് പുതിയ നിക്ഷേപകരെ കണ്ടെത്താനുള്ള ശ്രമത്തിലാണ് ബിജു ഇപ്പോള്‍.

60 സെക്കന്‍ഡ് പ്രണയത്തിനു തയ്യാറാണോ

2009-10-05T09:28:00.000+04:00

60 സെക്കന്‍ഡ് പ്രണയത്തിനു തയ്യാറാണോ

നിങ്ങള്‍ 60 സെക്കന്‍ഡ് നേരം കൊണ്ട് പ്രണയം ചിത്രീകരിക്കാന്‍ തയാറാണോ, എങ്കില്‍ ഇതാ അതിനായൊരു മത്സരം ഒരുങ്ങുന്നു.

എമ്മാ മാസി നടത്തുന്ന ഇംഗ്ലണ്ടിലെ ഫിലിം 15 എന്ന നിര്‍മ്മാണ കമ്പനിയും മലയാള സിനിമാ സംവിധായകനായ സോഹന്‍ലാലും ചേര്‍ന്നാണ് അറുപത് സെക്കന്‍ഡ് നീളമുള്ള റൊമാന്റിക് മൂഡിലുള്ള ഹ്രസ്വ ചിത്രങ്ങളുടെ മത്സരം നടത്തുന്നത്.

മത്സരത്തില്‍ ഏതു പ്രായത്തിലുള്ളവര്‍ക്കും ഏത് രാജ്യത്തുള്ളവര്‍ക്കും പങ്കെടുക്കാം. ഏതുഭാഷയിലും ചിത്രം നിര്‍മ്മിക്കാം. എന്നാല്‍, ഇംഗ്ലീഷ് ഇതര ചിത്രങ്ങള്‍ക്ക് ഇംഗ്ലീഷ് സബ് ടൈറ്റില്‍ നിര്‍ബന്ധമായിരിക്കും. ചിത്രം മ്യൂസിക്കലോ സൈലന്റോ ആവാം. റൊമാന്റിക് മൂഡിലുള്ള ചിത്രത്തിന്റെ ദെര്‍ഘ്യം ഒരു മിനിറ്റില്‍ കൂടരുത്.

ചിത്രങ്ങള്‍ ഡിവി, മിനി ഡിവി അല്ലെങ്കില്‍ ഡിവിഡി രൂപത്തില്‍ സമര്‍പ്പിക്കാവുന്നതാണ്. തിരക്കഥ, സംവിധായകന്റെയും നിര്‍മ്മാതാവിന്റെയും ജീവചരിത്രക്കുറിപ്പ്, താരങ്ങളുടെ പട്ടിക, ടെക്നീഷ്യന്‍മാരുടെ പട്ടിക എന്നിവയും ചിത്രത്തിനൊപ്പം സമര്‍പ്പിക്കണം. 2009 ഡിസംബര്‍ 31 ന് മുമ്പ് എല്ലാ എണ്ട്രികളും ലഭിച്ചിരിക്കണം.

തെരഞ്ഞെടുക്കപ്പെടുന്ന ചിത്രത്തിന് ക്യാഷ് അവാര്‍ഡും അന്താരാഷ്ട്ര ഹ്രസ്വചിത്ര മേളകളിലേക്കുള്ള ക്ഷണവും ലഭിക്കും. ലവ് ഇന്‍ 60 സെക്കന്‍ഡ്സ്, ജി‌ എന്‍‌ എ 117, ഗാന്ധിനഗര്‍, തിരുവനന്തപുരം-14 എന്ന വിലാസത്തിലാണ് ബന്ധപ്പെടേണ്ടത്.

ഗള്‍ഫിലെ ഏറ്റവും വലിയ ഓണ സദ്യക്ക് അബുദാബി വേദിയാകുന്നു.

2009-10-01T16:40:00.008+04:00

ഗള്‍ഫിലെ ഏറ്റവും വലിയ ഓണ സദ്യക്ക് അബുദാബി വേദിയാകുന്നു.

ആഘോഷം 2009

2009-10-01T10:01:00.001+04:00

ചന്ദ്രനില്‍ പ്രതീക്ഷിച്ചതില്‍ കൂടുതല്‍ ജലം: മാധവന്‍ നായര്‍

2009-09-25T11:06:00.002+04:00

ഉപചാരപൂര്‍വ്വം ഒരു ദൈവീക വിടവാങ്ങല്‍

2009-09-16T14:11:00.002+04:00

ഉപചാരപൂര്‍വ്വം ഒരു ദൈവീക വിടവാങ്ങല്‍

ഉപചാരപൂര്‍വ്വം ഒരു ദൈവീക വിടവാങ്ങല്‍

തൃശൂര്‍ ജില്ലയിലെ ആറാട്ടുപുഴ പൂരവും അതിനോട് അനുബന്ധിച്ചുള്ള മറ്റു ക്ഷേത്രങ്ങളിലെയും ഉത്സവങ്ങളോട് അനുബന്ധിച്ച് കാണുന്ന ഒരു ചടങ്ങാണ് ഉപചാരം. ഉത്സവം എല്ലാം കഴിഞ്ഞതിനു ശേഷം ദേവി ദേവന്മാര്‍ തമ്മില്‍ തമ്മില്‍ ഇനി അടുത്ത കൊല്ലം കാണാം എന്ന് പറഞ്ഞു പിരിയുന്ന ഒരു ചടങ്ങ്. കോലം അഥവാ തിടമ്പ് എത്തിയ ആനകള്‍ നേര്‍ക്ക്‌ നേര്‍ നിന്ന് തുമ്പിക്കൈ പൊക്കി മൂന്നു തവണ അഭിവാദ്യം ചെയ്യുന്നതോട് കൂടി ഈ ചടങ്ങ് അവസാനിക്കുന്നു.

ഈ വീഡിയോ ഇന്നലെ സൂര്യ ടീവിയില്‍ കാണിച്ച ക്ഷേത്രായനം എന്ന പരിപാടിയില്‍ തൈക്കാട്ടുശ്ശേരി ഭഗവതി അമബളത്തിലെ ഉത്സവ ചടങ്ങുകളില്‍ ഒന്നായി ഓടിച്ചു കാണിച്ചിരുന്നു. സൂര്യ ടീവിയോടു കടപ്പാട് ഇത് കാണിച്ചതിന്.

മാപ്രാണം പള്ളിയില്‍ തിരുനാളിന്‌ കൊടിയേറി

2009-09-07T09:22:00.003+04:00

മാപ്രാണം പള്ളിയില്‍ തിരുനാളിന്‌ കൊടിയേറി
www.irinjalakuda.com
മാപ്രാണം ഹോളിക്രോസ്‌ തീര്‍ത്ഥകേന്ദ്രത്തില്‍ കുരിശുമുത്തപ്പന്റെ തിരുനാളിന്‌ കൊടിയേറി. മാര്‍.ജോസഫ്‌ പാസ്റ്റര്‍ നീലങ്കാവില്‍ പതാക ഉയര്‍ത്തി. സെപ്‌തംബര്‍ 12 വരെ കുരിശിന്റെ കപ്പേളയില്‍ വൈകീട്ട്‌ 5.30ന്‌ നൊവേന, വചനസന്ദേശം ,13ന്‌ വൈകീട്ട്‌ 5ന്‌ വഴിപാട്‌ തിരിതെളിയിക്കല്‍ എന്നിവ നടക്കും. 14ന്‌ രാവിലെ 6.30,7.30, ഉച്ചതിരിഞ്ഞ്‌ 3നും ദിവ്യബലി. പള്ളിയുടെ പേരും ചിത്രവും മുദ്രണം ചെയ്‌ത തപാല്‍സ്റ്റാമ്പ്‌ 14ന്‌ പുറത്തിറക്കും. കേന്ദ്രസഹമന്ത്രി പ്രൊഫ.കെ.വി.തോമസ്‌, പി.സി.ചാക്കോ എം.പി. തുടങ്ങിയവര്‍ പങ്കെടുക്കും, രാവിലെ 10ന്‌ ആഘോഷമായ തിരുനാള്‍ പാട്ടുകുര്‍ബ്ബാനക്ക്‌ ഫാ.ആന്റോ പാണാടന്‍ മുഖ്യകാര്‍മ്മികനാകും. വൈകീട്ട്‌ 3.30ന്‌ തിരുനാള്‍ പ്രദക്ഷിണം 7ന്‌ വിശുദ്ധ കുരിശിന്റെ തിരുശേഷിപ്പ്‌ ചുംബിക്കല്‍ എന്നിവ നടക്കും.

റമദാന്‍ ചിന്തകള്‍ 10/2009

2009-08-31T13:18:00.002+04:00

റമദാന്‍ ചിന്തകള്‍ 10/2009

എന്റെ എല്ലാ പ്രിയ വായനക്കാര്‍ക്കും പുണ്യ മാസ്സമായ റമദാനിലെ പത്താം നാളിലേക്ക് സ്വാഗതം. രണ്ടു മൂന്ന് ദിവസം എന്റെ ചിന്തകളുമായി നിങ്ങളുടെ അടുത്ത് വരാന്‍ സാധിച്ചില്ല. ഒരു സുഹൃത്തിന്റെ അകാലത്തിലുള്ള വിയോഗവും മറ്റു ചില മാനസ്സിക സംഘര്‍ഷങ്ങളും കാരണം എഴുത്തില്‍ ശ്രദ്ധ ചെലുത്താന്‍ പറ്റിയില്ല. ചിറയിന്‍കീഴ്‌ അന്‍സാര്‍ എന്ന ആ സുഹൃത്തിന്റെ ആത്മാവിന് നിത്യശാന്തി നേര്‍ന്നു കൊണ്ട് ഇന്നത്തെ ചിന്തകളിലേക്ക് കടക്കട്ടെ. അറിയാത്തവര്‍ക്ക് പോലും ഉപകാരം ചെയ്യാന്‍ ഒരു മടിയും ഇല്ലാതെ സമയം കണ്ടെത്തിയിരുന്ന ഒരു നല്ല മനുഷ്യന്‍. അദ്ധേഹത്തിന്റെ മരണ വിവരം അറിഞ്ഞ ഒരു സാധാരണക്കാരനായ സുഹൃത്ത്‌ എന്നോട് പറഞ്ഞത് - ഒരിക്കല്‍ അബു ദാബിയിലെ എംബസ്സിയില്‍ എന്തോ കാര്യത്തിനു പോയ സമയത്ത് ശ്രീ അന്‍സാര്‍ കാണുകയും സഹായിക്കുകയും ചെയ്ത കഥയാണ്. ഓരോരോ ഉത്തരവാധിത്വങ്ങളില്‍ ഇരിക്കുന്നവര്‍ അവരുടെ മേഘലയിലും അതില്‍ നിന്ന് പുറത്തു തന്നാല്‍ ആവുന്ന മറ്റു മേഘലകളിലും തങ്ങളുടെ കഴിവുകളും സഹായഹസ്തങ്ങളും പരോപകാരപ്രദമായി വിനിയോഗിക്കുന്നതിന്റെ ഉദാത്തമായ ഉദാഹരണം.

ഈശ്വരന്‍ എല്ലാ മനുഷ്യരിലും നല്ല മനസ്സുകളും നല്ല ചിന്തകളും വളര്‍ത്തുവാന്‍ ഇടവരുത്തട്ടെ എന്ന് പ്രാര്‍ത്ഥിച്ചു കൊണ്ട് ഇന്നത്തെ ചിന്തകള്‍ ഇവിടെ ചുരുക്കുന്നു.

സസ്നേഹം
രമേശ്‌ മേനോന്‍
31082009

മകനും പട്ടികളും - കഥ........... സൈദ്‌ മുഹമ്മദ്‌ (എഡിറ്റര്‍ ഗ്രമരത്നം വീക്കിലി)

2009-08-29T10:58:00.001+04:00

മകനും പട്ടികളും - കഥ........... സൈദ്‌ മുഹമ്മദ്‌ (എഡിറ്റര്‍ ഗ്രമരത്നം വീക്കിലി)

മകനും പട്ടികളും. അയാള്‍ അയാളുടെ പട്ടികള്‍ക്ക് പന്നിപ്പനി വരാതിരിക്കാന്‍ മാസ്ക്കുകള്‍ ധരിപ്പിച്ചു. അയാളും ധരിച്ചു. മാധ്യമക്കാര്‍ ഇത വാര്‍ത്തയാക്കി. മുനിസിപ്പാലിറ്റിയിലെ ചീഫ്‌ എഞ്ചിനീയര്‍ ചെയ്ത ഈ കൃത്യം വര്‍ത്ത്തയാകാതിരിക്കുന്നതെങ്ങിനെ? ഈ വാര്‍ത്ത അയാളുടെ അച്ചന്റെ ശ്രദ്ധയിലും പെട്ടു. വൃദ്ധ സദനത്തില്‍ ദിവസങ്ങള്‍ എന്നിക്കഴിയുന്ന അദ്ദേഹം ആരോടെന്നില്ലാതെ ഇങ്ങനെ പറഞ്ഞു. "എന്‍റെ ഏക സന്തതിയെക്കൊണ്ട് പട്ടികള്‍ക്കെങ്കിലും ഉപകാരമുണ്ടായല്ലോ. ഇനി എനിക്ക് സമാധാനമായി കണ്ണടക്കാം "

റമദാന്‍ ചിന്തകള്‍ 06/2009

2009-08-27T14:12:00.003+04:00

റമദാന്‍ ചിന്തകള്‍ 06/2009

അബുദാബി പോലീസിനു വേണ്ടി പ്രത്യേകം നിര്‍മ്മിച്ചിരിക്കുന്ന ഒരു മോട്ടോര്‍ സൈക്കിള്‍. ഒരു റമദാന്‍ പവലിയനില്‍ നിന്നുള്ള കാഴ്ച.

പുണ്യ മാസ്സമായ റമദാനിലെ ആറാം ദിവസ്സത്തിലേക്ക് എല്ലാവര്ക്കും സ്വാഗതം. പല സമയങ്ങളിലും മനുഷ്യര്‍ പല വികാരചിന്തനങ്ങള്‍ക്കും അടിമകള്‍ ആയിട്ടാണ് ഓരോ കാര്യങ്ങളില്‍ ഇടപെടുന്നതും ഓരോ കാര്യങ്ങള്‍ ചെയ്യുന്നതും. മനസ്സില്‍ ഒന്നു, ചെയ്യുന്നത് വേറെ ഒന്നും. ചിലപ്പോള്‍ അത് കരുതി കൂട്ടി ആവാം ചിലപ്പോള്‍ യാദൃശ്ചികവും ആവാം. എന്നാല്‍ നല്ല കാര്യങ്ങള്‍ കാംക്ഷിക്കുന്നവര്‍ നല്ല ചിന്തകളെ മനസ്സില്‍ വളര്‍ത്തി ദുഷ്ചിന്തകളെ അകറ്റി കൊണ്ട് പ്രവര്‍ത്തിക്കുന്നതാണ് ഈശ്വരന് ആഭിമുഖ്യം. ഒരു ചെറിയ കാര്യം ഈ അടുത്ത ദിവസ്സം നടന്നത് ഇവിടെ സമര്‍പ്പിക്കട്ടെ.

ഏകദേശം ഇഫ്താര്‍ സമയത്തിനോട്‌ അടുത്ത് ഓഫീസ് വിട്ടു വീട്ടിലേക്കു പോവുകയായിരുന്നു ഞാന്‍. കാര്‍ എടുത്തു മുന്നോട്ടു പോകാന്‍ നോക്കുമ്പോള്‍ കുറച്ചു മുമ്പിലായി ഒരു കാര്‍ നിര്‍ത്തിയിട്ടിരിക്കുന്നു. അതില്‍ ആരും ഇല്ല. കുറച്ചു സമയം നോക്കിയിട്ടും ആരെയും കാണാതായപ്പോള്‍ ഒന്ന് രണ്ടു തവണ ഹോണ്‍ അടിച്ചു നോക്കി. അപ്പോള്‍ അടുത്തുള്ള കടയില്‍ നിന്ന് ഒരു മാന്യന്‍ പുറത്തേക്കു വന്നു നോക്കുന്നത് കണ്ടു. പിന്നെയും ഏകദേശം പത്തു മിനുട്ടോളം കാത്തു - ഒരു രക്ഷയും ഇല്ല. ഇറങ്ങി ആ കടക്കാരനോട് അവിടെ നിന്ന് ഇറങ്ങി വന്ന ആളോടും ചോദിച്ചു. ഇതിന്റെ ഉടമസ്ഥന്‍ എവിടെയെങ്കിലും ഉണ്ടോ? ഒരു ജാള്യതയും ഇല്ലാതെ ആ കക്ഷി പറഞ്ഞു - എനിക്ക് അറിയില്ല - മുകളില്‍ മുകളില്‍ ബില്‍ടിങ്ങില്‍ എവിടെയെങ്കിലും പോയിരിക്കാം എന്ന്. അതും പറഞ്ഞു അയാള്‍ തന്റെ ഷോപ്പിങ്ങില്‍ വീണ്ടും മുഴുകി. അതെ സമയം അയാളുടെ പുറകില്‍ നിന്നിരുന്ന ആ കടക്കാരന്റെ മുഖം ശ്രദ്ധിച്ച എനിക്ക് മനസ്സിലായി ആരാണ് യഥാര്‍ത്ഥ ഉടമ എന്ന്. എന്നെ അറിയാവുന്ന ആ കടക്കാരന്‍ എന്ത് ചെയ്യണം എന്ന് അറിയാതെ പരുങ്ങുകയായിരുന്നു. എന്റെ ക്ഷമയെ നന്ദി പറഞ്ഞു കൊണ്ട് ഒന്നും മിണ്ടാതെ അവിടെ നിന്ന് ഇറങ്ങി കാറില്‍ കയറി ഏകദേശം ഒരു കിലോമീറ്റര്‍ ഓളം പുറകോട്ടു വണ്ടി എടുത്തു ഞാന്‍ എന്റെ യാത്ര തുടര്‍ന്നു.

ഈന്തപ്പഴം വിളവെടുക്കുന്ന ഒരു അബുദാബി മുനിസിപ്പാലിറ്റി ജീവനക്കാരന്‍

അറിഞ്ഞു കൊണ്ട് ആരോടും തെറ്റുകള്‍ പറയുകയോ ചെയ്യുകയോ ചെയ്യാതിരിക്കുക. ഈ പുണ്യ മാസ്സത്തിലെ എല്ലാ നന്മകളും നിങ്ങള്‍ക്കും നിങ്ങളെ സ്നേഹിക്കുന്നവര്‍ക്കും ലഭിക്കട്ടെ എന്നാ പ്രാര്‍ത്ഥനയോടെ,

സസ്നേഹം,
രമേശ്‌ മേനോന്‍
27082009

കേരളം മാവേലിയെ കാത്ത്

2009-08-27T11:36:00.003+04:00

പദ്മപ്രഭാ പുരസ്ക്കാരം സച്ചിദാനന്ദന്

2009-08-26T19:18:00.000+04:00

റമദാന്‍ ചിന്തകള്‍ 05/2009

2009-08-26T15:10:00.004+04:00

റമദാന്‍ ചിന്തകള്‍ 05/2009

റമദാന്‍ മാസ്സക്കലാതെ വരവേറ്റു ദീപലന്കര പ്രഭയില്‍ കുളിച്ചു നില്‍ക്കുന്ന ഇവിടത്തെ ഒരു പള്ളി

റമദാന്‍ മാസ്സത്തിലെ അഞ്ചാം നാളിലേക്ക് ഏവര്‍ക്കും സ്വാഗതം. പല സംഘടനകളും റമദാന്‍ മാസ്സതോട് അനുബന്ധിച്ച് ഇഫ്താര്‍ സംഗമങ്ങള്‍ നടത്തുന്നുണ്ട്. അത് നിങ്ങള്ക്ക് ഏവര്‍ക്കും ഒത്തു ചേരാനും കൂട്ടായ്മയോടെ ഉള്ളവനും ഇല്ലാത്തവനും തമ്മില്‍ യാതൊരു തരം തിരിവും ഇല്ലാതെ ചേര്‍ന്ന് പ്രാര്‍ത്ഥനയോടെ ഒരേ വേദിയില്‍ ഉപവാസ്സം അവസാനിപ്പിക്കാന്‍ ഉള്ള ഒരു അവസ്സരം ആണ്. ആ അവസ്സരം ഒരിക്കലും കളയരുത്.

ദുഖങ്ങള്‍ എല്ലാവര്ക്കും പല തരത്തില്‍ പല സമയത്ത് വരും. അത് എങ്ങനെ നേരിടുന്നു എന്നതാണ് ഒരു മനുഷ്യന്റെ ശരാശരി വിജയയത്തിന്റെ രഹസ്യം. ഈയിടെ ഞാന്‍ ഒരു കുടുംബത്തെ പരിചയപ്പെടാന്‍ ഇടയായി. അച്ഛനും അമ്മയും രണ്ടു മക്കളും ചേര്‍ന്ന ഒരു ചെറിയ കുടുംബം. ആ അമ്മക്ക് ഒരു മാരക രോഗം വന്നിട്ട് ഇനി കാണാത്ത ഡോക്ടറോ ചെയ്യാത്ത ചികിത്സയോ ഇല്ല. ഏകദേശം 18 ലക്ഷം രൂപയോളം അവര്‍ മരുന്നിനായി ഇതിനകം ചിലവാക്കി കഴിഞ്ഞു. എന്നാലും ഞാന്‍ ആ വീട്ടില്‍ പോയപ്പോള്‍ എല്ലാവരും എത്ര സന്തോഷത്തോടെ കളിയും ചിരിയുമായി കഴിയുന്നു. നാളെ എന്താണ് അവരുടെ സ്ഥിതി എന്ന് ഈശ്വരന് മാത്രമേ അറിയുകയുള്ളൂ. എന്നാലും ഇന്ന് അവര്‍ ജീവിതം അടിച്ചു പൊളിക്കുകയാണ്. വേറെ ഒരു കുടുംബത്തെയും ഞാന്‍ നിങ്ങള്ക്ക് പരിചയപ്പെടുത്താം. വീട്ടില്‍ ചെന്നപ്പോള്‍ NDTV യുടെ ഷെയര്‍ മാര്‍ക്കറ്റ്‌ അവലോകനം ടീവിയില്‍ മുറയ്ക്ക് നടക്കുന്നു. അച്ഛന്‍ ടീവിയില്‍ അത് നോക്കി തിരക്കിലാണ്. അമ്മ വീട്ടില്‍ ഇല്ല. ഒരു വയസ്സോളം പ്രായമായ കൊച്ചു കുട്ടി ആ ചാര്‍ട്ടുകള്‍ മാറുന്നത് കണ്ടു നോക്കി കിടക്കുന്നുട്. അച്ഛനുള്ളപ്പോള്‍ അമ്മയുണ്ടാവില്ല, അമ്മയുള്ളപ്പോള്‍ അച്ഛനും. വളരുന്ന തലമുറയുടെ പുതിയ മുഖങ്ങള്‍. എല്ലാവര്ക്കും ഒന്നിച്ചു എന്നാണാവോ ഒരു സമയം കണ്ടെത്താന്‍ കഴിയുക.

റമദാന്‍ മാസ്സത്തിലെ ചന്ദ്രന്‍

എല്ലാ നല്ല കൂട്ടായ്മകളുടെയും വിജയത്തിനായി പ്രാര്‍ത്തിച്ചു കൊണ്ട് ഇന്നത്തെ ചിന്തകള്‍ ഇവിടെ നിറുത്തട്ടെ.

സസ്നേഹം
രമേശ്‌ മേനോന്‍
26082009

റമദാന്‍ ചിന്തകള്‍ 04/2009

2009-08-25T13:50:00.003+04:00

റമദാന്‍ ചിന്തകള്‍ 04/2009

റമദാന്‍ മാസ്സക്കലത്തെ വിരുന്നുകാരെ വരവേല്‍ക്കാന്‍ അണിഞ്ഞു ഒരുങ്ങി നില്‍ക്കുന്ന അബുധാബിയിലെ മരീന മാള്‍

പുണ്യമാസ്സമായ റമദാനിലെ നാലാം ദിവസ്സത്തില്‍ എത്തി നില്‍ക്കുമ്പോള്‍ ഇന്നലെ എഴുതിയ ചിന്തകളുടെ ഒരു തുടര്‍ അവതരണം തന്നെയാണ് ഇന്നും എനിക്ക് എഴുതാനുള്ളത്. എല്ലാം കയ്യില്‍ ഉണ്ടായിരിക്കുന്ന അവസ്ഥയില്‍ നിന്ന് ഒന്നും ഇല്ലയ്മയിലെക്കുള്ള അവസ്ഥ പലര്‍ക്കും വളരെയധികം വേദനാജനകം ആണ്. എന്റെ ഒരു അടുത്ത സുഹൃത്തിന്റെ അവസ്ഥ ഇവിടെ എഴുതാം. നല്ല ജോലിയിലുണ്ടായിരുന്ന അദ്ദേഹം ഈയിടെ UAE യില്‍ നിന്ന് തിരിച്ചു നാട്ടിലേക്ക് ജോലി നഷ്ടപ്പെട്ടത്‌ കൊണ്ട് പോകേണ്ടി വന്നു. ഉള്ള സമ്പാദ്യം എല്ലാ മുടങ്ങാതെ വീട്ടുകാര്‍ക്ക് എത്തിച്ചു കൊടുത്തിരുന്ന ആ ചങ്ങാതി ഇപ്പോള്‍ എല്ലാം പോയി, വീട്ടുക്കാരും നോക്കാതെ നാട്ടില്‍ കഷ്ടപ്പെട്ട് നടക്കുകയാണ്. ഈ മാന്ദ്യം ഉള്ള സമയത്ത് ഒരു ജോലി വീണ്ടും കണ്ടെത്തുക എന്നത് എളുപ്പമുള്ള കാര്യമല്ല. എങ്ങനെ ജീവിതം കഴിച്ചു കൂട്ടുന്നു എന്ന ചോദ്യത്തിനു "നമ്മുടെ നാട്ടില്‍ എത്ര ദീര്‍ഗദൂര ബസ്സുകള്‍ ഉണ്ട് " എന്ന മറുപടിയാണ് അദ്ദേഹം എനിക്ക് നേരെ എറിഞ്ഞു തന്നത്. ഉള്ളവര്‍ ഇല്ലാത്തവരെ പറ്റി ചിന്തിക്കാനും തന്നാല്‍ ആവുന്ന സഹായം ഇല്ലാത്തവര്‍ക്ക് ചെയ്തു കൊടുത്തു അവരെ യഥാസമയം ദുഖങ്ങളില്‍ നിന്ന് കരകയറ്റുവാനും ഈ പുണ്യ മാസ്സം നമ്മള്‍ക്ക് ഇട നല്‍കട്ടെ.

റമദാന്‍ മാസ്സക്കലത്തെ വിരുന്നുകാരെ വരവേല്‍ക്കാന്‍ അണിഞ്ഞു ഒരുങ്ങി നില്‍ക്കുന്ന അബുധാബിയിലെ മരീന മാള്‍

രമേശ്‌ മേനോന്‍
25082009

റമദാന്‍ ചിന്തകള്‍ 03/2009

2009-08-24T14:17:00.005+04:00

റമദാന്‍ ചിന്തകള്‍ 03/2009

റമദാന്‍ മാസ്സക്കലാതെ വരവേല്‍ക്കുവാന്‍ ഒരുങ്ങിയ അബുദാബി മാള്‍

പുണ്യമാസ്സമായ റമദാനിലെ മൂന്നാം ദിവസ്സത്തിലേക്ക് കടന്നുവല്ലോ. ആദ്യ രണ്ടു ദിവസ്സത്തെ ഉപവാസ്സവും പ്രാര്‍ഥനയും മനസ്സിനെയും ശരീരത്തിനെയും ആത്മീയ ചിന്തകളിലേക്ക് പാകപ്പെടുത്തി എടുത്തു തുടങ്ങിയിട്ടുണ്ടായിരിക്കും. രണ്ടു കാര്യങ്ങളാണ് ഇന്നത്തെ ചിന്തയില്‍ പ്രധാനമായും കടന്നു വന്നിരിക്കുന്നത്. രണ്ടും ഇഫ്താര്‍ ചടങ്ങുകളോട് അനുബന്ധിച്ച് ഉള്ളതാണ്.

റമദാന്‍ മാസ്സത്തില്‍ എല്ലാവരും സാധുക്കള്‍ക്ക് അകം അഴിഞ്ഞു സഹായിക്കുന്ന ഒരു സമയം ആണല്ലോ. വിപുലമായ ഇഫ്താര്‍ സല്‍ക്കാരങ്ങള്‍ നടത്തുമ്പോള്‍ ഒരു മിനിട്ട്, ലഘുവായ ഇഫ്താര്‍ പോലും കഴിക്കാന്‍ ഉള്ള അവസ്സരം ഇല്ലാത്ത അനേകം പാവങ്ങളെ ഓര്‍ക്കുക. അവര്‍ക്കായി സ്വരൂപിച്ചു, ആവശ്യത്തിനുള്ള ഭക്ഷണം മാത്രം തയാറാക്കി, മിച്ചം വന്നു കളയാന്‍ ഇട വരാതെ ശ്രദ്ധിക്കുക. അങ്ങനെ ലാഭിക്കാന്‍ സാധിക്കുന്ന പണത്തില്‍ നിന്ന് സാധുക്കള്‍ക്കായി ഒരു നേരത്തെ ഭക്ഷണം കൂടുതല്‍ കൊടുക്കാന്‍ ഉള്ള അവസ്സരങ്ങല്‍ക്കായി വിനിയോഗിക്കുവാന്‍ ശ്രമിക്കുക.

രണ്ടാമത്തെ കാര്യം സംയമനം ആണ്. ഇഫ്താര്‍ സമയങ്ങള്‍ക്കു മുന്‍പ് ഇവിടത്തെ റോഡുകളിലൂടെ വാഹനം ഓടിക്കുന്നവര്‍ക്കറിയാം എത്ര അപകടങ്ങള്‍ ആണ് വൃഥാ നടക്കുന്നത് എന്ന്. ഒന്ന് ക്ഷമിച്ചു ശ്രദ്ധയോടെ ഓടിച്ചാല്‍ വീട്ടില്‍ എത്തി എല്ലാവരും ഒത്തു ചേര്‍ന്ന് പ്രാര്‍ഥനയോടെ അവസ്സനിപ്പിക്കാവുന്ന യാത്രകള്‍ പലതും അവസാന യാത്രകള്‍ ആക്കുന്നു. അത് കൂടാതെ മത്സര ഓട്ടം കാരണം ഉള്ള വഴക്കുകളും. ഇത് രണ്ടു തീര്‍ത്തും ഭക്തി മാര്‍ഗ്ഗത്തില്‍ പറഞ്ഞിട്ടുള്ളതല്ല. എന്തിനു വെറുതെ ശുണ്ടിയെടുത്തു ഒരു ദിവസ്സമോ ഒരു ആയുസ്സോ അതിന്റെ ഒക്കെ പുണ്യങ്ങളും ഫലങ്ങളും പാഴാക്കി കളയുന്നു?

റമദാന്‍ മാസ്സക്കലാതെ വരവേല്‍ക്കാന്‍ ഒരുങ്ങിയ അബുധാബിയിലെ ഒരു പ്രധാന വീഥി

എല്ലാ സുഹൃത്തുക്കള്‍ക്കും എന്റെ അകം നിറഞ്ഞ റമദാന്‍ ആശംസകള്‍.

രമേശ്‌ മേനോന്‍

24082009

റമദാന്‍ ചിന്തകള്‍ 02/2009

2009-08-23T11:55:00.004+04:00

റമദാന്‍ ചിന്തകള്‍ 02/2009

സൌജന്യമായി ഇഫ്താര്‍ ഭക്ഷണം നല്‍കാന്‍ വേണ്ടി അബുദാബി കോ ഒപരെട്ടീവ്‌ തയ്യാറാക്കിയിട്ടുള്ള വിതരണശാല

പുണ്യമാസ്സമായ റമദാനിലെ രണ്ടാം നാളിലേക്ക് നമ്മള്‍ കടന്നു. ജനങ്ങള്‍ മത വിശ്വാസ്സങ്ങളും ആചാരങ്ങളും അനുഷ്ടിക്കുന്നത് പല തരത്തിലാണ്. ബഹു ജനം പല വിധം എന്ന മലയാളത്തിലെ ചൊല്ല് പോലെ. ഈയുള്ളവന്‍ ഈ വരികള്‍ ഇവിടെ എഴുതുമ്പോള്‍ ചില മനസ്സുകളില്‍ തോന്നുന്നുണ്ടായിരിക്കാം എന്താണ് ഇങ്ങനെ ഒക്കെ ചെയ്യാന്‍ കാരണം.

മതങ്ങളും ഗുരുക്കന്മാരും ആചാര്യന്മാരും പണ്ട്മുതലേ എന്നെ വളരെ ആകര്‍ഷിച്ചിരുന്നു. അതുപോലെ തന്നെ തുടര്‍ന്ന് കൊണ്ടേയിരിക്കുന്ന വിദ്യാഭ്യാസ്സ പ്രക്രിയയും. എല്ലാവരിലും നല്ലത് കണ്ടും, എല്ലാ മതങ്ങളില്‍ നിന്നും നല്ല കാര്യങ്ങള്‍ ഉള്‍ക്കൊണ്ടു ഈശ്വരനില്‍ അര്‍പ്പിച്ചു കൊണ്ട് ഉള്ള ഒരു നിത്യ ജീവിത പ്രക്രിയ ആണ് ഞാന്‍ തുടര്‍ന്ന് കൊണ്ടിരിക്കുന്നത്. നാട്ടിലും, പിന്നെ ഇവിടെ വന്നു ജോലി ചെയ്തു കൊണ്ടിരിക്കുന്ന ഈ 22 വര്‍ഷ കാലത്തിലും എനിക്ക് ഒരുപാട് മുസ്ലിം സുഹൃത്തുക്കളെ നേടി തന്നിട്ടുണ്ട്. അത് തന്നെ മതിയല്ലോ എന്നിക്ക് അവരുടെ പ്രധാന ആചാരങ്ങളെ പറ്റിയുള്ള അറിവും മതിപ്പും എന്നില്‍ വേരുറപ്പിക്കാന്‍. നമ്മള്‍ ശാസ്ത്രം പഠിച്ചത് കൊണ്ട്, ഗണിതം പഠിച്ചു കൂടാ എന്നില്ലല്ലോ? എല്ലാ നന്മാകള്‍ക്കും നന്മകള്‍ നേര്‍ന്നു കൊണ്ട് ഇന്നത്തെ ചിന്തകളിലേക്ക് കടക്കട്ടെ.

ആദ്യ ദിവസ്സത്തെ ഉപവസ്സവും അതോടനുബന്ധിച്ചുള്ള ഇഫ്താര്‍ ചടങ്ങുകളും ചിലര്‍ക്കെങ്കിലും ഒരു പുതുമയായിരിക്കും. ഞാന്‍ പറഞ്ഞു വരുന്നത് നമ്മുടെ കൊച്ചു കൂട്ടുകാരെ പറ്റിയാണ്. അതായതു കുട്ടികളെ. പലപ്പോഴും നമ്മള്‍ അറിയാതെ നമ്മളെ സശ്രദ്ധം വീക്ഷിക്കുന്ന അവര്‍, പലപ്പോഴും നമ്മള്‍ ചെയ്യുന്ന കാര്യങ്ങള്‍ അണുവിട വിടാതെ ചെയ്യാന്‍ ഉത്സാഹം കാണിക്കുന്നത് കാണാം. റമദാന്‍ മാസ്സക്കാലത്തെ ഉപവാസ്സം അതില്‍ ഒന്ന് തന്നെ. തന്റെ മാതാപിതാക്കളും അവരുടെ ബന്ധുക്കളും, സ്നേഹിതരും, വര്‍ഷാവര്‍ഷം ഒരു മാസ്സം തുടര്‍ച്ചയായി ചെയ്തു പോരുന്ന ആ ചടങ്ങുകളില്‍ തങ്ങള്‍ക്കും പങ്കെടുക്കാന്‍ ഉള്ള ആദ്യ അവസ്സരം. അവരുടെ കൊച്ചു മനസ്സിനുള്ളില്‍ ഒളിച്ചിരിക്കുന്ന അര്‍പ്പണ ബോധം പുറത്തു കൊണ്ട് വരാന്‍ ഉള്ള അവസ്സരം. കൂടാതെ ഉപവസ്സം കഴിഞ്ഞാല്‍ ബന്ധുക്കളും സ്നേഹിതരും ആയി ഒത്തു ചേര്‍ന്ന് ഭക്ഷണം കഴിക്കാനുള്ള അവസ്സരം. താനേ അവരില്‍ വിശ്വാസവും നിശ്ചയാധാര്‍ദ്ദ്യവും കടന്നു വന്നില്ല്ലെന്കിലെ അത്ഭുതം ഉള്ളു.

എല്ലാവരും കൂട്ടായ്മയോട് കൂടി പ്രാര്‍ഥിക്കുകയും ജലപാനം കഴിക്കുകയും ചെയ്യുകയും ചെയ്യുന്നത് കാണുമ്പോള്‍ തന്നെ അവരില്‍ ഒരു കൂട്ടായ്മയുടെ വേരുകള്‍ കൊച്ചു മനസ്സിലെ ഉറപ്പിച്ചു കഴിയും.

ഒരു ചെറിയ സംഭവം കൂടി പറഞ്ഞു കൊണ്ട് ഇന്നത്തെ ചിന്തകള്‍ ചുരുക്കട്ടെ. നാട്ടില്‍ നിന്ന് അവധി കഴിഞ്ഞു മടങ്ങുന്ന വഴി ഗോവ വഴിയാണ് വരാന്‍ ഇടയായത്. വിമാനം പറന്നു കുറച്ചു കഴിഞ്ഞപ്പോള്‍ സാധാരണ പോലെ ഭക്ഷണവും ജലപാന മധ്യ സല്കാരവും ആയി എയര്‍ ഹോസ്റെസ്സ് വന്നു. എന്റെ അടുത്ത് ഇരിന്നിരുന്നത് ഒരു ഗോവക്കാരനും അയാളുടെ രണ്ടാം ക്ലാസ്സില്‍ പഠിക്കുന്ന മകനും ആയിരുന്നു. അച്ഛനും മകനും തമ്മില്‍ പല കാര്യങ്ങളിലും സംഭാഷണം തുടര്‍ന്ന് കൊണ്ടേ ഇരിന്നു തുടക്കം മുതലേ. അവര്‍ വന്നു എന്താണ് വേണ്ടതെന്ന് ചോദിച്ചപ്പോള്‍ നമ്മുടെ ഗോവന്‍ സുഹൃത്ത്‌ രണ്ടു കുപ്പി ബിയര്‍ മതിയെന്ന് പറഞ്ഞു. തൊട്ടടുത്ത്‌ ഇരിക്കുന്ന മകന്റെ സീറ്റ്‌ ചൂണ്ടി കാട്ടി പുള്ളി പറഞ്ഞു, പറ്റുമെങ്കില്‍ രണ്ടെണ്ണം ആ സീറ്റിലേക്കും വച്ച് കൊള്ളൂ എന്ന്. അത് കേട്ട എയര്‍ ഹോസ്റെസ്സ് അതെ പ്രകാരം ചെയ്തു. അവര്‍ അവിടെ നിന്ന് നീങ്ങുന്നതിനു മുന്‍പേ ആ കുട്ടി ഉച്ചത്തില്‍ പറഞ്ഞു, അച്ഛാ, നിങ്ങള്‍ തെറ്റാണ് ചെയ്യുന്നത്, ഞാന്‍ മദ്ധ്യം കഴിക്കില്ലല്ലോ - പിന്നെന്തിനാ എന്റെ പേരും പറഞ്ഞു വാങ്ങിയത്. അത് കേട്ട ഞാനും, ആ അച്ഛനും, കൂടാതെ അത് കൊടുത്ത എയര്‍ ഹോസ്റെസ്സും, സ്തബ്ദരായി ഇരുന്നു പോയി. കൊച്ചു മനസ്സില്‍ കളങ്കം ഇല്ല.

ഈ റമദാന്‍ മാസ്സക്കലാതെ ചുരുങ്ങിയ ജോലി സമയം നിങ്ങള്‍ എല്ലാവരും കുട്ടികളുടെ കൂടെ പരമാവദി വിനിയോഗിക്കാന്‍ ഉപയോഗിക്കുക. അതില്‍ പരം സന്തോഷം വേറെ എന്തുണ്ട്. അവര്‍ക്ക് വേണ്ടി അവരുടെ കഴിവുകള്‍ ഉണര്‍ത്തുവാന്‍ വേണ്ടി ഞാനും നിങ്ങളുടെ കൂടെ എന്നും ഉണ്ടാവും.

എല്ലാ സുഹൃത്തുക്കള്‍ക്കും എന്റെ അകം നിറഞ്ഞ റമദാന്‍ ആശംസകള്‍.

രമേശ്‌ മേനോന്‍
23082009

റമദാന്‍ ചിന്തകള്‍ 01/2009

2009-08-22T12:04:00.006+04:00

റമദാന്‍ ചിന്തകള്‍ 01/2009

മദീന സയെദ്‌ ഷോപ്പിംഗ്‌ കൊമ്പ്ലെക്സിനു അടുത്തുള്ള പ്രധാന പള്ളി.

പുണ്യ മാസമായ റമദാന്‍ ഇന്നു ആരംഭിച്ചു. ഗള്‍ഫില്‍ വന്ന കാലം തൊട്ടേ റമദാന്‍ മാസം വളരെ വിലപ്പെട്ടതായി ഞാന്‍ കണക്കാക്കാറുണ്ട്. പണ്ടു തൊട്ടേ ആചാരങ്ങള്‍ എല്ലാം മത വിത്ത്യാസമില്ലാതെ കാണണം എന്ന് കാരണവന്മാര്‍ പഠിപ്പിച്ചത് കൊണ്ടായിരിക്കാം ഇതു. മാനുഷ്യരെല്ലാം ഒന്നു പോലെ എന്ന മാവേലി സിദ്ധാന്തം എപ്പോഴും ഓര്‍ക്കുന്നതായിരിക്കാം മറ്റൊരു വശം. ഈ ആവേശം ആണ് ഈ l ലേഖന പരമ്പരയുടെ രണ്ടാം അദ്ധ്യായം എഴുതാന്‍ എന്നെ പ്രചോദിപ്പിച്ചത്.

മുസ്ലിം കലണ്ടറിലെ ഒന്‍പതാം മാസ്സം ആണ് റമദാന്‍.

ഇന്ന് നമുക്ക് റമദാന്‍ മാസ്സത്തിലെ റമദാന്‍ മാസത്തിലെ ഉപവാസത്തിന്റെ പ്രാധാന്യത്തെ പറ്റി ഒന്നു ചിന്തിച്ചു നോക്കാം.

ഓഗസ്റ്റ്‌ മാസത്തില്‍ വന്നു ചേര്‍ന്നിരിക്കുന്ന ഈ വര്ഷത്തെ റമദാന്‍ ദിവസങ്ങള്‍ സാധാരണയില്‍ കവിഞ്ഞ സമയ പരിതി ഉള്ളതാണല്ലോ. അപ്പോള്‍ ഉപവാസം ഒരു തപസ്യ എന്നതിലുപരിയെക്കാള്‍ നിശ്ചയമായും നമ്മുടെ സംയമനം പരിശോദിക്കാന്‍ ഉള്ള ഒരു അവസരം കൂടി ആയി തീരുന്നു. പുലര്‍ച്ച മുതല്‍അസ്തമയം വരെ ഉപവാസ്സം ഇരിക്കുക എന്ന പ്രക്രിയ പലര്‍ക്കും അത്ര എളുപ്പം അല്ല. പുകവലി, ഭോജനം, ജലപാനം കഴിക്കല്‍, എന്നിവ ഈ സമയത്ത് വര്‍ജ്യം ആണ്. ഇവയൊന്നും പൊതു സ്ഥലത്ത് വിശ്വാസികളും അവിശ്വാസികളും ചെയ്യാന്‍ പാടുള്ളതല്ല. റമദാന്‍ മാസ്സത്തില്‍ അഞ്ചു നേരവും പള്ളികളില്‍ പ്രാര്‍ത്ഥന നടക്കാറുണ്ട്. ഈ സമയത്ത് ഉച്ച ശബ്ദത്തില്‍ പാടുകളോ മറ്റു തടസ്സങ്ങലോ വരാതെ പരിസ്സരവും നിശബ്ദതയില്‍ ദൈവത്തില്‍ പ്രാര്‍ഥനാനിരതയോടെ അര്‍പ്പിക്കാന്‍ എല്ലാവരും ശ്രദ്ധിക്കണം. വസ്ത്രധാരണത്തിലും ഈ മാസത്തില്‍ പ്രത്യേകം ശ്രദ്ധ ചെലുത്തണം. സ്ത്രീ പുരുഷന്മാര്‍ തമ്മില്‍ പൊതു വേദികളില്‍ അതിര് വിട്ടു ഇടപഴകാതെ ഇരിക്കാനും പ്രത്യേകം ശ്രദ്ധിക്കണം. പൊതുവേദികളില്‍ പുകവലിയും വര്‍ജ്യമാണ്‌.

സുഹൂര്‍ എന്നും ഇഫ്താര്‍ എന്നും രണ്ടു പ്രധാന ഭക്ഷണ ചടങ്ങുകള്‍ ആണ് റമദാന്‍ മാസ്സത്തില്‍ നിത്യവും ഉള്ളത്. സുഹൂര്‍ പുലര്‍ച്ചെയും, ഇഫ്താര്‍ അസ്തമയ സമയത്തും. സുഹൂര്‍ സമയത്ത്, ദിവസ്സം മുഴുവനും സക്തി നല്‍കാന്‍ ഉള്ള തരത്തില്‍ ഉള്ള ഭക്ഷണ ക്രമവും, ഇഫ്താര്‍ സമയത്ത് വെള്ളം, പഴങ്ങളുടെ സത്, ഈന്ത പഴം എന്നിവവയും ലഘുവായി കഴിച്ചു പോരുന്നു.

ഇഫ്താര്‍ ടെന്റുകള്‍ - സ്ഥലം മദീന സയെദ്‌ ഷോപ്പിംഗ്‌ കോമ്പ്ലെക്സ്‌ അബുദാബി

ഈ ലേഖന പരമ്പരയോടൊപ്പം ഓരോ ദിവസ്സവും ഇവിടത്തെ ഓരോ റമദാന്‍ കാഴ്ചകളും ചിത്രങ്ങളായി നിങ്ങള്ക്ക് സമര്‍പ്പിക്കുന്നു.

എന്റെ എല്ലാ പ്രിയ മുസ്ലിം സുഹൃത്തുക്കള്‍ക്കും ഈ പുണ്യമാസ്സക്കലത്തിന്റെ ആശംസകള്‍ നേര്‍ന്നു കൊണ്ട്,
സസ്നേഹം,

രമേശ്‌ മേനോന്‍

22082009

മഴയുടെ നാനാര്‍ത്ഥം - സച്ചിദാനന്ദന്‍

2009-08-20T14:59:00.003+04:00

ഈ ലേഖനത്തിന് മാത്രുഭുമിയോടു കടപ്പാട്

ബാങ്ക് അക്കൗണ്ട്‌ രഹസ്യം ചോര്‍ത്താന്‍ ഇന്റര്‍നെറ്റ്‌ പോസ്റ്റ്‌ കാര്‍ഡ്‌

2009-07-29T15:20:00.001+04:00

കൊരമ്പിലെ കുട്ടികള്‍ക്കും പുതിയമുഖം

2009-07-28T14:20:00.002+04:00

കൊരമ്പിലെ കുട്ടികള്‍ക്കും പുതിയമുഖം
Author : - സ്വന്തം ലേഖകന്‍ www.irinjalakuda.com

സിനിമയിലും മൃദംഗം കൊട്ടാന്‍ അവസരം കിട്ടിയതിന്റെ ആഹ്ലാദത്തിലാണ്‌ ഇരിങ്ങാലക്കുട കൊരമ്പ്‌ മൃദംഗ കളരിയില്‍ പരിശീലം നടത്തുന്ന കുട്ടികള്‍. ഇവിടത്തെ അമ്പതോളം വിദ്യാര്‍ത്ഥികളാണ്‌ മൃദംഗകലാഭ്യാസികളായി തന്നെ സിനിമയില്‍ പ്രത്യക്ഷപ്പെടുന്നത്‌. ചിത്രത്തിലെ നായകനായ പൃഥ്വിരാജിനോടൊപ്പമാണ്‌ ഇവരുടെയും പ്രകടനം. പുതുമുഖ സംവിധായകനായ ദീപന്‍ ഒരുക്കിയ പുതിയമുഖം എന്ന ചിത്രത്തിന്റെ ചിത്രീകരണം ഇരിങ്ങാലക്കുടയിലും നടന്നിരുന്നു. തിരുനാവായ നിളാതീരത്താണ്‌ കൊരമ്പ്‌ മൃദംഗ കളരിയിലെ കുട്ടികളെയും ഉള്‍പ്പെടുത്തിയുള്ള രംഗങ്ങള്‍ ചിത്രീകരിച്ചത്‌. ഇതിനകം തന്നെ ഒട്ടേറെ വേദികളില്‍ മൃദംഗമേള അവതരിപ്പിച്ചിട്ടുള്ള ഇവിടത്തെ കുട്ടികള്‍ വിദേശ പര്യടനവും നടത്തിയിട്ടുണ്ട്‌.

ആര്‍ക്കും ചേരാവുന്ന പെന്‍ഷന്‍പദ്ധതിയില്‍ ഇപ്പോള്‍ അപേക്ഷിക്കാം

2009-07-27T08:25:00.001+04:00

ആര്‍ക്കും ചേരാവുന്ന പെന്‍ഷന്‍പദ്ധതിയില്‍ ഇപ്പോള്‍ അപേക്ഷിക്കാം

കൊച്ചി: പെന്‍ഷന്‍ ഫണ്ട്‌ റഗുലേറ്ററി ആന്‍ഡ്‌ ഡവലപ്‌മെന്റ്‌ അതോറിട്ടിയുടെ ആര്‍ക്കുംചേരാവുന്ന പെന്‍ഷന്‍പദ്ധതി കേരളത്തിലുമെത്തി. സൗത്ത്‌ ഇന്ത്യന്‍ ബാങ്കുള്‍പ്പെടെയുള്ള ബാങ്കുകളില്‍ ഇതിനുള്ള അപേക്ഷ സമര്‍പ്പിക്കാവുന്നതാണ്‌.

''മെയ്‌ ഒന്നിനാണ്‌ പുതിയ പെന്‍ഷന്‍ പദ്ധതി (എന്‍പിഎസ്‌) അവതരിപ്പിച്ചത്‌. അന്നു തന്നെ 55 ശാഖകളില്‍ ഞങ്ങള്‍ ഇതിന്‌ സൗകര്യം ലഭ്യമാക്കി. ഇപ്പോള്‍ 75 ശാഖകളില്‍ അപേക്ഷ സ്വീകരിക്കുന്നുണ്ട്‌. 150 ശാഖകളില്‍ പദ്ധതി ഏര്‍പ്പെടുത്താനാവശ്യമായ പരിശീലനം പൂര്‍ത്തിയായി. കൂടുതല്‍ കൂടുതല്‍ ശാഖകളില്‍ പദ്ധതി നടപ്പാക്കിവരികയാണ്‌. സപ്‌തംബര്‍ 30 ഓടെ 200 ശാഖകളില്‍ പെന്‍ഷന്‍ പദ്ധതി ലഭ്യമാവും.'' സൗത്ത്‌ ഇന്ത്യന്‍ ബാങ്കിന്റെ ചീഫ്‌ എക്‌സികൂട്ടീവായ ഡോ. വി.എ.ജോസഫ്‌ അറിയിച്ചു. ''കേരളത്തില്‍ മറ്റു ബാങ്കുകളെ അപേക്ഷിച്ച്‌ ഇക്കാര്യത്തില്‍ ഞങ്ങള്‍ വളരെയേറെ മുന്നോട്ടു പോയിട്ടുണ്ട്‌. പഴയ തലമുറ സ്വകാര്യബാങ്കുകളില്‍ ഞങ്ങള്‍ക്കുമാത്രമാണ്‌ ഇതിന്‌ അനുവാദം ലഭിച്ചിട്ടുള്ളത്‌. എല്ലാ ശാഖകളിലും പദ്ധതിയെത്തിക്കാനാണ്‌ ഞങ്ങളുടെ ശ്രമം.'' അദ്ദേഹം കൂട്ടിച്ചേര്‍ത്തു.

കേന്ദ്ര - സംസ്ഥാന ജീവനക്കാരെ ഈ പദ്ധതിയില്‍ ഉള്‍പ്പെടുത്തിയിരിക്കുന്നതിനാല്‍ അവരൊഴിച്ച്‌ ആര്‍ക്കുവേണമെങ്കിലും ചേരാമെന്ന്‌ ബാങ്കിന്റെ ഡെപ്യൂട്ടി ജനറല്‍ മാനേജര്‍ സി.ജെ. ജോസ്‌ മോഹന്‍ വ്യക്തമാക്കി. പ്രായം 55 വയസ്സില്‍ താഴെയായിരിക്കണം. ബാങ്കില്‍ അക്കൗണ്ട്‌ വേണമെന്ന്‌ നിര്‍ബന്ധമില്ല. അപേക്ഷ വാങ്ങി പൂരിപ്പിച്ച്‌ തിരിച്ചറിയല്‍ രേഖകളും ചുരുങ്ങിയത്‌ 500 രൂപയുമുണ്ടെങ്കില്‍ പദ്ധതിയില്‍ ചേരാവുന്നതാണ്‌. പണമടച്ചാല്‍ രശീതികിട്ടും. പിന്നീട്‌ 15 ദിവസത്തിനകം പെര്‍മനന്റ്‌ റിട്ടയര്‍മെന്റ്‌ അക്കൗണ്ട്‌ നമ്പര്‍ (പ്രാണ്‍) സെന്‍ട്രല്‍ റെക്കോഡ്‌ കീപ്പിങ്‌ ഏജന്‍സിയായ എന്‍എസ്‌ഡിഎല്‍ അയച്ചുതരും.

കര്‍ഷകര്‍ക്കും വിദേശ ഇന്ത്യക്കാര്‍ക്കും തൊഴില്‍ രഹിതര്‍ക്കുമൊക്കെ ചേരാമെന്നതാണ്‌ പദ്ധതിയുടെ സവിശേഷത. 18 വയസ്സു പൂര്‍ത്തിയായിരിക്കണമെന്നേയുള്ളൂ. ഒരു ഇടപാടില്‍ 500 രൂപയോ പ്രതിവര്‍ഷം 6,000 രൂപയോ ആണ്‌ കുറഞ്ഞ നിക്ഷേപം. വര്‍ഷത്തില്‍ ചുരുങ്ങിയത്‌ നാലുതവണ പണമടച്ചിരിക്കണം. പെന്‍ഷന്‍ഫണ്ട്‌ മാനേജര്‍മാരായി ആറു പേരെയാണ്‌ നിയോഗിച്ചിട്ടുള്ളത്‌. ഇതില്‍ ആരെവേണമെങ്കിലും തിരഞ്ഞെടുക്കാനുള്ള സ്വാതന്ത്ര്യം നിക്ഷേപകനുണ്ട്‌.

ഓഹരി, കമ്പനി ബോണ്ടുകള്‍, സര്‍ക്കാര്‍ ബോണ്ടുകള്‍ എന്നിവയിലായിരിക്കും പണം മുടക്കുക. ഇതിന്റെ അറ്റാസ്‌തിമൂല്യം പതിവായി പ്രസിദ്ധീകരിക്കും. അതിന്റെ അടിസ്ഥാനത്തില്‍ തുടര്‍ച്ചയായി നിക്ഷേപം നടത്താം. കാലാകാലങ്ങളില്‍ പെന്‍ഷന്‍ ഫണ്ട്‌ മാനേജര്‍മാരെ മാറ്റാനും സൗകര്യമുണ്ടാവും.

സാധാരണഗതിയില്‍ 60 വയസ്സിലാണ്‌ പെന്‍ഷന്‍ ആരംഭിക്കുക. എന്നാല്‍ ഏതു സമയത്തും പിരിഞ്ഞുപോകന്‍ സ്വാതന്ത്ര്യമുണ്ട്‌. അതുവരെയുള്ള നിക്ഷേപത്തിന്റെ അടിസ്ഥാനത്തില്‍ പെന്‍ഷന്‍ നിര്‍ണയിക്കുകയും ചെയ്യും. അന്നത്തെ അറ്റാസ്‌തിമൂല്യത്തെ ആധാരമാക്കിയായിരിക്കും പെന്‍ഷന്‍.

60 വയസ്സിനു മുമ്പ്‌ വരിക്കാരന്‍ വിട്ടുപോവുകയാണെങ്കില്‍ അറ്റാസ്‌തിമൂല്യത്തിന്റെ 80 ശതമാനം തുകയും ഇന്‍ഷൂറന്‍സ്‌ കമ്പനിയില്‍ നിന്ന്‌ ലൈഫ്‌ ആന്വറ്റി വാങ്ങാന്‍ ഉപയോഗിക്കണം. ബാക്കി 20 ശതമാനം ഒറ്റയടിക്ക്‌ പിന്‍വലിക്കാവുന്നതാണ്‌.

60 നും 70 വയസ്സിനുമിടയിലാണെങ്കില്‍ ചുരുങ്ങിയത്‌ 40 ശതമാനം തുക ആന്വറ്റി വാങ്ങാന്‍ ഉപയോഗിച്ചാല്‍ മതി. ബാക്കി ഒറ്റയടിക്കോ വര്‍ഷം 10 ശതമാനം തോതിലോ പിന്‍വലിക്കാം. എഴുപത്‌വയസ്സിലാണെങ്കില്‍ മുഴുവന്‍ തുകയും വരിക്കാരന്‌ തിരിച്ചുനല്‍കും. മരണപ്പെടുന്ന പക്ഷം പൂര്‍ണതുകയും നോമിനിക്കാണ്‌.

ഇടപാടുകാര്‍ക്ക്‌ സേവനം നല്‍കാനും അപേക്ഷാഫോറം സ്വീകരിക്കാനുമായി എസ്‌ബിഐ ഉള്‍പ്പെടെ ബാങ്കുകളും ഇന്‍ഷൂറന്‍സ്‌ സ്ഥാപനങ്ങളുമായി 22 പോയിന്റ്‌സ്‌ ഓഫ്‌ പ്രസന്‍സിനെ (പിഒപി) യാണ്‌ ചുമതലപ്പെടുത്തിയത്‌.

കണ്ടതും കേട്ടതും

അരങ്ങു 09 - ഇരിങ്ങാലക്കുട ഉണ്ണായി വാര്യര്‍ സ്മാരക കലാനിലയം ഹാള്‍

2009-07-21T09:35:00.007+04:00

അരങ്ങു 09 - ഇരിങ്ങാലക്കുട ഉണ്ണായി വാര്യര്‍ സ്മാരക കലാനിലയം ഹാള്‍

"വെള്ളത്തില്‍ നിന്നുകൊണ്ടാവുമ്പൊ വേണ്ടുവോളം കുടിക്കാം ....."

2009-07-20T08:26:00.003+04:00

"വെള്ളത്തില്‍ നിന്നുകൊണ്ടാവുമ്പൊ വേണ്ടുവോളം കുടിക്കാം ....."
Author : - സ്വന്തം ലേഖകന്‍ www.irnjalakuda.com

മഴവെള്ളം കയറിയ പുല്ലൂര്‍ പുളിഞ്ചോട്‌ ഷാപ്പില്‍ ഞായറാഴ്‌ച കള്ളുകുടിക്കാനെത്തിയവര്‍. ഉച്ചക്ക്‌ 12 ആയപ്പോഴേക്കും ഷാപ്പിലെ കള്ളുമുഴുവന്‍ തീര്‍ന്നിരുന്നു.

നമ്മുടെ നാടിന്റെ ഒരു സ്ഥിതി!!

നാലമ്പലങ്ങളിലേക്കും സര്‍ക്കാര്‍ ബസ്സുകള്‍ ഓട്ടം തുടങ്ങി

2009-07-19T10:38:00.004+04:00

നാലമ്പലങ്ങളിലേക്കും സര്‍ക്കാര്‍ ബസ്സുകള്‍ ഓട്ടം തുടങ്ങി
Author : - സ്വന്തം ലേഖകന്‍ www.irinjalakuda.com

രാമായണ മാസത്തില്‍ നാലമ്പല ദര്‍ശനം നടത്തുന്ന ഭക്തര്‍ക്കായ്‌ ഇരിങ്ങാലക്കുടയില്‍ നിന്നും കെ.എസ്‌.ആര്‍.ടി.സി.ബസ്സുകള്‍ ഓട്ടം തുടങ്ങി. രാവിലെ 6.45ഓടെ കൂടല്‍മാണിക്യം ക്ഷേത്രകിഴക്കേ നടയില്‍ നിന്നാണ്‌ രണ്ട്‌ ബസ്സുകള്‍ സര്‍വ്വീസ്‌ നടത്തുന്നത്‌. തൃപ്രയാര്‍ ശ്രീരാമ ക്ഷേത്രം, കൂടല്‍മാണിക്യം, മൂഴിക്കുളം, പായമ്മല്‍ ക്ഷേത്രങ്ങളിലെത്തി ഉച്ചക്ക്‌ 2.30ഓടെ ഇരിങ്ങാലക്കുടയില്‍ തിരിച്ചെത്തും. ശനിയാഴ്‌ച രാവിലെ അഡ്വ.തോമസ്‌ ഉണ്ണിയാടന്‍ എം.എല്‍.എ ബസ്സ്‌ സര്‍വ്വീസുകളുടെ ഉദ്‌ഘാടനം നിര്‍വ്വഹിച്ചു. ദേവസ്വം ചെയര്‍മാന്‍ തങ്കപ്പന്‍ മാസ്റ്റര്‍, നഗരസഭാ വൈസ്‌ ചെയര്‍മാന്‍ സതീഷ്‌ പുളിയത്ത്‌ തുടങ്ങിയവര്‍ സന്നിഹിതരായിരുന്നു.

അമ്മക്ക് ഒരു സ്വപ്നമുണ്ടായിരുന്നു

2009-07-16T10:02:00.001+04:00

മരണത്തിലും കൈകോര്‍ത്ത്‌

2009-07-16T09:57:00.001+04:00

കേരള താരം എം. നിയാസ് ഏമേര്‍ജിങ് പ്ലേയേഴ്‌സ് ടൂര്‍ണമെന്റിന്

2009-07-09T07:38:00.002+04:00

കേരള താരം നിയാസ് ഏമേര്‍ജിങ് പ്ലേയേഴ്‌സ് ടൂര്‍ണമെന്റിന്

കോഴിക്കോട്: ടിനു യോഹന്നാനും ശ്രീശാന്തിനും ശേഷം ഇന്ത്യന്‍ ക്രിക്കറ്റ് ടീമില്‍ ഇടംതേടാമെന്ന പ്രതീക്ഷയോടെ കേരളത്തിന്റെ ഭാവി വാഗ്ദാനം എം. നിയാസ് ആദ്യ അന്താരാഷ്ട്ര ടൂര്‍ണമെന്റിനൊരുങ്ങുകയാണ്. ജൂലായ് 20 മുതല്‍ ഓസ്‌ട്രേലിയയില്‍ നടക്കുന്ന എമേര്‍ജിങ് പ്ലേയേഴ്‌സ് ക്രിക്കറ്റ് ടൂര്‍ണമെന്റില്‍ ഓസ്‌ട്രേലിയന്‍ സ്‌പോര്‍ട്‌സ് ഇന്‍സ്റ്റിറ്റിയൂട്ടിന്റെ അതിഥിതാരമായാണ് നിയാസ് ഇറങ്ങുക. ചെന്നൈയില്‍ എം.ആര്‍.എഫ്., പേസ് ഫൗണ്ടേഷനില്‍ പരിശീലിക്കുന്ന നിയാസിനുപുറമേ ഇവിടെ നിന്ന് ജാര്‍ഖണ്ഡുകാരന്‍ രാജീവ് ശുക്ലയും ഓസ്‌ട്രേലിയയ്ക്ക് പറക്കുന്നുണ്ട്.

ഓസ്‌ട്രേലിയന്‍ സ്‌പോര്‍ട്‌സ് ഇന്‍സ്റ്റിറ്റിയൂട്ടും (എ.ഐ.എസ്.) എം.ആര്‍.എഫ്. പേസ് ഫൗണ്ടേഷനും തമ്മിലുള്ള ധാരണയനുസരിച്ചാണ് ഫൗണ്ടേഷനിലെ മികച്ച രണ്ട് താരങ്ങള്‍ക്ക് എല്ലാവര്‍ഷവും ഈ ടൂര്‍ണമെന്റില്‍ അവസരം കിട്ടുന്നത്. കഴിഞ്ഞവര്‍ഷം ജൂണ്‍ മുതല്‍ പേസ് ഫൗണ്ടേഷനില്‍ ജവഗല്‍ ശ്രീനാഥിനും ശെന്തില്‍നാഥിനും കീഴില്‍ പരിശീലിക്കുന്ന നിയാസിന് കിട്ടിയ അംഗീകാരം കൂടിയാണ് ഓസ്‌ട്രേലിയന്‍ ടീമിലെ സ്ഥാനം. ടൂര്‍ണമെന്റില്‍ തമിഴ്‌നാട് താരം എസ്. ബദരീനാഥിന്റെ നേതൃത്വത്തിലുള്ള ഇന്ത്യ എ ടീമും ദക്ഷിണാഫ്രിക്ക, ന്യൂസീലന്‍ഡ് എ ടീമുകളും പങ്കെടുക്കുന്നുണ്ട്.

കൂടുതല്‍ വിവരങ്ങള്‍ അറിയുവാന്‍ മാതൃഭൂമിയുടെ ഈ പേജ് വായിക്കൂ

മാതൃഭൂമി ഈ പയ്യന്‍സിന്റെ ഒരു ഫോട്ടോ കൂടി ഉള്‍പ്പെടുത്തിയിരുന്നെങ്കില്‍ എത്ര നന്നായിരുന്നു...ഹാ അവനും വരും ഒരു നല്ല കാലം. അപ്പോള്‍ അശ്രീകരം ആയി ഒന്നും കാണിക്കാതിരുന്നാല്‍ മതിയായിരുന്നു.

രണ്ടു തലകള്‍

2009-07-08T07:38:00.002+04:00

കുറെ നാളുകള്‍ ആയി പെന്‍സിലും വരകളുമായി കൂട്ട് ചേര്‍ന്നിട്ട്. കുട്ടികള്‍ക്കായുള്ള വേനല്‍ക്കാല പരിപാടികളുമായി മുന്നോട്ടു തുനിജിരങ്ങിയപ്പോള്‍ തോന്നി എന്ത് കൊണ്ട് ആ വിദ്യ വീണ്ടും പുറത്തു എടുത്തു അവര്‍ക്ക് ഒരു പ്രചോദനം നല്‍കുവാന്‍ എന്നാവണം ഒരു ശ്രമം നടത്തിയാലോ എന്ന്. മേശപ്പുറത്തു ഒരു വെള്ള പേപ്പറും പെന്‍സില്‍ കൂട്ടവും ക്രയോന്സും കണ്ടു എന്റെ സഹ പ്രവര്‍ത്തകര്‍ അര്‍ത്ഥവത്തായി ചിരിച്ചു - അവരില്‍ ഒരാള്‍ ഉടനെ പറയുകയും ചെയ്തു - അപ്പോള്‍ ഇനി ഞങ്ങള്‍ക്ക് വരകളുടെ കാലമായി അല്ലെ. ആദ്യം തന്നെ വരയ്ക്കാന്‍ തോന്നിയത് ഒരു സഹപ്രവര്‍ത്തകന്റെ തലയാണ്. വേനല്‍ അവധിക്കു ഭാര്യയും കുട്ടികളും ഫ്രാന്‍സിലേക്ക് പോയപ്പോള്‍ പുള്ളി സ്റ്റൈല്‍ ആകെ മാറ്റി. എന്ത് കൊണ്ട് അങ്ങേരുടെ തല എന്റെ തലയ്ക്കു പിടിച്ചു. പിന്നെ തോന്നിയത്, എന്ത് കൊണ്ട് ഒരു കുതിരയുടെ തല വരച്ചാല്‍ എന്നായി. വരച്ചു വന്നു, കണ്ണ് വരച്ചു മുഴുവനാക്കാന്‍ തുടങ്ങിയപ്പോള്‍ എന്തൊക്കെയോ സംശയങ്ങള്‍ - അപ്പോള്‍ ആണ് ആ യാഥാര്‍ത്ഥ്യം മനസ്സിലായത്‌. ഒരു ജീവനുള്ള കുതിരയെ കണ്ടിട്ട് എത്ര കാലമായി... എന്റെ കാര്യം ഇങ്ങനെയാണെങ്കില്‍ നമ്മുടെ കൊച്ചു തലമുറയുടെ കാര്യം എന്താവും... ഓരോരോ ചിന്തകള്‍.

'അവളെ കൊണ്ടോയ്‌ക്കോ, ഞാന്‍ കൊറച്ചേരം കൂടി കുളിക്കട്ടേ'

2009-07-07T16:16:00.001+04:00

'അവളെ കൊണ്ടോയ്‌ക്കോ, ഞാന്‍ കൊറച്ചേരം കൂടി കുളിക്കട്ടേ'

- ചൊവ്വാഴ്‌ച വെളളാങ്ങല്ലൂര്‍ ഗ്രാമത്തിലെ കാഴ്‌ച

www.irinjalakuda.com

ചാമ്പ്യന്‍സ് ട്രോഫി: ശ്രീശാന്തും ഇര്‍ഫാനുമില്ല

2009-07-07T09:49:00.002+04:00

ചാമ്പ്യന്‍സ് ട്രോഫി: ദ്രാവിഡ് തിരിച്ചെത്തി
മുപ്പതംഗ സാധ്യതാടീം പ്രഖ്യാപിച്ചു
ചാമ്പ്യന്‍സ് ട്രോഫി: ശ്രീശാന്തും ഇര്‍ഫാനുമില്ല

മുന്‍ നായകന്‍ രാഹുല്‍ ദ്രാവിഡിനെ ഉള്‍പ്പെടുത്തി ചാമ്പ്യന്‍സ് ട്രോഫിക്കുള്ള 30 അംഗ സാധ്യതാ ടീമിനെ സെലക്ഷന്‍ കമ്മിറ്റി പ്രഖ്യാപിച്ചു. വിദേശപിച്ചുകളില്‍ ഇന്ത്യന്‍ യുവനിര ഷോട്ട്പിച്ച് പന്തുകള്‍ക്കുമുന്നില്‍ പരുങ്ങുന്നതിനുള്ള പരിഹാരമെന്ന നിലയ്ക്കാണ് പരിചയസമ്പന്നനായ രാഹുല്‍ ദ്രാവിഡിനെ ടീമിലുള്‍പ്പെടുത്തിയത്. ഒരു വര്‍ഷത്തിലേറെയായി ഇന്ത്യന്‍ ടീമിന് പുറത്തുനില്‍ക്കുന്ന മലയാളി താരം എസ്. ശ്രീശാന്തിനും ഫിബ്രവരിക്കുശേഷം ഏകദിന ടീമിലേക്ക് പരിഗണിക്കപ്പെട്ടിട്ടില്ലാത്ത ഇര്‍ഫാന്‍ പഠാനും സാധ്യതാടീമിലും ഇടം കിട്ടിയില്ല. സപ്തംബറില്‍ ദക്ഷിണാഫ്രിക്കയിലാണ് ചാമ്പ്യന്‍സ് ട്രോഫി നടക്കുന്നത്.2008 ഏപ്രിലില്‍ ദക്ഷിണാഫ്രിക്കയ്‌ക്കെതിരെ കളിച്ചശേഷം പുറംവേദനയെത്തുടര്‍ന്ന് ടീമില്‍നിന്ന് പുറത്തായ ശ്രീശാന്തിന് 30 അംഗ സാധ്യതാ ടീമില്‍പ്പോലും ഇടം നല്‍കാന്‍ സെലക്ടര്‍മാര്‍ തയ്യാറായില്ല. ട്വന്റി-20 ലോകകപ്പില്‍ കളിച്ച ഇര്‍ഫാന്‍ പഠാന് ഏകദിനത്തില്‍ ഇക്കുറിയും ഇടം നല്‍കിയിട്ടില്ല.

കൂടുതല്‍ വിവരങ്ങള്‍ അറിയുവാന്‍ മാതൃഭൂമിയുടെ ഈ പേജ് വായിക്കൂ

ഇര്ഫാനു കല്യാണം. ശ്രീശാന്തിനോ? കാതുകുത്തായിരിക്കും !

ബജറ്റ് 2009 - എല്‍.സി.ഡിക്ക്‌ വിലകുറയും;സ്വര്‍ണ്ണത്തിന്‌ വില കൂടും!

2009-07-06T18:53:00.002+04:00

2009 ഇലെ ബജറ്റ് പ്രസ്താവനക്ക് ശേഷം മാതൃഭുമി പത്രത്തില്‍ വന്ന ഒരു തലെക്കെട്ടാണ് ഇത്. അപ്പോള്‍ ഇനി എല്ലാവര്ക്കും എല്‍ സി ഡി വാങ്ങിക്കാം. ബാക്കി ഒന്നിനും കുരഞ്ഞില്ലെന്കിലും ചന്തമായിട്ടു സീരിയലും റിയാലിറ്റി ഷോകളും കാണാമല്ലോ! മുകളിലെ പടം പെട്ടെന്ന് നോക്കിയാല്‍ ഏതോ അപകടത്തില്‍ പെട്ടവരുടെ ശവപ്പെട്ടികള്‍ നിരത്തി വച്ചിരിക്കുന്ന പോലെ ഉണ്ട്. ബജറ്റ് കടലാസ്സുകലാണ്.

അല്ലെങ്കില്‍ സാധാരണക്കാരനും പ്രവസ്സിക്കും എന്ത് ബജറ്റ്?

ഭ്രമരം

2009-07-04T11:22:00.004+04:00

ഭ്രമരം

മോഹന്‍ലാല്‍ - ബ്ലെസി ടീമിന്റെ ഭ്രമരം കണ്ടു. ഫസ്റ്റ് ഗിയര്‍ ഇട്ടു ഹൈ റേഞ്ച് പാതകളിലൂടെ വണ്ടി ഓടിച്ചു വന്ന പ്രതീതി. എന്തൊക്കെയോ കാര്യങ്ങള്‍ പറയണം എന്ന് വിചാരിച്ചു ഏതൊക്കെയോ കാര്യങ്ങള്‍ പറഞ്ഞു അവസാനിപ്പിച്ച അവസ്ഥ. മോഹന്‍ലാല്‍ എന്നാ മഹത്തായ നടനെ ഉപയോഗിക്കാന്‍ കിട്ടിക്കായ നല്ല ഒരു അവസ്സരം വേണ്ട വിധം വിനിയോഗിക്കാത്ത ഒരു സംരംഭം എന്ന് വേണമെങ്കില്‍ പറയാം. മോഹന്‍ലാലിന്റെ മകളായി വന്ന കുട്ടി എന്തോ ഒരു കുറവ് കാണുന്നു. ആ കുട്ടിയുടെ ശബ്ദം ചെയ്തതും വലിയ ഒരു കുറവ് ആയി കാണുന്നു. ഒരു രണ്ടു വാക് ആ കുട്ടിയെ കുറിച്ച് - സുഖമില്ലാത്ത കുട്ടിയെന്നോ മറ്റോ പറഞ്ഞു രക്ഷപ്പെടാമായിരുന്നു - അങ്ങനെയല്ല എന്നുണ്ടെങ്കില്‍. സുരേഷ് മേനോന്‍ - നിസ്സഹായാനായി - ഒരു ഭാവവും ഇല്ലാതെ കുറെ രീലും സമയവും കൊണ്ട് കൂടെ കൂടി അവസാനിച്ചു. മുരളി കൃഷ്ണയെ വേണ്ട വിധത്തില്‍ ഉപയോഗിച്ചില്ല. നല്ല ഒരു പാട്ടിന്റെ കുറെ വരികള്‍ മോഹന്‍ലാല്‍ പാടി കേള്‍ക്കാന്‍ സാധിച്ചു എന്ന ഒരു ആശ്വാസം മാത്രം. എവിടെയോ ആരെയൊക്കെയോ പ്രീതിക്ക് വേണ്ടി ഉള്‍പ്പെടുത്തിയ പോലുള്ള കഥാപാത്രങ്ങള്‍. ഭൂമിക അടക്കം. നിരാശപ്പെടുത്തി എന്ന് ദുഃഖത്തോടെ അവസ്സനിപ്പിക്കട്ടെ.

എങ്ങനെ നാം മറക്കും

2009-07-01T16:47:00.002+04:00

എങ്ങനെ നാം മറക്കും

എങ്ങനെ നാം മറക്കും

ഈ കാണുന്ന ചിത്രങ്ങള്‍ എന്റെ വളരെ അടുത്ത ഒരു സ്നേഹിതന്‍ അദ്ധേഹത്തിന്റെ ജോലി സ്ഥലത്ത് ഉണ്ടായ ഒരു അഗ്നിബാധയെ തുടര്‍ന്ന് അവശേഷിച്ച വസ്തുക്കളുടെതാണ്. എല്ലാം കത്തി ചാമ്പല്‍ ആയിട്ടും അവശേഷിച്ചത് അദ്ദേഹം വായിച്ചു കൊണ്ടിരുന്ന ഒരു പുസ്തകം മാത്രം. ആ പടം കണ്ടപ്പോള്‍ ഞാന്‍ അതിശയിച്ചു പോയി. കാരണം, അത്, എന്റെ ഒരു ഇമെയില്‍ സുഹൃത്ത്‌ ശ്രീ രവി മേനോന്‍ (മ്യൂസിക്‌ രവി) എഴുതിയ പുസ്തകം ആയിരുന്നു. അതിന്റെ തലക്കെട്ട്‌ പല കാര്യങ്ങളും എന്നെ ചിന്തിപ്പിച്ചു. കാരണം, എന്റെ പ്രവൃത്തികളും ഏകദേശം അതെ പോലെ ആണ്. വിജ്ഞാനം തന്നില്‍ തന്നെ ഒതുക്കാതെ അത് മറ്റുള്ളവര്‍ക്ക് പകര്‍ന്നു കൊടുക്കുകയും അവരുമായി പന്കുവക്കുകയും ചെയ്താലേ അത് അനശ്വരമാവുകയുള്ളൂ എന്ന് അടിയുറച്ചു വിശ്വസിക്കുന്ന ഒരു വ്യക്തിയാണ് ഞാന്‍. ഈ സംഭവം അത് ഒന്ന് കൂടി ഒര്മിക്കുവാനും, ഒര്മിപ്പിക്കുവാനും ഒരവസ്സരം എനിക്ക് നല്‍കി. ആ നല്ല സുഹൃത്തുക്കള്‍ക്ക് നന്മകള്‍ നേര്‍ന്നു കൊള്ളുന്നു.

കേരളീയ ചുവര്‍ ചിത്രകലയ്ക്ക് ഒരു ഇ ആസ്ഥാനം

2009-06-24T18:03:00.002+04:00

കേരളീയ ചുവര്‍ ചിത്രകലയ്ക്ക് ഒരു ഇ ആസ്ഥാനം

കേരളീയ ചുവര്‍ ചിത്രകലയ്ക്ക് ഒരു ഇ ആസ്ഥാനം

http://www.keralamuralart.com/

ഇന്ന് തന്നെ സന്ദര്‍ശിച്ചു നിങ്ങളുടെ അഭിപ്രായങ്ങള്‍ രേഖപ്പെടുത്തൂ

വഴിയപകടങ്ങളില്‍ തുണയായി ഈ ദമ്പതിമാര്‍

2009-06-22T14:38:00.002+04:00

മലയാള മനോരമ ഡോകുമെന്ടരി മത്സരം - ഗ്രീന്‍സ് 09

2009-06-17T12:47:00.001+04:00

നിങ്ങള്‍ പറയൂ - മലയാളം മരിക്കുകയാണോ?

2009-06-16T17:04:00.002+04:00

നിങ്ങള്‍ പറയൂ - മലയാളം മരിക്കുകയാണോ?

വന്ധ്യതാ ചികിത്സയില്‍ നൂതന മാര്‍ഗവുമായി മലയാളി ഡോക്ടര്‍

2009-06-14T09:25:00.001+04:00

വന്ധ്യതാ ചികിത്സയില്‍ നൂതന മാര്‍ഗവുമായി മലയാളി ഡോക്ടര്‍

ബാംഗ്ലൂര്‍: വിവാഹം കഴിഞ്ഞിട്ട്‌ വര്‍ഷങ്ങള്‍ കഴിഞ്ഞിട്ടും ഒരു കുഞ്ഞിക്കാലുകാണാന്‍ കഴിയാത്ത ദമ്പതിമാര്‍ക്ക്‌ പ്രതീക്ഷയുടെ പുതിയ ചികിത്സാരീതിയുമായി എത്തുകയാണ്‌ ഡോ. എസ്‌.കെ. ശ്രീകുമാര്‍. പോള്‍സ്‌കോപ്പ്‌ ഉപയോഗിച്ചുള്ള കൃത്രിമബീജസങ്കലനവിദ്യയാണ്‌ എറണാകുളം ജില്ലയിലെ ആലുവ സ്വദേശിയായ ഈ വന്ധ്യതാ നിവാരണവിദഗ്‌ധന്റെ പുതിയ ആയുധം. ഇതിലൂടെ ഗര്‍ഭം ധരിച്ച്‌, ദക്ഷിണേന്ത്യയില്‍ ആദ്യത്തെ കുഞ്ഞ്‌ 2009 മെയ്‌ 6ന്‌ ബാംഗ്ലൂരിലെ ചെറിഷ്‌ സെന്റര്‍ ഫോര്‍ റീപ്രൊഡക്ടീവ്‌ മെഡിസിന്‍ ആന്‍ഡ്‌ ഫെര്‍ട്ടിലിറ്റിയില്‍ പിറന്നു. തിരുവനന്തപുരം സ്വദേശിനിയായ സുനിതയ്‌ക്ക്‌ സിസേറിയനിലൂടെ പിറന്ന ആരോഗ്യവതിയായ കുട്ടിക്ക്‌ ഇപ്പോള്‍ പ്രായം ഒരു മാസവും ആറുദിവസവും.

മൈസൂര്‍ സര്‍വകലാശാലയില്‍നിന്ന്‌ എം.ബി.ബി.എസും എം.ഡി.യും കഴിഞ്ഞ ഈ വിദഗ്‌ധന്‍ വന്ധ്യതാ ചികിത്സയില്‍ ഡോക്ടറേറ്റ്‌ നേടിയത്‌ ജര്‍മനിയില്‍നിന്നാണ്‌ കുറച്ചുകാലം ഇംഗ്ലണ്ടില്‍ ജോലിചെയ്‌തശേഷം ഇന്ത്യയിലെത്തിയ ഇദ്ദേഹം പന്ത്രണ്ടുവര്‍ഷംകൊണ്ട്‌ മൂവായിരത്തോളം പേര്‍ക്ക്‌ സന്താനസൗഭാഗ്യം നേടിക്കൊടുത്തു. കേരളത്തില്‍ ആദ്യമായി ടെസ്റ്റ്‌ട്യൂബിലൂടെ ഇരട്ടക്കുട്ടികള്‍ പിറന്നതും ഈ യുവാവിന്റെ നേതൃത്വത്തിലായിരുന്നു.

2003 മുതല്‍ അമേരിക്കയിലും യൂറോപ്പിലും പോള്‍ സ്‌കോപ്പ്‌ ഉപയോഗിച്ചുള്ള കൃത്രിമ ബീജസങ്കലനം പ്രയോഗത്തിലുണ്ട്‌. ഇന്ത്യയില്‍ ഇത്‌ വിജയകരമായി പരീക്ഷിക്കുന്നത്‌ മുംബൈയിലെ ലീലാവതി ആസ്‌പത്രിയിലാണ്‌.

ഉയര്‍ന്ന ശേഷിയുള്ള ഇലക്‌ട്രോണിക്‌ മൈക്രോസ്‌കോപ്പിനൊപ്പം വളരെ സൂക്ഷ്‌മമായ വസ്‌തുക്കളെപ്പോലും നിരീക്ഷിക്കാന്‍ കഴിയുന്ന ക്യാമറകൂടി ഘടിപ്പിച്ച ഉപകരണമാണ്‌ പോള്‍സ്‌കോപ്പ്‌.

സ്‌ത്രീയുടെ അണ്ഡം പുറത്തെടുത്ത്‌ അതില്‍ ബീജാണുവിനെ കുത്തിവെക്കുകയാണ്‌ കൃത്രിമബീജസങ്കലനത്തില്‍ അവലംബിക്കുന്ന രീതി. ബീജാണുവിനെ അണ്ഡത്തിലേക്ക്‌ കുത്തിവെക്കുമ്പോള്‍ അണ്ഡത്തിലെ ഏറ്റവും നിര്‍ണായകമായ 'സ്‌പിന്‍ഡില്‍' എന്ന ഭാഗം താറുമാറായിപ്പോകാറുണ്ട്‌. ഇത്തരം അണ്ഡം ഗര്‍ഭപാത്രത്തില്‍ തിരിച്ചുനിക്ഷേപിക്കുമ്പോള്‍ വളരുകയുമില്ല.

പോള്‍സ്‌കോപ്പിലൂടെ നിരീക്ഷിച്ചുകൊണ്ട്‌ ബീജത്തെ അണ്ഡത്തിലേക്ക്‌ കുത്തിവെക്കുമ്പോള്‍ സ്‌പിന്‍ഡിലിന്‌ തകരാറുപറ്റാനുള്ള സാധ്യത 99 ശതമാനം കുറയുമെന്ന്‌ ഡോ. ശ്രീകുമാര്‍ പറയുന്നു. മാത്രമല്ല, ഗര്‍ഭധാരണ സാധ്യത അണ്ഡത്തിന്റെ ഗുണനിലവാരത്തെയും സ്‌പിന്‍ഡിലിന്റെ കരുത്തിനെയും ആശ്രയിച്ചിരിക്കുന്നതിനാല്‍ ആരോഗ്യമുള്ള അണ്ഡം തിരഞ്ഞെടുക്കാനും പോള്‍സ്‌കോപ്പിലൂടെ കഴിയും. അതുകൊണ്ടുതന്നെ ഈ രീതി പിന്തുടരുമ്പോള്‍ ഗര്‍ഭധാരണസാധ്യത നൂറുശതമാനത്തിനടുത്താണെന്നും അദ്ദേഹം ചൂണ്ടിക്കാട്ടുന്നു. ചികിത്സാച്ചെലവ്‌ കുറയുമെന്നും ഡോക്ടര്‍ പറഞ്ഞു. ഒരു വര്‍ഷത്തോളം നീണ്ട പരീക്ഷണങ്ങള്‍ക്കും നിരീക്ഷണങ്ങള്‍ക്കുമൊടുവില്‍ പുതിയ രീതിയിലൂടെ ഒരു കുഞ്ഞിനെ സൃഷ്ടിച്ചെടുക്കാന്‍ കഴിഞ്ഞതിന്റെ ചാരിതാര്‍ഥ്യത്തിലാണ്‌ വന്ധ്യതാചികിത്സ ഏറ്റവും വലിയ പുണ്യമാണെന്ന്‌ വിശ്വസിക്കുന്ന ഡോക്ടര്‍ ശ്രീകുമാര്‍.

ബാംഗ്ലൂരിലെ കോറമംഗലയിലാണ്‌ ഇപ്പോള്‍ താമസം. ഗായത്രിയാണ്‌ ഭാര്യ. രണ്ട്‌ മക്കളുണ്ട്‌- രാഹുലും ശേഖറും.

ബിജുരാജ്‌
http://www.mathrubhumi.com/php/newFrm.php?news_display=previous&news_id=1232982&n_type=HO&category_id=4&Farc=&previous=Y

ജനസുരക്ഷാ പദ്ധതി - ജനങ്ങളാല്‍ ജനങ്ങള്‍ക്കുവേണ്ടി ഉള്ള ഒരു സംരംഭം

2009-06-13T16:14:00.003+04:00

ജനസുരക്ഷാ പദ്ധതി

http://www.manoramaonline.com/advt/Weekly/Janasuraksha/index.htm

കേരള പോലീസും മലയാള മനോരമ വീക്കിലിയും ഒത്തു ചേര്‍ന്ന് - ജനങ്ങളാല്‍ ജനങ്ങള്‍ക്കുവേണ്ടി ഉള്ള ഒരു സംരംഭം

അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിച്ചു

2009-06-11T17:58:00.002+04:00

അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിച്ചു

Author : - സ്വന്തം ലേഖകന്‍ www.irinjalakuda.com

സി.പി.ഐ നേതാവും പ്രമുഖ അഭിഭാഷകനുമായിരുന്ന കെ.ആര്‍.തമ്പാനെ ഇരിങ്ങാലക്കുടയില്‍ അനുസ്‌മരിച്ചു. ഒന്നാം ചരമവാര്‍ഷികദിനത്തില്‍ ഗായത്രി ഹാളില്‍ ചേര്‍ന്ന അനുസ്‌മരണ സമ്മേളനവും അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റും കെ.ഇ.ഇസ്‌മയില്‍ എം.പി ഉദ്‌ഘാടനം ചെയ്‌തു. എ.കെ.ചന്ദ്രന്‍ എം.എല്‍.എ അനുസ്‌മരണ പ്രഭാഷണം നടത്തി. കെ.ആര്‍.തമ്പാന്‍ സ്‌മാരക പ്രഭാഷണം, കെ.ആര്‍.തമ്പാന്‍ പ്രഭാത്‌ എന്‍ഡോവ്‌മെന്റ്‌ വിതരണം, കെ.ആര്‍.തമ്പാന്‍ റോഡ്‌ സമര്‍പ്പണം, സ്‌മരണിക പ്രഭാഷണം എന്നിവ പരിപാടിയോടനുബന്ധിച്ച്‌ നടന്നു. സി.പി.ഐ. ജില്ലാ എക്‌സിക്യുട്ടീവ്‌ അംഗം കെ.ശ്രീകുമാര്‍ അദ്ധ്യക്ഷനായി. പ്രൊഫ.പി.എ.വാസുദേവന്‍, നഗരസഭാ ചെയര്‍മാന്‍ എം.പി.ജാക്‌സണ്‍, സി.പി.ഐ ജില്ലാ സെക്രട്ടറി സി.എന്‍.ജയദേവന്‍, കെ.വി.രാമനാഥന്‍, അഡ്വ.രഞ്‌ജിത്ത്‌ തമ്പാന്‍, അഡ്വ.എ.ജയശങ്കര്‍, അഡ്വ.ടി.രവീന്ദ്രന്‍ തുടങ്ങി വിവിധ മേഖലകളിലെ പ്രമുഖര്‍ പങ്കെടുത്തു. സി.പി.ഐ. ഇരിങ്ങാലക്കുട മണ്ഡലകമ്മിറ്റിയുടെയും അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റിന്റെയും സംയുക്താഭിമുഖ്യത്തിലായിരുന്നു അനുസ്‌മരണ പരിപാടികള്‍. ഇരിങ്ങാലക്കുടയിലെ യുവകലാസാഹിതിയും ഇന്ത്യന്‍ അസോസിയേഷന്‍ ഓഫ്‌ ലോയേഴ്‌സും സഹസംഘാടകരായിരുന്നു.

വേണം പ്രവാസ്സിക്കും വോട്ടവകാശം?

2009-06-11T14:46:00.003+04:00

അക്കൌണ്ട്സ്‌ & ടാക്സ്‌ സീനിയര്‍ പ്രാക്ടീഷണര്‍ എടക്കുളത്തൂറ്‍ ജോണ്‍ മൈക്കള്‍ അന്തരിച്ചു

2009-06-10T08:26:00.002+04:00

അക്കൌണ്ട്സ്‌ & ടാക്സ്‌ സീനിയര്‍ പ്രാക്ടീഷണര്‍ എടക്കുളത്തൂറ്‍ ജോണ്‍ മൈക്കള്‍ അന്തരിച്ചു

Author : - സ്വന്തം ലേഖകന്‍ www.irinjalakuda.com

മൈക്കള്‍ & കമ്പനി അക്കൌണ്ട്സ്‌ & ടാക്സ്‌ സീനിയര്‍ പ്രാക്ടീഷണറും ക്രൈസ്റ്റ്‌ കോളേജ്‌ ഇരിങ്ങലക്കുട അലുമിനി യു.എ.ഇ ചാപ്റ്റര്‍ പ്രസിഡണ്റ്റ്‌ ഫ്രാന്‍സണ്‍ മൈക്കളിണ്റ്റെ പിതാവുമായ എടക്കുളത്തൂറ്‍ ജോണ്‍ മൈക്കള്‍ അന്തരിച്ചു. ചൊവ്വാഴ്ച്ച രാവിലെ ൮.൩൦ നായിരുന്നു മരണം. ഭാര്യ ആലീസ്‌, മക്കള്‍ ജോണ്‍സണ്‍(ആസ്ട്രേലിയ), ഫ്രാന്‍സണ്‍ (ദുബായ്‌), അഡ്വ. തോംസണ്‍ മൈക്കള്‍, പോള്‍സണ്‍ (ബഹറിന്‍), കൊച്ചുറാണി (ജെറുസലേം റിട്രീറ്റ്‌ സെണ്റ്റര്‍, തലൂറ്‍), ഷൈനി വിന്‍സണ്റ്റ്‌ (ഡി.എന്‍.എ.ടി.എ, ദുബായ്‌), റൊസ്‌ മോള്‍ (ഷാര്‍ജ), പ്രിയ സജി (ദുബായ്‌), ലൂക്സണ്‍. ശവസംസ്ക്കാരം വെള്ളിയാഴ്ച്ച സെണ്റ്റ്‌ തോമസ്‌ കത്തീഡ്രലില്‍ നടക്കും.

അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിക്കുന്നു

2009-06-09T07:15:00.002+04:00

അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിക്കുന്നു

Author : - സ്വന്തം ലേഖകന്‍ www.irinjalakuda.com

സി.പി.ഐ നേതാവും പ്രമുഖ അഭിഭാഷകനുമായിരുന്ന കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍അനുസ്‌മരിക്കുന്നു. സി.പി.ഐ. ഇരിങ്ങാലക്കുട മണ്ഡലകമ്മിറ്റിയുടെയും അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റിന്റെയും സംയുക്താഭിമുഖ്യത്തിലാണ്‌ ജൂണ്‍ 11ന്‌ ചരമവാര്‍ഷികദിനം ആചരിക്കുന്നത്‌. ഇരിങ്ങാലക്കുടയിലെ യുവകലാസാഹിതിയും ഇന്ത്യന്‍ അസോസിയേഷന്‍ ഓഫ്‌ ലോയേഴ്‌സും സഹസംഘാടകരാണ്‌. 11ന്‌ ഉച്ചതിരിഞ്ഞ്‌ മൂന്നിന്‌ ഇരിങ്ങാലക്കുട ഗായത്രി ഹാളില്‍ അനുസ്‌മരണ സമ്മേളനത്തില്‍ കെ.ഇ.ഇസ്‌മയില്‍ എം.പി അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റിന്റെ ഉദ്‌ഘാടനം നിര്‍വ്വഹിക്കും. എ.കെ.ചന്ദ്രന്‍ എം.എല്‍.എ അനുസ്‌മരണ പ്രഭാഷണം നടത്തും. കെ.ആര്‍.തമ്പാന്‍ സ്‌മാരക പ്രഭാഷണം, കെ.ആര്‍.തമ്പാന്‍ പ്രഭാത്‌ എന്‍ഡോവ്‌മെന്റ്‌ വിതരണം, കെ.ആര്‍.തമ്പാന്‍ റോഡ്‌ സമര്‍പ്പമം, സ്‌മരണിക പ്രഭാഷണം എന്നിവ പരിപാടിയോടമുബന്ധിച്ച്‌ നടക്കും. സി.പി.ഐ. ജില്ലാ എക്‌സിക്യുട്ടീവ്‌ അംഗം കെ.ശ്രീകുമാര്‍ അദ്ധ്യക്ഷനാകും. പ്രൊഫ.പി.എ.വാസുദേവന്‍, നഗരസഭാ ചെയര്‍മാന്‍ എം.പി.ജാക്‌സണ്‍, സി.പി.ഐ ജില്ലാ സെക്രട്ടറി സി.എന്‍.ജയദേവന്‍, കെ.വി.രാമനാഥന്‍, അഡ്വ.രഞ്‌ജിത്ത്‌ തമ്പാന്‍, അഡ്വ.എ.ജയശങ്കര്‍, അഡ്വ.ടി.രവീന്ദ്രന്‍ തുടങ്ങിവിവിധ മേഖലകളിലെ പ്രമുഖര്‍ പങ്കെടുക്കും. ദിനാചരമ പരിപാടികള്‍ക്ക്‌ നേതൃത്വം നല്‍കുന്ന കെ.ശ്രീകുമാര്‍, ടി.കെ.സുധീഷ്‌, എം.ടി.വര്‍ഗീസ്‌, രാജേഷ്‌ തമ്പാന്‍ എന്നിവര്‍ വാര്‍ത്താ സമ്മേളനത്തില്‍ പരിപാടികള്‍ വിശദീകരിച്ചു.

ഗുരുവായൂര്‍ ആനക്കോട്ടയിലെ വിസ്സര്‍ജ്യം കടലാസ്സാക്കി മാറ്റാമെന്ന് കണ്ടെത്തല്‍

2009-06-08T13:21:00.003+04:00

ആശംസകളും അഭിവാദനങ്ങളും.....

നഷ്ടപ്പെട്ട മൊബൈലിന്റെ സുരക്ക്ഷക്ക് സോഫ്റ്റ്‌വെയര്‍

2009-06-08T13:16:00.002+04:00

കൊരമ്പ്‌ മൃദംഗ പഠന ക്യാമ്പ്‌ അവസാനിച്ചു.

2009-06-03T13:51:00.001+04:00

കൊരമ്പ്‌ മൃദംഗ പഠന ക്യാമ്പ്‌ അവസാനിച്ചു.

കൊരമ്പ്‌ മൃദംഗ പഠന ക്യാമ്പ്‌ അവസാനിച്ചു.
Author : - സ്വന്തം ലേഖകന്‍ http://www.irinjalakuda.com/
ഇരിങ്ങാലക്കുട കൊരമ്പ്‌ മൃദംഗ കളരിയുടെ ആഭിമുഖ്യത്തില്‍ നടന്ന 14ദിവസം നീണ്ടുനിന്ന മൃദംഗ പഠന ക്യാമ്പ്‌ അവസാനിച്ചു. 90ഓളം വിദ്യാര്‍ത്ഥികള്‍ പങ്കെടുത്ത ഈ മൃദംഗ പഠന ക്യാമ്പ്‌ 70തോളം വിദ്യാര്‍ത്ഥി വിദ്യാര്‍ത്ഥിനികള്‍ ചേര്‍ന്ന്‌ അവതരിപ്പിച്ച മൃദംഗമേളയോടുകൂടിയാണ്‌ ക്യാമ്പ്‌ അവസാനിച്ചത്‌. സിംഗപ്പൂര്‍, മലേഷ്യ, അമേരിക്ക എന്നീ രാജ്യങ്ങളിലുള്ളവര്‍ ഓണ്‍ ലൈന്‍ വഴിയും ലൈവായി മൃദംഗമേള ആസ്വദിച്ചു.

നിങ്ങള്‍ പറഞ്ഞത് - പ്രവാസിക്ക് വോട്ടവകാശം വേണോ?

2009-06-02T13:44:00.001+04:00

നിങ്ങള്‍ പറഞ്ഞത് -

പ്രിയ സുഹൃത്തുക്കളെ,

പ്രവാസിക്ക് വോട്ടവകാശം വേണോ എന്നാ ചോദ്യത്തിന് :

വേണം 27 പേര്‍
വേണ്ട 3 പേര്‍ മറുപടി പറഞ്ഞു.

ഇത് ഒരു ചെറിയ തുടക്കം മാത്രമാണ്. ഇങ്ങനെ ഒരു പെറ്റിഷന്‍ ഹൈ കോര്‍ട്ടില്‍ കൊടുക്കാന്‍ സമയവും സന്ദര്‍ഭവും സാമ്പത്തികവും കണ്ടെത്തിയ സിഹാസ് ബാബുവിന് എല്ലാ വിധ സഹകരണങ്ങളും നേര്‍ന്നു കൊള്ളുന്നു.

ഇത് ഇവിടെ അവസ്സനിപ്പിക്കാതെ, ഈ വിഷയത്തില്‍ - മലയാളികളുടെ മാത്രമല്ല - മറ്റെല്ലാ പ്രവാസ്സികളുടെയും ജനശ്രദ്ധ നിലനിര്‍ത്തി - രാഷ്ട്രീയതാല്‍പര്യങ്ങളില്‍ ഒതുങ്ങി നില്‍ക്കാത്ത രാഷ്ട്ര താല്പര്യം ഒന്ന് മാത്രം ചിന്തിച്ചു കൊണ്ടുള്ള ഒരു ചലനത്തിന്റെ മുന്നോടി ആവട്ടെ അദ്ധേഹത്തിന്റെ ഈ ഉദ്യമം.

സംഘടനകളെ സന്ഘടിതാക്കളെ ഒരുമയോടെ സംഘടിച്ചു എല്ലാ പ്രവസ്സികള്‍ക്കും വേണ്ടിയുള്ള ഒരു മലയാളിയുടെ ഉധ്യമത്തിനു നിങ്ങളുടെ തനതായ രീതിയില്‍ ഉള്ള അഭിപ്രായ ഐക്യം പ്രകടിപ്പിക്കൂ.

ഇനിയും ഈ ചര്‍ച്ചയില്‍ പങ്കെടുക്കാത്തവര്‍ക്ക് അവസ്സരം നഷ്ടപ്പെട്ടിട്ടില്ല. നിങ്ങളുടെ അഭിപ്രായം yes or no പറയാന്‍ അവസ്സരം Team 1 Dubai ബ്ലോഗില്‍ ഉണ്ട്.

പങ്കെടുക്കു, നമ്മള്‍ക്ക് ഇനിയും ഒരുപാട് ദൂരം മുന്നോട് ഒരുമയോടെ യാത്ര ചെയ്യാന്‍ ഉണ്ട്.

സസ്നേഹം രമേശ്‌ മേനോന്‍

Visit: www.http://team1dubai.blogspot.com/2009/05/nri-fights-for-voting-rights.html

Participate in the poll and express your opinion - yes/no
This is a great move by a malayali for all the NRIs. Support him in your own way.
We have to travel together a long way from hereon

പ്രവാസി ഇന്ത്യക്കാര്‍ക്ക് വോട്ടവകാശത്തിനുള്ള ഹര്‍ജിയില്‍ നോട്ടീസ്

2009-05-28T20:52:00.004+04:00

പ്രവാസിക്ക് വോട്ടവകസ്ത്തിനായുള്ള ഈ ഹര്‍ജിയെ നിങ്ങള്‍ അനുകൂലിക്കുന്നുവോ? പ്രവാസിക്ക് വോട്ടവകാശം വേണോ?

ഇടതു ഭാഗത്തുള്ള പോള്ളില്‍ പങ്കെടുത്തു നിങ്ങളുടെ നയം വ്യക്തമാക്കൂ

നിങ്ങള്‍ പറയൂ

വേണം
വേണ്ട

ഉന്നത വിജയത്തിന്റെ സന്തോഷത്തില്‍ സത്യവാഗീശ്വര്‍

2009-05-27T11:15:00.002+04:00

ഉന്നത വിജയത്തിന്റെ സന്തോഷത്തില്‍ സത്യവാഗീശ്വര്‍

കൊച്ചി: സി.ബി.എസ്‌.ഇ. പത്താംക്ലാസ്‌ പരീക്ഷാഫലം വന്നപ്പോള്‍ പനമ്പള്ളി നഗറിലെ 'ഗുരുകൃപ'യില്‍ സന്തോഷം നിറഞ്ഞു. ഇവിടത്തെ കൊച്ചുമിടുക്കന്‍ സത്യവാഗീശ്വര്‍ സി.ബി.എസ്‌.ഇ. ചെന്നൈ റീജണില്‍ ഒന്നാംസ്ഥാനത്തെത്തി. 492 മാര്‍ക്ക്‌ (98.4 ശതമാനം) നേടിയ സത്യവാഗീശ്വര്‍ ഗിരിനഗര്‍ ഭവന്‍സ്‌ വിദ്യാമന്ദിറിലെ വിദ്യാര്‍ത്ഥിയാണ്‌.

ചെന്നൈ റീജണില്‍ ഉന്നത വിജയം നേടി എന്നറിഞ്ഞപ്പോള്‍ വിശ്വസിക്കാനായില്ലെന്ന്‌ സത്യവാഗീശ്വര്‍ പറഞ്ഞു. 490 മാര്‍ക്ക്‌ പ്രതീക്ഷിച്ചിരുന്നു. ഇപ്പോള്‍ മനംനിറയെ സന്തോഷവും അധ്യാപകരോടും മാതാപിതാക്കളോടുമുള്ള കടപ്പാടുമാണ്‌ - സത്യ പറയുന്നു. സയന്‍സാണ്‌ ഇഷ്ടവിഷയം. ആസ്‌ട്രോ സയന്‍സില്‍ റിസര്‍ച്ച്‌ ചെയ്യണമെന്നാണ്‌ ആഗ്രഹം.

സയന്‍സിനും സോഷ്യലിനും 97ഉം കണക്കിനും ഇംഗ്ലീഷിനും 99ഉം സംസ്‌കൃതത്തിന്‌ 100 മാര്‍ക്കും വാങ്ങി എല്ലാ വിഷയത്തിനും 'എ-1' കരസ്ഥമാക്കി. നല്ലൊരു വയലിന്‍ പ്രതിഭകൂടിയാണ്‌ സത്യ. ഭവന്‍സ്‌ യുവജനോത്സവത്തില്‍ നിരവധി പുരസ്‌കാരങ്ങള്‍ ലഭിച്ചിട്ടുണ്ട്‌. 2007ലെ എന്‍.സി.ഇ.ആര്‍.ടി.യുടെ നാഷണല്‍ ടാലന്റ്‌ സെര്‍ച്ച്‌ പരീക്ഷയിലൂടെ സത്യക്ക്‌ പിഎച്ച്‌ഡിവരെയുള്ള സ്‌കോളര്‍ഷിപ്പ്‌ ലഭിച്ചിട്ടുണ്ട്‌.

ചെന്നൈ റീജണില്‍ ഏറ്റവും ഉയര്‍ന്ന മാര്‍ക്ക്‌ സത്യവാഗീശ്വറിനാണെന്ന്‌ പ്രിന്‍സിപ്പല്‍ നിര്‍മല വെങ്കിടേശ്വരന്‍ പറഞ്ഞു. എറണാകുളം സ്വദേശിയായ എസ്‌. സുബ്രഹ്മണ്യന്റെയും ഹേമ സുബ്രഹ്മണ്യന്റെയും ഏക മകനാണ്‌ സത്യവാഗീശ്വര്‍.

നൂറുശതമാനം വിജയം

2009-05-27T11:12:00.001+04:00

നൂറുശതമാനം വിജയം

പാലക്കാട്‌: സി.ബി.എസ്‌.ഇ. പരീക്ഷയില്‍ കല്ലേക്കാട്‌ വ്യാസവിദ്യാപീഠം 100 ശതമാനം വിജയം നേടി. 99 പേര്‍ പരീക്ഷയ്‌ക്കിരുന്നതില്‍ 51 ഡിസ്റ്റിങ്‌ഷനും 34 ഫസ്റ്റ്‌ക്ലാസും നേടി. പത്തിരിപ്പാല: പത്തിരിപ്പാല സേവാസദന്‍ സെന്‍ട്രല്‍ സ്‌കൂള്‍ സി.ബി.എസ്‌.ഇ. പരീക്ഷയില്‍ 100 ശതമാനം വിജയം നേടി. 88 ശതമാനം പേര്‍ക്ക്‌ ഡിസ്റ്റിങ്‌ഷനും ബാക്കി ഫസ്റ്റ്‌ക്ലാസും നേടി. പാലക്കാട്‌: സി.ബി.എസ്‌.ഇ. പത്താം ക്ലാസ്‌ പരീക്ഷയില്‍ ഹോളി ട്രിനിറ്റി സ്‌കൂള്‍ നൂറുശതമാനം വിജയം നേടി. പരീക്ഷയെഴുതിയ 56 വിദ്യാര്‍ഥികളില്‍ 38 പേര്‍ക്ക്‌ ഡിസ്റ്റിങ്‌ഷനും 15 പേര്‍ക്ക്‌ ഫസ്റ്റ്‌ക്ലാസും മൂന്ന്‌ സെക്കന്‍ഡ്‌ക്ലാസും ലഭിച്ചു. പാലക്കാട്‌: സി.ബി.എസ്‌.ഇ. പത്താം ക്ലാസ്‌ പരീക്ഷയില്‍ കല്‌പാത്തി റോസി മോഡേണ്‍ ഇംഗ്ലീഷ്‌ മീഡിയം സ്‌കൂളും വടക്കഞ്ചേരി അഞ്ചുമൂര്‍ത്തി മംഗലം റോസി ഇംഗ്ലീഷ്‌ മീഡിയം സ്‌കൂളും നൂറുശതമാനം നേടി.

മലയാളം സംസാരിച്ചത് കൊണ്ട് ജോലിയില്‍ നിന്ന് പുറത്താക്കും എന്ന നടപടി ശരിയാണോ?

2009-05-27T10:32:00.003+04:00

മലയാളം സംസാരിച്ചത് കൊണ്ട് ജോലിയില്‍ നിന്ന് പുറത്താക്കും എന്ന നടപടി ശരിയാണോ?

ഇടതു ഭാഗത്തുള്ള പോള്ളില്‍ പങ്കെടുത്തു നിങ്ങളുടെ നയം വ്യക്തമാക്കൂ

നിങ്ങള്‍ പറയൂ

ശരിയാണ്

ശരിയല്ല

ഒരു അഭിപ്രായവും ഇല്ല

അത് ആ ഹോസ്പിറ്റലിന്റെ സ്വന്തം കാര്യം

മാതൃഭാഷ സംസാരിച്ചതിന് ഡല്‍ഹിയില്‍ രണ്ടു മലയാളി നേര്‍സുമാര്‍ ജോലിനഷ്ട ഭീഷണിയില്‍

2009-05-26T14:41:00.003+04:00

ഇതിനു എന്താ ഒരു പോംവഴി?

പ്ലസ്‌ വണ്‍ അപേക്ഷകള്‍ ഈമാസം 27വരെ നല്‍കാം

2009-05-21T09:32:00.001+04:00

പ്ലസ്‌ വണ്‍ അപേക്ഷകള്‍ ഈമാസം 27വരെ നല്‍കാം
Author : - സ്വന്തം ലേഖകന്‍ www.irinjalakuda.com
പ്ലസ്‌ വണ്‍ പ്രവേശനത്തിന്‌ അപേക്ഷകള്‍ സമര്‍പ്പിക്കുന്നതിനുള്ള അവസാന തിയ്യതി ഈമാസം 27വരെ നീട്ടി. സി.ബി.എസ്‌.ഇ പരീക്ഷാഫലം വൈകിയതും എസ്‌.എസ.്‌എല്‍.സി. പുസ്‌തകം ലഭിക്കാന്‍ വൈകിയതുമാണ്‌ അപേക്ഷസമര്‍പ്പിക്കുന്നതിനുള്ള അവസാന തിയ്യതി ഈമാസം 27വരെ നീട്ടാന്‍ കാരണം. ഇതേ തുടര്‍ന്ന്‌ അലോട്ട്‌മെന്റ്‌ ഷെഡ്യൂളിലും മാറ്റംവരും.

ജനവിധി 2009

2009-05-16T12:01:00.002+04:00

തീര്‍ത്ഥക്കരയിലെ ചെമ്പടമേളം കൂടല്‍മാണിക്യത്തിന്റെ മാത്രം

2009-05-11T16:54:00.001+04:00

തീര്‍ത്ഥക്കരയിലെ ചെമ്പടമേളം കൂടല്‍മാണിക്യത്തിന്റെ മാത്രം

Author : - സ്വന്തം ലേഖകന്‍ www.irinjalakuda.com

ഇരിങ്ങാലക്കുട : പഞ്ചാരിമേളത്തിന്റെ പാല്‍ക്കടലില്‍ കുളിച്ചശേഷം തീര്‍ത്ഥക്കരയിലെ ചെമ്പടമേളവും ആളുകളില്‍ ആസ്വാദനത്തിന്റെ വര്‍ഷം ചൊരിയുന്ന കാഴ്‌ചയാണ്‌ കൂടല്‍മാണിക്യത്തില്‍. പതിനൊന്ന്‌ ദിവസത്തെ ഉത്സവത്തോടനുബന്ധിച്ച്‌ ഇരുപത്തിയൊന്ന്‌ ചെമ്പടമേളങ്ങളാണ്‌ ഇവിടെ കൊട്ടുന്നത്‌. ശീവേലിക്കും വിളക്കിനും ശേഷം അഞ്ചാം കാലം പടിഞ്ഞാറെ നടയില്‍ കൊട്ടിക്കലാശിക്കുന്നതോടെ മേളക്കാര്‍ രൂപകം കൊട്ടി നേരെ ചെമ്പടമേളത്തിലേക്ക്‌ കടക്കും. കുലീപനി തീര്‍ത്ഥക്കരയിലൂടെയാണ്‌ ചെമ്പടമേളം കടന്നുപോകുന്നത്‌. എന്നതിനാല്‍ തീര്‍ത്ഥക്കരമേളം എന്നപേരിലാണ്‌ ഇവിടത്തെ ചെമ്പടമേളം അറിയപ്പെടുന്നത്‌. ചുറ്റമ്പലത്തിന്റെ വടക്കേ വാതിലിനടുത്ത്‌ പ്രദക്ഷിണവഴിയില്‍ നടക്കുന്ന ചെമ്പടമേളം തട്ടകത്തിന്റെ വൈകാരിക മേളം കൂടിയാണ്‌. തൃശൂര്‍പൂരത്തിന്റെ ശില്‍പിയായ ശക്തന്‍തമ്പുരാന്‍ കൂടല്‍മാണിക്യം ഉത്സവവും രൂപകല്‍പ്പന ചെയ്‌തുവെന്നാണ്‌ വിശ്വാസം. ചെമ്പടമേളം കേള്‍ക്കാന്‍ അദ്ദേഹവും വടക്കേ തമ്പുരാന്‍ കോവിലകത്തിന്റെ പടിഞ്ഞാറേ ഇറയത്ത്‌ നില്‍ക്കാറുണ്ടായിരുന്നുവെന്ന്‌ പറയപ്പെടുന്നു. വിശാലമായ തീര്‍ത്ഥകുളത്തിന്റെ സമീപത്ത്‌ നടക്കുന്നതിനാല്‍ മേളത്തിന്റെ പ്രതിധ്വനി ദേശത്തെവിടെയും അലയടിച്ചുയരുന്നത്‌ പ്രത്യേക അനുഭവമാണ്‌. തീര്‍ത്ഥക്കര ചെമ്പടമേളകലാകാരന്മാര്‍ക്ക്‌ വൈദഗ്‌ധ്യം പ്രകടിപ്പിക്കാനുള്ള മത്സരവേദികൂടിയാണ്‌. ഇതിനാല്‍ പലപ്പോഴും ഇത്‌ തായമ്പകയുടെ സ്വാഭാവം കൈവരിക്കുന്നുവെന്നും പറയുന്നു. ഉരുട്ടുചെണ്ടയിലും വീക്കനിലും കേമന്‍മാരായ ചെണ്ടക്കാരുടെ പ്രാഗത്‌്‌ഭ്യം ആസ്വാദക ശ്രദ്ധ പിടിച്ചുപറ്റുന്നതും തീര്‍ത്ഥക്കര മേളത്തിനിടയിലാണ്‌. പടിഞ്ഞാറേനടയില്‍ പഞ്ചാരി അവസാനിച്ചാല്‍ മേളകലാകാരന്മാരുടെ എണ്ണം കുറയുന്നതുകൊണ്ട്‌ ഒരു വൃത്തത്തിന്റെ ആകൃതിയില്‍ തീര്‍ത്ഥക്കരയില്‍ നിരക്കുന്നതും കാഴ്‌ചയാണ്‌.

ഉത്സവം- ക്ഷേത്രകലകള്‍ക്ക്‌ ആസ്വാദകരേറെ

2009-05-11T16:51:00.002+04:00

ഉത്സവം- ക്ഷേത്രകലകള്‍ക്ക്‌ ആസ്വാദകരേറെ

Author : - സ്വന്തം ലേഖകന്‍ www.irinjalakuda.com

ഇരിങ്ങാലക്കുട : കൂടല്‍മാണിക്യം ക്ഷേത്രോത്സവത്തോടനുബന്ധിച്ച്‌ അരങ്ങേറുന്ന ക്ഷേത്രകലകള്‍ക്ക്‌ ആസ്വാദകരേറെയാണ്‌. രാവിലത്തെ ശീവേലി കഴിഞ്ഞാല്‍ ഉടന്‍ കിഴക്കേ നടപ്പുരയില്‍ ഓട്ടന്‍തുള്ളലും ശീതങ്കന്‍ തുള്ളലും അരങ്ങേറും.ഇതില്‍ കല്ല്യാണ സൗഗന്ധികവും, സഭാപ്രവേശവും, ഗരുഡ ഗര്‍വഭംഗവും തന്മയത്വത്തോടെ അവതരിപ്പിക്കുന്നത്‌ നന്തിപുലം പി.കെ.നീലകണ്‌ഠനും സംഘവുമാണ്‌. കല്യാണ സൗഗന്ധികത്തിലെ ഹാസ്യപ്രധാനങ്ങളായ സന്ദര്‍ഭങ്ങളെ അവതരിപ്പിക്കുമ്പോള്‍ കൂടി നില്‍ക്കുന്നവരില്‍ ചിരിപടരും. കൂത്തമ്പലത്തോട്‌ ചേര്‍ന്ന സന്ധ്യാവേല പന്തലില്‍ മദ്ദളപറ്റ്‌, കൊമ്പുപറ്റ്‌, നാദസ്വരം എന്നിവയും ആസ്വദിക്കേണ്ട കാഴ്‌ചയാണ്‌. കിഴക്കേ ഗോപുരനടയില്‍ ചെണ്ടയുടെ താളലയമായ തായമ്പകയും മികച്ചതുതന്നെ. സന്ധ്യാസമയത്ത്‌ കൂത്തമ്പലത്തില്‍ അമ്മന്നൂര്‍ കൂടിയാട്ട പാരമ്പര്യത്തിന്റെ പൈതൃകം വിളിച്ചോതുന്ന ചാക്യാര്‍കൂത്തു കാണാന്‍ ആളുകള്‍ അഴികള്‍ക്കുള്ളിലൂടെ ആകാംക്ഷയോടെ എത്തിനോക്കും.പടിഞ്ഞാറേ പ്രദക്ഷിണ വഴിയില്‍ അരങ്ങേറുന്ന പാഠകവും ആളുകളെ ചുറ്റും കൂടി നിര്‍ത്തും. തലയില്‍ ചുവപ്പു പട്ടുമായി കൊടുങ്ങല്ലൂര്‍ കോവിലകത്തെ നന്ദകുമാര്‍ രാജയാണ്‌ പാഠകം അവതരിപ്പിക്കുന്നത്‌. ഇതേസമയം നടക്കുന്ന പടിഞ്ഞാറെ നടപ്പുരയിലെ കുറത്തിയാട്ടവും ക്ഷേത്രത്തിലെത്തുന്നവര്‍ക്ക്‌ പ്രിയമാണ്‌.

മേളപ്രമാണത്തില്‍ നാലാം തവണയും ചെറുശ്ശേരി കുട്ടന്‍മാരാര്‍

2009-05-08T16:15:00.002+04:00

മേളപ്രമാണത്തില്‍ നാലാം തവണയും ചെറുശ്ശേരി കുട്ടന്‍മാരാര്‍
Author : - സ്വന്തം ലേഖകന്‍ http://www.irinjalakuda.com/

ചെറുശ്ശേരി കുട്ടന്‍മാരാരിന്റെ മേളപ്രമാണിത്വത്തില്‍ കൂടല്‍മാണിക്യം ക്ഷേത്രോത്സവത്തിന്റെ ശീവേലിക്ക്‌ കൊഴുപ്പേറി. നാലാം തവണയാണ്‌ സംഗമേശന്റെ മുന്നില്‍ പഞ്ചാരിമേളത്തിന്റെ അമരത്തില്‍ ചെറുശ്ശേരി കുട്ടന്‍മാര്‍ എത്തുന്നത്‌. ആദ്യശീവേലിക്ക്‌ തൃപ്രയകുളം അച്ചുതമാരാരായിരുന്നു നേതൃത്വം.

കൂടല്‍മാണിക്യം ക്ഷേത്രോത്സവം - ആദ്യശീവേലി ഇന്ന്‌

2009-05-07T13:06:00.002+04:00

കൂടല്‍മാണിക്യം ക്ഷേത്രോത്സവം - ആദ്യശീവേലി ഇന്ന്‌
Author : - സ്വന്തം ലേഖകന്‍ www.irinjalakuda.com

കൂടല്‍മാണിക്യം ക്ഷേത്രത്തില്‍ ആദ്യശീവേലിക്ക്‌ തുടക്കമായി. രാവിലെ തിടമ്പ്‌ എഴുന്നള്ളിച്ച്‌ ആറ്‌ പ്രദക്ഷിണം പൂര്‍ത്തിയാക്കിയശേഷം 17 ഗജവീരന്‍മാര്‍ അണിനിരന്ന കാഴ്‌ചശീവേലി ആരംഭിച്ചു. കിഴക്കേ നടയില്‍ ആരംഭിച്ച പഞ്ചാരിമളത്തിന്‌ തൃപ്പേക്കുളം അച്യുതമാരാര്‍ പ്രാമാണിത്വം വഹിച്ചു. 130 ഓളം കലാകാരന്‍മാരാണ്‌ പഞ്ചാരിമേളത്തിന്‌ അണിനിരന്നത്‌. കുട്ടന്‍കുളങ്ങര അര്‍ജ്ജുനന്‍ ഭഗാന്റെ തിടമ്പേറ്റി. രാവിലെ എട്ടരയോടെ ആരംഭിച്ച ശീവേലി പതിനൊന്നരയോടെ അവസാനിച്ചു.

കൊടിപ്പുറത്ത്‌ വിളക്കിന്‌ സംഗമേശനെഴുന്നളളി

2009-05-07T10:20:00.003+04:00

കൊടിപ്പുറത്ത്‌ വിളക്കിന്‌ സംഗമേശനെഴുന്നളളി
Author : - സ്വന്തം ലേഖകന്‍ www.irinjalakuda.com

ഭക്തിയുടെ നിറവില്‍ ആഘോഷങ്ങളുടെ ദിനങ്ങളിലേക്ക്‌ സംഗമേശന്‍ പുറത്തെഴുന്നളളിയതോടെ പ്രസിദ്ധമായ കൂടല്‍മാണിക്യക്ഷേത്രോത്സവത്തിലെ ആദ്യവിളക്ക്‌ നടന്നു. കൊടിപ്പുറത്ത്‌ വിളക്കിന്‌ ദേവന്‍ ആദ്യപ്രദക്ഷിണത്തിന്‌ സ്വന്തം കുട്ടിക്കൊമ്പനായ മേഘാര്‍ജ്ജുനന്റെ പുറത്തുകയറിയതോടെ പ്രസിദ്ധമായ പഞ്ചാരിയുടെ അകമ്പടിയില്‍ ഉത്സവമാരംഭിച്ചു. രാവിലെ മുതല്‍ വിവിധ ക്ഷേത്രചടങ്ങുകള്‍ക്കുശേഷം ശ്രീകോവിലില്‍ നിന്ന്‌ ദേവചൈതന്യത്തെ തിടമ്പിലേക്കാവാഹിച്ച്‌ ഈ വര്‍ഷത്തെ ഉത്സവത്തിന്‌ പുറത്തെഴുന്നളളിയപ്പോള്‍ തിരുനടയില്‍ ഭക്ത സഹസ്രങ്ങള്‍ തൊഴുത്‌ നിര്‍വൃതിയടഞ്ഞു. ഉത്സവത്തോടനുബന്ധിച്ചുളള കലാപരിപാടികള്‍ വൈകീട്ട്‌ സ്‌പെഷല്‍ പന്തലില്‍ ആരംഭിച്ചു. കാവാലം വിനോദിന്റെ സോപാനസംഗീതം, ഇരിങ്ങാലക്കുട നടനകൈശികിയുടെ നേതൃത്വത്തില്‍ മോഹിനിയാട്ടം, ചലചിത്രതാരം ബേബി മാളവികയും സുനില്‍ നെല്ലായിയും ചേര്‍ന്നവതരിപ്പിച്ച നൃത്തനൃത്ത്യങ്ങള്‍.

സംഗമേശനഗരിയില്‍ ഉത്സവലഹരി പരന്നു-കൊടിപ്പുറത്ത്‌ വിളക്ക്‌ ഇന്ന്‌

2009-05-06T18:28:00.002+04:00

സംഗമേശനഗരിയില്‍ ഉത്സവലഹരി പരന്നു-കൊടിപ്പുറത്ത്‌ വിളക്ക്‌ ഇന്ന്‌
Author : - സ്വന്തം ലേഖകന്‍ www.irinjalakuda.com

ആചാരപ്രകാരം വിവിധ ചടങ്ങുകള്‍ക്ക്‌ശേഷം ക്ഷേത്രം തന്ത്രി നഗരമണ്ണ്‌ ത്രിവിക്രമന്‍ നമ്പൂതിരി കൊടിയുയര്‍ത്തിയതോടെ സംഗമേശനഗരിയില്‍ പത്തു ദിവസത്തേക്ക്‌ ഉത്സവലഹരി പരന്നു. ഉത്സവാഘോഷങ്ങള്‍ക്കായി കൂടല്‍മാണിക്യസ്വാമി പുറത്തേക്കെഴുന്നള്ളുന്ന കൊടിപ്പുറത്ത്‌ വിളക്ക്‌ ബുധനാഴ്‌ച വൈകീട്ട്‌ ക്ഷേത്രത്തില്‍ നടക്കും. ഉത്സവദിനങ്ങളിലെ ഏറ്റവും ആകര്‍ഷകമായ പഞ്ചാരിയുടെ ആദ്യമേളത്തിന്‌ തുടക്കം കുറിക്കുന്നത്‌ കൊടിപ്പുറത്ത്‌ വിളക്കിനാണ്‌. ഉത്സവത്തിനുമാത്രമേ സംഗമേശന്‍ ശ്രീകോവിലിനുപുറത്തേക്ക്‌ എഴുന്നള്ളാറുള്ളു. സ്വന്തം ഗജവീരനായ മേഘാര്‍ജ്ജുനന്റെ പുറത്തായിരിക്കും ദേവന്റെ ആദ്യപ്രദക്ഷിണം തുടര്‍ന്നുള്ള പ്രദക്ഷിണങ്ങളില്‍ തിരുവമ്പാടി ശിവസുന്ദറാണ്‌ കൂടല്‍മാണിക്യസ്വാമിയുടെ തിടമ്പേറ്റുന്നത്‌. ഉത്സവദിനങ്ങളില്‍ മൂന്ന്‌ ഗജവീരന്മാരുടെ അകമ്പടിയോടെ ആദ്യത്തെ നാല്‌ പ്രദക്ഷിണം പൂര്‍ത്തിയാക്കി അഞ്ചാമത്തെ വിളക്കാചാരപ്രദക്ഷിണവും കഴിഞ്ഞ്‌ ആറാമത്തെ പ്രദക്ഷിണത്തിനാണ്‌ പതിനേഴ്‌ ഗജവീരന്മാര്‍ നിരക്കുന്ന കൂട്ടിയെഴുന്നള്ളിപ്പ്‌ നടക്കുക.

വീണ്ടും ദേവനെഴുന്നളളുമ്പോള്‍ തിടമ്പേറ്റാന്‍ മേഘാര്‍ജ്ജുനന്‍

2009-05-06T18:26:00.002+04:00

വീണ്ടും ദേവനെഴുന്നളളുമ്പോള്‍ തിടമ്പേറ്റാന്‍ മേഘാര്‍ജ്ജുനന്‍

Author : - സ്വന്തം ലേഖകന്‍ www.irinjalakuda.com

കഴിഞ്ഞ ഉത്സവകാലത്തിനുശേഷം ദേവനെ വീണ്ടും പുറത്തേക്കെഴുന്നളളിക്കാന്‍ മേഘാര്‍ജ്ജുനന്‍ ഇന്ന്‌ തിരുനടയിലെത്തും. ഉത്സവത്തിന്‌ മാത്രം ശ്രീകോവിലില്‍ നിന്ന്‌ പുറത്തെഴുന്നളളുന്ന ദേവന്‍ സ്വന്തം ആനപ്പുറത്തേ ആദ്യമെഴുന്നളളൂ എന്നതാണ്‌ ശ്രീകൂടല്‍മാണിക്യസ്വാമിയുടെ പ്രത്യേകത. കഴിഞ്ഞവര്‍ഷവും സംഗമേശനെ പുറത്തെഴുന്നളളിച്ചത്‌ സ്വന്തം മേഘാര്‍ജ്ജുനന്‍ തന്നെയാണ്‌. പത്തുദിവസത്തെ ഉത്സവലഹരിക്ക്‌ തിരികൊളുത്തുന്ന കൊടിപ്പുറത്ത്‌ വിളക്കിനായി ദേവന്‍ എഴുന്നളളിയാല്‍ ആദ്യപ്രദക്ഷിണത്തിന്‌ തിടമ്പേറ്റുന്നതിനുളള അവകാശം കുട്ടിയാണെങ്കിലും അത്‌ മേഘാര്‍ജ്ജുന്‌ തന്നെയാണ്‌. തുടര്‍ന്നുളള എഴുന്നളളിപ്പുകളില്‍ തിടമ്പേറ്റുന്നത്‌ ഗജരാജന്‍ തിരുവമ്പാടി ശിവസുന്ദറും. തിരുവമ്പാടി ചെറിയ ചന്ദ്രശേഖരന്‍, തിരുവമ്പാടി രാമഭദ്രന്‍, കുട്ടന്‍കുളങ്ങര അര്‍ജ്ജുനന്‍, ഈരാറ്റുപേട്ട അയ്യപ്പന്‍, തായംകാവ്‌ മണികണ്‌ഠന്‍, ചെമ്പൂത്ര ദേവീദാസന്‍, ചിറയ്‌ക്കല്‍ മഹാദേവന്‍, ചിറയ്‌ക്കല്‍ കാളിദാസന്‍, പാറന്നൂര്‍ നന്ദന്‍, പിതൃക്കോവില്‍ പാര്‍ത്ഥസാരഥി, പാറമേക്കാവ്‌ നാരായണന്‍, ശങ്കരംകുളങ്ങര മണികണ്‌ഠന്‍, ഗുരുവായൂര്‍ നന്ദന്‍, ഗുരുവായൂര്‍ കേശവന്‍കുട്ടി, ചെര്‍പ്പുളശ്ശേരി ശേഖരന്‍, പാമ്പാടി സുന്ദരന്‍, നായരമ്പലം രാമന്‍കുട്ടി, പളളത്താംകുളങ്ങര ഗിരീശന്‍, കൂറ്റനാട്‌ രാജശേഖരന്‍, പുതുപ്പളളി കേശവന്‍, പുതുപ്പളളി സാധു, മുളളത്ത്‌ ഗണപതി, ചിറയ്‌ക്കല്‍ ശിവന്‍, കുറ്റുമുക്ക്‌ അമ്പാടി എന്നീ ആനകളാണ്‌ കൂടല്‍മാണിക്യസ്വാമിയുടെ തിരുവുത്സവത്തിന്‌ ക്ഷേത്രത്തിലെത്തിയിരിക്കുന്നത്‌.

പത്തു ദിവസത്തെ തിരുവുത്സവത്തിന്റെ പ്രൗഢി ചമയങ്ങളില്‍ തെളിഞ്ഞു

2009-05-06T08:00:00.001+04:00

പത്തു ദിവസത്തെ തിരുവുത്സവത്തിന്റെ പ്രൗഢി ചമയങ്ങളില്‍ തെളിഞ്ഞു
Author : - സ്വന്തം ലേഖകന്‍ http://www.irinjalakuda.com/

ശ്രീ കൂടല്‍മാണിക്യം ക്ഷേത്രത്തിലെ തിരുവുത്സവത്തിനുള്ള ആനയലങ്കാരങ്ങള്‍ പ്രദര്‍ശിപ്പിച്ചു. മിനുക്കിയെടുത്ത നെറ്റിപട്ടങ്ങളും , കോലവും ആലവട്ട-വെഞ്ചാമരങ്ങളും നിരത്തിയപ്പോള്‍ ഉത്സവത്തിന്റെ പ്രൗഢി ചമയങ്ങളില്‍ തെളിഞ്ഞു. തുടര്‍ച്ചയായി ശീവേലിദിനങ്ങളില്‍ ഒരുങ്ങുന്ന ഗജവീരന്മാര്‍ക്കായുള്ള അലങ്കാരങ്ങളാണ്‌ പ്രദര്‍ശിപ്പിച്ചത്‌. ഇതില്‍ മൂന്നാനകള്‍ക്ക്‌ മാത്രമേ സ്വര്‍ണ്ണവര്‍ണ്ണത്തില്‍ തിളങ്ങുന്ന നെറ്റിപ്പട്ടമുള്ളത്‌ മറ്റുള്ളവര്‍ക്ക്‌ വെള്ളിപൂശിയ നെറ്റിപ്പട്ടങ്ങളാണ്‌ അണിയുക. ഗുരുവായൂര്‍, തൃശൂര്‍ പാറമേക്കാവ്‌ തുടങ്ങി നിരവധി ക്ഷേത്രോത്സവങ്ങള്‍ക്ക്‌ ചമയങ്ങളൊരുക്കിയിരുന്ന പുഷ്‌ക്കരനാണാണ്‌ ഒരു ദശകത്തിലേറെയായി കൂടല്‍മാണിക്യം തിരുവുത്സവത്തിനും ചമയങ്ങളൊരുക്കുന്നത്‌.

കൂടല്‍മാണിക്യം ക്ഷേത്രോത്സവത്തിന്‌ കൊടികയറി

2009-05-06T07:55:00.002+04:00

കൂടല്‍മാണിക്യം ക്ഷേത്രോത്സവത്തിന്‌ കൊടികയറി

കൂടല്‍മാണിക്യം ക്ഷേത്രോത്സവത്തിന്‌ കൊടികയറിAuthor : - സ്വന്തം ലേഖകന്‍ www.irinjalakuda.com
സംഗമപുരിയെ പത്ത്‌ ദിവസങ്ങള്‍ ഉത്സവലഹരിയിലാക്കി കൂടല്‍മാണിക്യം ക്ഷേത്രോത്സവത്തിന്‌ കൊടികയറി .രാത്രി 8 മണിക്കും 8.30 നും മദ്ധ്യേയാണ്‌ കൊടികയറിയത് ക്ഷേത്രം തന്ത്രി നഗരമണ്ണ്‌ മനക്കല്‍ ത്രിവിക്രമന്‍ നമ്പൂതിരി‌ കൊടിയേറ്റകര്‍മ്മം നിര്‍വഹിച്ചു.വൈകീട്ട്‌ ആചാര്യവരണം എന്ന ചടങ്ങോടെ കൊടിയേറ്റകര്‍മ്മങ്ങള്‍ ആരംഭം കുറിച്ചു.

ശ്രീ കൂടല്‍മാണിക്യം ക്ഷേത്രത്തില്‍ ശുദ്ധിക്രിയകള്‍ തുടങ്ങി.

2009-05-04T12:33:00.004+04:00

ശ്രീ കൂടല്‍മാണിക്യം ക്ഷേത്രത്തില്‍ ശുദ്ധിക്രിയകള്‍ തുടങ്ങി.
Author : - സ്വന്തം ലേഖകന്‍ http://www.irinjalakuda.com/

ശ്രീ കൂടല്‍മാണിക്യം ക്ഷേത്രോത്സവത്തിന്‌ മുന്നോടിയായുള്ള ശുദ്ധിക്രിയകള്‍ ക്ഷേത്രത്തില്‍ ആരംഭിച്ചു. പ്രസാദശുദ്ധിയാണ്‌ ആദ്യം നടന്നത്‌. ഗണപതി പൂജ നടത്തി ശ്രീകോവിലിന്റെ ഉള്ളിലും ഇടനാഴികളിലും പ്രസാദത്തിലും ശുദ്ധിവരുത്തി പൂജിച്ചു. ശ്രീകോവിലിന്‌ പുറത്ത്‌ ദേവന്റെ വലതുഭാഗത്ത്‌ രക്ഷോഘനഹോമം, വാസ്‌തുഹോമം, വാസ്‌തുബലി, വാസ്‌തുകലശപൂജ, എന്നിവ നടത്തി. തുടര്‍ന്ന്‌ വാസ്‌തു കലശങ്ങള്‍ ആടി പുണ്യാഹം നടത്തിയശേഷം അത്താഴപൂജ നടന്നു. ഞായറാഴ്‌ച രാവിലെ മണ്ഡപത്തില്‍ ചതുഃര്‍ശുദ്ധി പൂജിച്ച്‌ എതൃത്തപൂജയ്‌്‌ക്ക ദേവന്‌ അഭിഷേകം ചെയ്‌തു. ബിംബഗതമായിരിക്കുന്ന മാലിന്യങ്ങളെ വ്യത്തിയാക്കുന്നതിനായി നാല്‍പ്പാമരം, പുറ്റുമണ്ണ്‌, കദളിക്കായ, ചുണ്ടങ്ങ ചുടങ്ങിയ ദ്രവ്യങ്ങള്‍ നിറച്ച്‌ പൂജിക്കുന്ന നാലുകലശങ്ങളാണ്‌ ചതുഃര്‍ശുദ്ധി. ഉച്ചപൂജയ്‌ക്ക്‌ മുമ്പായി ദേവനെ നാലുവേദങ്ങളും സ്‌പതശുദ്ധി, ശ്രീരുദ്രം വിവിധ സൂക്തങ്ങള്‍ എന്നിവയോട്‌ പൂജിച്ച്‌ ജലധാര നടത്തി.

കൊരമ്പ് മൃദംഗ കളരിയുടെ ഏക ദിന മൃദംഗ കളരിയും മൃദംഗ മേളയും യു എ യി യില്‍

2009-05-04T10:02:00.015+04:00

കൊരമ്പ് മൃദംഗ കളരിയുടെ ഏക ദിന മൃദംഗ കളരിയും മൃദംഗ മേളയും യു എ യി യില്‍

കൊരമ്പ് മൃദംഗ കളരിയുടെ ഏക ദിന മൃദംഗ കളരിയും മൃദംഗ മേളയും യു എ യി യില്‍

ശുദ്ധ സംഗീതം താളബോധത്തോടെ ആസ്വദിക്കാനും അവതരിപ്പിക്കാനും ഉള്ള വാസന ജന്മസിദ്ധമായി ഏതു മനുഷ്യനിലും ഉള്ളതാണെന്നും അത് നമ്മളില്‍ ഒളിഞ്ഞിരിക്കുകയാണ് എങ്കില്‍ ഏറ്റവും ലളിതമായ രീതിയിലൂടെ പുറത്തു കൊണ്ട് വരാന്‍ നിഷ്പ്രയാസ്സം സാധിക്കും എന്നാ വസ്തുതയാണ് ഈയിടെ ഷാര്‍ജയില്‍ വച്ച് നടന്ന ഏകദിന മൃദംഗ കളരിയും മൃദംഗ മേളയും നമ്മള്‍ക്ക് മനസ്സില്ലാക്കി തന്നത്. യു എ യി യിലെ കലാസ്വാധകരുടെ ഇടയില്‍ ചരിത്രം സൃഷ്ടിച്ചു കൊണ്ട് യുവകലസാഹിതി ഷാര്‍ജയുടെ ആഭിമുഖ്യത്തില്‍ ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടന്ന ഈ നൂതന കാല അവിഷ്കാരത്തിന് നല്ല ജന സാന്നിധ്യവും പങ്കാളിത്തവും ഉണ്ടായി. കേവലം രണ്ടു മണിക്കൂര്‍നേരത്തെ മൃദംഗ പഠനം കൊണ്ട് ഒരു കൂട്ടം കൊച്ചു കലാകാരന്മാര്‍ 30 മിനിറ്റ് നീണ്ടു നിന്ന മൃദംഗ മേള അവതരിപ്പിച്ചത് ഏവര്‍ക്കും ഒരു പുതിയ അനുഭവമായി.

4 വയസ്സുള്ള അച്ചുതന്‍ ഉള്‍പ്പെടെ പങ്കെടുത്ത എല്ലാ കുട്ടികളും ഒത്തൊരുമയോടെ ഇത്രയും കുറച്ചു സമയത്തെ മൃദംഗ പഠനം കൊണ്ട് ജനരന്ജകമായ ഒരു ക്ലാസിക്കല്‍ കലാവിരുന്നു അവതരിപ്പിച്ചു ഏവരേയും വിസ്മയിപ്പിച്ചു.

കൊരമ്പ് മൃദംഗ കളരി ഡയറക്ടര്‍ വിക്രമന്‍ നമ്പൂതിരിയുടെ ശിക്ഷണത്തില്‍ ആണ് ഈ കൊച്ചു കലാകാരന്മാര്‍ മൃദംഗ മേള എന്നാ ഈ കലാ ആവിഷ്കാരത്തിന്റെ അരങ്ങേറ്റം യു എ യില്‍ അവതരിപ്പിച്ചു കൊണ്ട് ചരിത്രം കുറിച്ചത്. മൃദംഗം മാത്രം ഉപയോഗിച്ച് അവതരിപ്പിക്കുന്ന ഒരു മൃദംഗ മേള ഇത് ആദ്യമായി ആണ് ഗള്‍ഫ്‌ രാജ്യങ്ങളില്‍ നടത്തുന്നത്. കര്‍ണാടക വാദ്യോപകരണമായ മൃദംഗം സ്വതവേ തനിയാവര്തന കച്ചേരികളില്‍ നിന്ന് വ്യതിചലിച്ചു ഹിന്ദുസ്ഥാനി രീതിയും, കേരളത്തിലെ തനതായ മേളങ്ങളുടെ രീതിയും സമന്വയിപ്പിച്ച് കര്‍ണാടക സംഗീതത്തിലെ പ്രധാന താളങ്ങളില്‍ ഒന്നായ ആദി താളത്തില്‍ ആണ് മൃദംഗ മേള അവതരിപ്പിച്ചത്. ഈ പ്രത്യേക രീതിയിലുള്ള അവതരണം ഏവരേയും ആകര്‍ഷിച്ച് അതില്‍ പങ്കെടുത്ത എല്ലാ കൊച്ചു കലാകാരന്മാരുടെയും അവരുടെ മാതാപിതാക്കളുടെയും സന്തോഷത്തില്‍ നിന്ന് മനസ്സിലാക്കുവാന്‍ സാധിച്ചു.

കൊരമ്പ് മൃദംഗ കളരിയുടെ ആഭിമുഖ്യത്തില്‍ നടത്തുന്ന ഓണ്‍ലൈന്‍ മൃദംഗ പഠന ക്ലാസ്സുകളുടെ പ്രചാരണാര്‍ത്ഥം ആണ് ഈ കലാപരിപാടി യു എ യി ഇല്‍ അവതരിപ്പിച്ചത്.

കൊരമ്പ് മൃദംഗ കളരിയുടെ ആഭിമുഖ്യത്തില്‍ നടത്തുന്ന ഓണ്‍ലൈന്‍ മൃദംഗ പഠന ക്ലാസ്സുകളില്‍ ചേരാന്‍ താല്പര്യം ഉള്ള കലാകാരന്മാര്‍ അവരുടെ വെബ്‌ സൈറ്റ് http://www.mridganamela.com/ ഇല്‍ സന്ദര്‍ശിച്ചാല്‍ കൂടുതല്‍ വിവരങ്ങള്‍ അറിയുവാന്‍ കഴിയും.

ശ്രി. വിക്രമന്‍ നമ്പൂതിരിയെ വിലാസ്സം:

Vikraman Namboodiri
Korambu Mridanga Kalari
Irinjalakuda, 680 683
Kerala
India

Phone: 00 91 480 2833857

Mobile: 0091 93 49 855 088

e-mail: namarkiv@gmail.com

web site: http://www.mridangamela.com/

മൃദംഗ പഠന കളരിയും മൃദംഗ മേളയും

2009-04-30T11:56:00.003+04:00

മൃദംഗ പഠന കളരിയും മൃദംഗ മേളയും

Yuvakalasahithy Sharjah Unit Conducting Mridaga Patana Kalari and Mridangamela by
Sri. Vikraman Naboodiri At Sharjah Indian Association Conference Hall on 2nd May 2009 3 p.m onwards. For more information please contact 050-4978520

മൃദംഗനാദത്താല്‍ വിസ്‌മയം തീര്‍ത്ത്‌ ഇരിങ്ങാലക്കുടയിലെ കുട്ടികള്‍ ഗള്‍ഫ്‌‌നാടുകളില്‍

2009-04-29T14:40:00.002+04:00

മൃദംഗനാദത്താല്‍ വിസ്‌മയം തീര്‍ത്ത്‌ ഇരിങ്ങാലക്കുടയിലെ കുട്ടികള്‍ ഗള്‍ഫ്‌‌നാടുകളില്‍

Author : - സ്വന്തം ലേഖകന്‍ http://www.irinjalakuda.com/

ഗള്‍ഫുനാടുകളില്‍ മൃദംഗമേള അവതരിപ്പിക്കുന്നതിനായി ഇരിങ്ങാലക്കുടയിലെ കൊരമ്പ്‌ മൃദംഗ കളരിയിലെ എട്ടോളം കൊച്ചുകലാകാരന്‍മാര്‍ ഗള്‍ഫ്‌ നാടുകളില്‍ പര്യടനമാരംഭിച്ചു. 10 ദിവസം നീണ്ടുനില്‍ക്കുന്ന വിദേശയാത്രയില്‍ ഷാര്‍ജ, ദുബായ്‌, അബുദാബി എന്നിവിടങ്ങളിലായി അഞ്ചോളം സ്റ്റേജുകളില്‍ മൃദംഗമേള അവതരിപ്പിക്കുന്നുണ്ട്‌. കൊരമ്പ്‌ കളരിയില്‍ നിന്നുള്ള കലാകാരന്‍മാര്‍ക്കു പുറമേ ദുബായില്‍ ഓണ്‍ലൈന്‍ വഴി പഠിക്കുന്ന കുട്ടികളും മൃദംഗമേളയില്‍ പങ്കെടുക്കുമെന്നത്‌ പ്രത്യേകതയാണ്‌.